Sefania 2:3 - mzwDBL

³ He nɛra haa pwɛr he te dɛ do harɛ nɔ ta, hé charɛ he liire dɛɛ no Korowii wa. Hé ɡel he waa toɡre, dɛ́ ba he te ne harɛ o sie, o ken ɛɛ lɛ heyaa, waa wola he deŋnee tɛr kpa, awola o bwaawee aa ir nɛra nɛɛ la.

Sefania 2:3 ပူးပေါင်းရင်းမြစ်များ

2 Samoɛl 12:22

Asɛ Kooro Devid chaŋe ŋɔ, “O ta aa soɡe le la, n vɔwɛ nyoa dɛ wi kpela. N liiro kɛŋɔ Korowii ken ɛɛ sune n nɛɛ, ásɛ bie la bɛ sewɛ.

Yela 105:4

Hɛ́ɛ soŋe Korowii dɛ́ na o kpeɡri, dɛ́ɛ tomɔ saŋ bɛlbwa.

Yela 149:4

Korowii sie dɛ lɛ o nɛra nɛ, dɛɛ cha nɛra baa dɛ pwɛr ba te, dɛ ɡel baa pɔ ba dɔma nɛ.

Yela 22:26

Nyaara ɛɛ di kwaa vaɡɛ ɡɛ baa dɛ nyin, nɛra baa dɛ tomɛ Korowii ɛɛ kpɛɛroo. Kórowii ɡel bá dɔ silɛɛ saŋ bɛlbwa dɛɛ la!

Yela 31:20

He kwaa ba dɛɛ sɔh he lɔɡa, dɛɛ le vɔrɔwa nɛnchɔɡa aa dɛ vɔrɔwe ba waa la wa. He laɡ ba dɛɛ sɔh he lɔɡa bela haa soɡa, dɛɛ lee ba ba dɔma chɛɡa nyoa.

Yela 45:4

Che kan haa doa ta ka yo, dɛ́ pɔ he dɔma nɛ, dɛ́ kpɔ kasinteŋ ne toɡra he wa aa toɡra, bol waa dɛɛ pa bole. He kpeɡri kohona ɛɛ ɡeloo hé pɔ he dɔma nɛ.

Yela 57:1

N Naa Korowii, na n sum, dɛkalkɛ henee n chwa baa marɛ dɛ dɔ bosɔɔhna. He lɔɡaa n chwa baa sɔh, kɛŋɔ jal yon lawɛ o bii do o kena lɔɡre, ka tel saŋ harɛ chɔɡa aa baa kaa.

Yela 76:9

ɡɛ saŋ haa ira che dɛ́ pa nɛra bole dɛ́ lɛ nɛra baa dɛ fiɡ ba harɛ nɔ ta la.

Yela 91:1

Nomɛlbwa waa chwa ka so Nemenɛ Korowii lɔɡa o kpɔ nɔn tɔ o nɛ, nomɛlbwa waa ka do On Waa Ɛ Kpeɡri Bwa Dɔɔ lɔɡa la,

Kaala 12:27

hé ŋɔ ba be ŋɔ, ‘Galekaa saraha taa Korowii kpoo Ijipt tena bibanloɡla bwa ba deremi ta, dɛ ɡale ya Israel tena deremi ta kaa.’ ” Mosis aa bol waa tonɛ la, Israel tena ɡuŋo dɛ tomɛ Korowii.

Sɛɡla 18:10

Korowii do kɛŋɔ dejaŋ waa kpeɡa, belaa nɛra ba wa aa toɡra bwa chwa dɛɛ kaa wɛɛ lɛɛ ba.

Aesaya 1:17

dɛ́ do sie wedɛɛɡa ɛɛ ta! Hɛ́ɛ teŋɛ kasinteŋ ŋwɛnɛ ta, dɛɛ cha nɛra baa dɛ ɛɛ ba hɔhɔrɔwa. Hɛ́ɛ bol bilalbii ne luhaahna waa dɛɛ tɛɛ ba.

Aesaya 11:4

Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.

Aesaya 61:1

Nemenɛ Korowii Doma la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ larawe nɛra ba bambile aa chɔɡa bwara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba lɛɛ balɔ.

Jeremia 39:18

Mɛɛ kpɔ nɔnee tɔ he nɛ, baa wola won kpoe. Hɛɛ chwao dɛ lɛ he nyu, dɛkalkɛ he kpɔ he te dawɛ n nɛ. Men Korowiirii bola.’ ”

Jeremia 45:5

Ɛrɛɛ hɛɛ nyin kɛŋɔ nɛra nyiŋi he nɛɛ kɛrɛdɛ nɔɔ? Bɛ an dɛɛ nyin, dɛkalkɛ n dɛ ba wenaale kpɔe ba ta harɛ nɔ nɛra bwa nɛ. Bobɛlbwa haa chwa kaa la, mɛɛ ɡeloo he dɔ he nyu. Men Korowiirii bola.”

Ɛsekeɛl 13:5

Baa sie do danjwɛɛre aa peɡra la ta, dɛ́ kwaara, ásɛ dɛ laa dɛ ba naa, ba won lɛ Israel ta, dɛ́ won che Korowii Tɔpere La nyoa.

Hosia 10:12

Hé ɡel he waa toɡre, ásɛ dɛ dɔ nyina waa wola jaɡa dɔe. Hé pwɛr he bambile waa kpeɡa, kɛŋɔ harɛ waa hola. Saŋ telo kɛ hé nyin men Korowii bɔr mɔɔ n bala tel, ásɛ n swee andɛɛɡa tɛ heyaa kohona.

Hosia 7:10

Israel tena mbarafo dɛ di danseɛ ba wechɔɡa wa, kɛ anɔ bwa habɔɔ, baa berɛ dɛɛ ba men Korowii baa dɛ tom mɛ la be, kɛɛ dɛ́ nyin n bɔr.

Jona 3:9

O baah ken ɛɛ sɔɔhnoo, ásɛ o dɔ tedoma tɛ yaa, dɛ́ charɛ o liire le o bandia waa dɛ ba kpɔe ba chɔɡ yaa la ta, ásɛ ya bɛ serewe.’ ”

Sekaria 8:19

“Nyoa haa dɛ vɔwɛ korobinaarɛ, ne korobinue, ne korobinuanɛ dɛ korobifi ta la, hé kpɔ ɛ tɔpejena dii silɛɛ aa lɔ a ta, dɛ́ tɛ Juda tena. Anomanta, hɛɛ nyin kasinteŋ ne deŋnesɔɔhna.”

Matiu 5:5

Nɛra baa dɛ pwɛr ba te la, ba na som, dɛkalkɛ Korowii nyobaɡa la, banee o baɡɛ tɛ.

1 Tesalonika 4:1

Anɔ la aa jaa la, yabala, waa la haa hwela ya be ɡɛ aa chɛ kɛ he so ásɛ Korowii sie lɛ he nɛɛ la, ɡɛɛ hɛɛ ɛ la. Ya cheɡɛ ya Dɔɔ Yeesu naa ta dɛɛ ja heyaa ŋɔ a chɛ kɛ he ɛ dɛ ɡwaa ɡɛ.

1 Tesalonika 4:10

Kasinteŋ, he dɛ nyin he bala baa lɔ Makidoonia harɛ la bwa. Yabala, ya dɛ soŋe heyaa kɛ he bɛ waa nɔ ɡel, kɛ hé ɛ ɡwaa ɡɛ.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Pita 3:4

Hé ɡel nɛra na he wer waa aa lɔ bambile bini siwi aa wola an na la ta. Hé do pwɛre, dɛɛ ɛ waa bɔeh. Anee wera aa wola tu bwa, dɛ do wer kohona Korowii be.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.