Sefania 2:15 - mzwDBL

¹⁵ Gɛɛ bwɛjen o nɛra aa dɛ lii kɛ ba soɡe deŋnesɔɔhna ta, wobɛlbwa aa ban ha la ɛɛ ba nae. Ba yon ŋɔ, “Ya bwɛjen ɛ bwɛjen tenten, bwɛɛ bɛlbwa toole o habɔɔ kpa.” Hé na chɔɡa waa chɔɡa, ásɛ kpɔɡ bini ola kpɔ bela berɛ a chɔɔbɔra. Nɛra báa teŋe baa kaa bwa ɛɛ mamɔɔ dɛɛ for nɔɔra.

Sefania 2:15 ပူးပေါင်းရင်းမြစ်များ

Job Tɔn 16:4

Dɛ he fe do ɡɛ maa doa nɔ, n ɡe do ɡɛ haa doa nɔ naa, n fe ɛɛ bol waa ɡwaa heya he kwaa la berɛ dɔ wesoma.

Job Tɔn 27:23

Peu lɔ kpaŋa ta ba nɛɛ kɛ nɛn, ba wechɔɡa wa, o nyoa ɛɛ si dɛ taɡ ba le ba deremi.”

Aesaya 22:2

Akwe! Lɔŋɔre ɡbo bwɛ, bwɛjen ɡbɔɡa ne silɛɛ aa sui. Kere laa ba kpɔ kpoo heya, laa ta ɡe laa he ka.

Aesaya 32:11

Haahna haa lɔ bosɔɔhna ta la bwara ɛɛ sao he ɔmɛ. Hé wur he laala ta, dɛ́ kpɔ lweyale mile chara.

Aesaya 32:14

Koodem ne bwɛjen nɛra fa aa su a ta la ɛɛ chɔ pɛɛ. Deremi ne dekpeɡa aa tɔ ba nɛɛ la bwa ɛɛ choɡluu, dɛ́ berɛ dimɡbia saŋ bɛlbwa, ásɛ kpɔɡ bini keeɡore ne peera, kpɔ bela ɛ a dibɔr.

Aesaya 32:9

Haahna haa lɔ bosɔɔhna ta, hé no n be! Bitoli haa soɡa kɛrɛdɛ, hé cheɡ deŋne dɛ́ no n wa!

Aesaya 47:10

He kpɔ he te dawɛ he wechɔɡa ɛɛ ta, dɛ ŋɔ, ‘Nomɛlbwa aa men na.’ He wejema ne he liire wili dɛ ɡel he ŋɔ, ‘Menee men. Nomɛlbwa toole n habɔɔ kpa.’

Jeremia 18:16

Ba harɛ ɛɛ berɛ dimɡbiaa, dɛ́ berɛ waa nɛra aa na dɛɛ mamɛ tɔpere bɛlbwa, ásɛ nɛra baa teŋa baa kaa bwa nyoa kpo dɛɛ viiɡi nyuune.

Jeremia 19:8

Chɔɡa kohona waa do kenii mɛɛ ba kpɔe ba ta bwɛjen nɔ ta, ásɛ o berɛ kon nɛra baa teŋa baa kaa na, dɛ́ ɔmɛ ba nyoa kpo, o nɛra bola baa do ba wa.

Jeremia 50:13

N bandia nomanta, nomɛlbwa aa Babelɔn harɛ ta soɡa ba, wɛɛ berɛ dimɡbiaa, ásɛ nɛra baa teŋa baa kaa na, ba bambile teŋe ba nyoa kpo.

Wiile 1:1

Na ɡɛ bwɛjen Jerusalam aa chɔ pɛɛ, dɛ nɛra fa su o ta ɡa! Na ɡɛ waa bera do kɛ luhaah, o waa do sum, dɛ o fa lɛ sɔn harɛre nɛra bini taeh! Bwɛjen o fa aa do kɛ haŋkooro la, o berɛ yom taraken.

Wiile 2:1

Na ɡɛ Korowii aa kpɔ o bandia ba bɔle bwɛjen Saayɔn ta kɛŋɔ bam, dɛ tɛr o nɛra deŋne. O le nyundua taɡɛ Israel wer ta harɛ. O ta o natiɡribɔr waa ɛ o Dea la ɡba waa dawɛ o bandia tɔpere la ta.

Wiile 2:15

Bwɛjen Jerusalam, nɛra baa teŋa baa kaa nyiŋi dɛɛ mamɛ. Ba viiɡi nyuune dɛɛ mamɛ, chɔɡa haa chɔɡa waa dɛ ŋɔ, “Akwe, bwɛjen Jerusalam waa wera kohona, asɛ harɛre nɛra bwa sie fa ɛɛ lɛ o nɛɛ laanee nɔ naa?”

Ɛsekeɛl 27:36

Bonadiire baa lɔ harɛre ta dɛ chweere, he paɡrɔ aa wola were, he waa tonɛ kwaraa.”

Ɛsekeɛl 28:2

“Nɛwɛnyini bie, bol Taaya kooro be ŋɔ men Nemenɛ Korowii ŋɔ, ‘He dɛ ɡɔɔ he te dɛ ŋɔ he ɛ voɡ, he dɛ so voɡ kara ta mpo bare cheme. Kɛ nɛwɛnyinii hen, he ta voɡ ɛɛ, he dɛ lii kɛ he ne voɡ wejema kɛrɛdɛ.

Ɛsekeɛl 28:9

Hɛɛ won ŋɔ he ɛ voɡ nɛra baa dɛ ba ba kpoe la be naa? Nɛwɛnyinii hen, he ta voɡ ɛɛ nɛra baa kpoe la nɔn ta.

Ɛsekeɛl 29:3

Ŋɔ o be ŋɔ men Nemenɛ Korowii ŋɔ, ‘Ijipt kooro, n ne he dɔɔ, he do kɛŋɔ lɛŋɔ damanta dɛ do he nenabɔɔne ta. He ŋɔ Nael Moo ɛ he kon, he ɡbabirii ɛo.

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Neehum 3:19

Komɛlbwa aa won ɡel he ŋwɛra tonɛ, bola baa do heyaa la ɛɛ kpoo heyaa. Nomɛlbwa waa no he waa sie ɛɛ lɛo dɛ́ lɔ kpaŋa ta he nɛɛ a wa. Umee wola he nyubinikpeɡ haa ɛa aa wola nyoa dɔe la nyoŋwaara nae ba nɔ?

Habakuk 1:7

Ba waa dɔ ɔmee ne hundam, ba ɡbaɡba mmara taa baa teŋɛ, baa nomɛlbwa waa no.

Matiu 27:39

Nɛra baa kpɔ bela bɔr baa kaa la chɛɡre Yeesu dɛɛ muɡli o baah ŋɔ,