Sefania 2:5 - mzwDBL

⁵ Filisti tena, hé bwɛɛlɛ. He nɛra haa soɡe mpo nyoa bwa, Korowii dɔɔ vɔrɔwe he deŋnetɛra waa bil tonɛ, dɛ ŋɔ wɛɛ chɔɡ heyaa, beŋkpoŋ kwaraa aa wola ka.

Sefania 2:5 ပူးပေါင်းရင်းမြစ်များ

Aesaya 14:29

Filisti tena, daŋɡbala baa kpɔa lɔɔ heyaa ka la kuu, kɛ he bɛ ɡel he sie lɛ he hɛɡre. Harɛkon sewaa, onchɔɡe kɛ domkpule dɛ́ chiɡ o naa ta, ásɛ o bii ɡe do kɛŋɔ doh dɛ́ ir.

Aesaya 14:30

Nɛra baa nyaa kohona ɛɛ dɔ kwaa dɛɛ di, ásɛ banɔ la ba soɡa bini aa kpeɡa tɛɛ ba ɡe dɔ bɔr chɔ bosɔɔhna ta, komɛlbwa aa ban ɛ. Kɛ he Filisti tena te, lɔree mɛɛ ba kpɔe kpoo heyaa he mun he harɛ la ta. He bini bɛlbwa aa kae ba.

Jeremia 47:7

Korowii aa ŋɔa kere la ka yo Askɛlɔn ne mpo nyoa tena bwa nɔ. Ɛrɛɛ wɛɛ ba wona chɔɔ?”

Ɛsekeɛl 25:16

Anomanta, n ŋɔ mɛɛ ka yo Filisti tenaa dɛ́ kpoo ba bwa le harɛ la ta. N dɛ ba nɛra baa kaa dɛ so mpo nyoa la bwa chɔɡa.

Emɔs 3:1

Korowii ŋɔ, “Israel tena, he no waa aa le n be dɛɛ ba he harɛbir nɛra maa lawɛ heyaa le Ijipt harɛ ta la nɛ.

Emɔs 5:1

Emɔs ŋɔ, “Israel tena, hé no wiile maa taara dɛɛ tɛ heyaa nɔ.

Sefania 1:11

He nɛra haa soɡe bwɛɛ la yawa ta bɔr pera, hɛ́ɛ wi kohona, he bonadiire ne banɔ la baa dɛ peɡri suuɡapoŋa la bwa dɛ́ ba serewa.

Sefania 3:6

Korowii ŋɔ, “N chɔɡ harɛre bwa nɛra ne ba bwɛjena, dɛ kuuɡi danjwɛɛre baa maa bara, ne a dejaŋa bwa a berɛ dimɡbeeni. Bwɛjena la chɔ pɛɛ, nɛra toole a fɔɡbaahna, nomɛlbwa ta kae kpa.

Sekaria 1:6

N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”

Amanesoma Mak Aa Chwera Tɔn 12:12

Yeesu aa bol a ɡɛ waa nɔ dɛ kpɔ sɛɡle la, dɛ Juu tena nomonome la dɛ́ nyin bɔr dɛ́ lawɔ, dɛkalkɛŋɔ dɛ ba jemɔ kɛŋɔ banee o sɛɡle. Kɛ dɛ ba dɛ ɔmɛ nɛnlaa baa lɔ bela la, dɛ ɡelo dɛ kaa.

Josua 13:2

Harɛre aa kaa laanee Filisti ne Gesur harɛre,

Josua 13:3

dɛ kpɔ le Sehɔ Moo waa lɔ Ijipt wee leebɔr, dɛ ka tel Ekron tena jwɛh ta weekaŋle nyundua, a bwa lɔ Keenan harɛ ta. Dɛ Filisti tena koranar banue soɡe bwɛjena Gasa ne Asdɔd ne Askɛlɔn ne Gat dɛ Ekron, dɛ Avi tena ɡe harɛ.

Sitɔɔla 3:3

Nɛra waa ɡel ba laanee Filisti tena koranar banue, ne Keenan tena bwa, ne Sidon ne Hivi tena baa soɡe Lɛbanɔn bwejena ta, dɛ kpoŋe le Baal Hɛmɔn ka tel Lebo Hamat.

1 Samoɛl 30:14

Ya kaa yo Nɛɡɛv pua hɛŋle ɡbo harɛ bela nɛra bane baa dɛ yer ba Kɛrɛt tena baa lɔ Juda harɛ ta, dɛ pa ba laala, ne Kaleb dea lolanar ba ɡe aa soɡe bela, dɛ fuh bwɛjen Siklaɡ ɡe.”