Sefania 1:7 - mzwDBL

⁷ Bɛ́lbwa hel men Nemenɛ Korowii sie. Tɔpere maa lea cheɡ dɛ́ bol n nɛra waa dɛ́ pa bole la telo tonɛ. N dɛ ba n nɛra Juda tena kpoora ɛ saraha, dɛ́ le ba dɔma bá ba yoo ba dɛ́ pa ba laala.

Sefania 1:7 ပူးပေါင်းရင်းမြစ်များ

Job Tɔn 24:1

Job berɔ ŋɔ, “Ɛrɛɛ Korowii Waa Ɛ Kpeɡri Bwa Dɔɔ aa wola tɔpere bɛl leɛ cheɡ, dɛ́ bol nɛra waa dɛ́ pa bole ɔ? Nɛra baa dɛ tomɔ la bɛ on na kɛ o dɛ bol wechɔɡ-ɛɛra la wa.

Yela 46:10

Korowii ŋɔ, “Hé ɡel yoi, dɛ́ jemɛ kɛ menee Korowii, menee kana harɛre nɛra bwa bini, n dɔŋ toole harɛ nɔ bwa ta.”

Aesaya 13:3

Korowii nɛra waa lee ba cheɡ tɛ o te, dɛ yerɛ o banyoola ŋɔ bá tɛr nɛra baa dɛ ɛo bandiwaa la deŋne. Ba sie dɛ lɛ kan waa doa la ta, dɛ́ ɡel ba won pɔ nɛra la nɛ.

Aesaya 13:6

Hé kpɔ nɔɔra dawɛ nyu dɛ́ wi. Tɔpere Korowii aa lea cheɡ la telo. Korowii Waa Ɛ Kpeɡri Bwa Dɔɔ la tɔpere waa dɛ ba nɛra chɔɡa la telo.

Aesaya 2:12

Nemenɛ Korowii le tɔpere bɛl cheɡ, dɛ tɛ nɛra baa dɛ ɛ mbarafo ne sɔnnyin, ne nɛra baa dɛ ɡɔɔ ba te, dɛ́ ba ba ne harɛ.

Aesaya 29:2

kɛ Korowii ŋɔ wɛɛ ɡeloo he Jerusalam tena bwara nyɛɡ heya, ásɛ hɛɛ wi dɛɛ dooɡe lɔŋɔre. He bwɛjen la bwa ɛɛ ɛ chalee, kɛŋɔ kon baa kpoo kwaa dɛɛ ɛ saraha o ta.

Aesaya 34:5

Korowii kere baa tonɛ o toma nyundua aa, wɛɛ berɔɔ ba Edom tena nɛ. O pa ba bolchɔɡe cheɡ, dɛ́ kpoo ba.

Aesaya 34:6

Chal ne noo ɡboo tɔ Korowii kere la bwa, kɛŋɔ baa kpo pebiiri ne boohna dɛ ler a kporombie ɛ saraha ken. Korowii dɔ saraha ɛɛ bwɛjen Bosra. Nɛra ɛɛ serewoo kɛrɛdɛ kere la nyoa, Edom harɛ ta.

Aesaya 6:5

Anee n ŋɔ, “Akwe! N na wa. Wechɔɡa ɡboo n nyoa wobol bwa, asɛ n so nɛra wechɔɡa aa lɔ ba nyoo baah ta, dɛ berɛ na Koojen, Nemenɛ Korowii nɔ.”

Jeremia 46:10

Awola tɔpere la ɛ Korowii, Koranar Bwa Kooro Tɔpere, tɔpere waa dɛ ba o dɔma kem bɔe. O tokobii nee wɛɛ ba ba kpoora, dɛ́ nyɔ ba chal sɔɔh nyɔɡre waa dɛ kpoo nyoa. Korowii, Koranar Bwa Kooro ɛɛ kpoo o dɔmaa awola tɔpere, Yufretis Moo nyoa, weekaŋle nyunduabɔr.

Ɛsekeɛl 7:10

Tɔpere la telo, o pu heyaa tonɛ. He dachɔɡe do kɛŋɔ kwaa haa dua, a dɛ le, daŋɡbala la dɛ moɡɛ. He lwɛmkpeɡ la feɔ.

Ɛsekeɛl 7:7

Nɛra haa soɡe harɛ la ta, he chɔɡa telo. Saŋ la telo, tɔpere la joɔ tonɛ. Silɛɛ bɛlbwa toole voɡa aa lɔ bwea dor ta kpa, sibeɡra ɡboo.

Joel 1:15

Tɔpere Korowii aa lea cheɡ la telo, saŋ On Kpeɡri Bwa Dɔɔ la aa ba chɔɡa ne la. Wɛɛ ba ɔmee kohona nee ba ta nɛra nɛ.

Joel 2:11

Korowii tɔ o laa tena sie dɛ nyɛɡ, a do kɛŋɔ bwaala aa kɔra ken, o laa tena la ta nyoa dɔe, ba ɛ banyoola dɛɛ no o deŋna wa. Tɔpere Korowii aa lea cheɡ la ɔma kohona. Umee dɛ́ won che a nyoa ɔ?

Joel 2:31

Wee dɛ ba bira, ásɛ korobie swɛɛ kɛŋɔ chal ken, mɔɔ Korowii Tɔpejen waa do ɔma la ba.

Emɔs 6:10

Nɛra baa serewa la lole bɛl ɛɛ bao, dɛ́ ba pa lala la le dem bela, dɛ́ bɔɔ nomɛlbwa waa ka dem bela ŋɔ, “Nomɛl ta lɔ he be bonɔ kɛɛ?” Ásɛ taa bɛl chaŋe ŋɔ “Ɔɔhɔh!” Ásɛ lole la ŋɔ, “Hel! Ya nyiŋi kɛrɛdɛ dɛ bɛ Korowii sɔn yerɛ.”

Emɔs 8:3

Awola tɔpere la, yela baa ɡo n Dea la ɛɛ berɛ wii. Nɛra ɛɛ serewoo kohona chɔ bobɛlbwa, ásɛ bɔr hel.”

Habakuk 2:20

Korowii lɔ o Dea waa do ɡoroŋ bini. Nɛra haa lɔ harɛ nɔ ta, hé bwa hel o sie.”

Sefania 1:14

Korowii Tɔpejen waa lea cheɡ o do ɔma la telo tonɛ, o dɛ ba warawara, o pu yaa tonɛ. A ɡɛ tɔpere la ɛɛ ɛ sibeɡraa taeh, banyoola ɛɛ do lɔŋɔre kohonaa.

Sekaria 14:1

Tɔpere Korowii aa lea cheɡ dɛ́ bol nɛra waa dɛ́ pa bole la dɛ ba. He dɔma ɛɛ ba pa he Jerusalam tena laala kɛ laa ta kwa, dɛ́ bɔna he siwi ta.

Sekaria 2:13

Nɛwɛnyina bwa hel Korowii sie, dɛkalkɛ o iro le o boɡoroŋ bela waa lole.

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Matiu 22:4

Anee o berɛ kwaa tomɛ banfala dɛ ŋɔ ba be ŋɔ, ‘Hé ka ŋɔ nɛra maa yer ba la be ŋɔ ba tonɛ kondikwaa la. N kpoo nabala ne nae aa do noorare kohona, anomanta, n tonɛ komɛlbwa kɛ bá ba.’

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.

Tɔn Pɔɔl Aa Chwerɛ Rom Tena 9:20

Dɛ henee ume kɛŋɔ Korowii bol waa he chaŋe bɛl ɔ? Vii ɡee wonoo bɔɔ mamaa waa aa bala o mao ɡɛ waa mao wa aa?

Felepae 4:5

Hé ɡel nomɛlbwa jemɛ he waa kɛ he pwɛre. Ya Dɔɔ bala la pu yaa tonɛ.

Kolosi 1:12

dɛ́ won kpɔ silɛɛ dɛ́ɛ jaamo waa ɛ ya Mɛɛ la wa. Onee ɡela ya chɛ kɛ ya ne o nɛra ba wa aa toɡra bwa won dɔ kondɛɛɡa waa dɔa tɛ o bii baa ja o Kora waa ɛ Bochaah Kora la ta.

1 Samoɛl 16:5

Anee Samoɛl chaŋe ŋɔ, “Ɔɔh, deŋnesɔɔhna taa. N balɔ dɛ́ ba kpo kon ɛ saraha tɛ Korowii. Hé sɔ he doŋa bwa ta Korowii be pera, dɛ́ ba ja n nɛɛ saraha la mun.” Ate, o sɔ Jese ne o bibaala doŋa bwa ta dɛ ta nɔn yer ba saraha la mun.

1 Samoɛl 20:26

Awola tɔpere la, Kooro Sɔɔl ta wobɛlbwa bolɛ, dɛ o dɛ lii ŋɔ, “Waane ken ka chiɡ Devid nɛɛ dɛ ɡel o kah doŋa waa wola won ba Tɔpejen nɔ dii ta.”