Dɛ Siiria laa tena aa kanɛ, kɛ Korowii ɡelɔ ba yo, dɛ pɔ Juda laa tena baa wara kohona nɛ, dɛkalkɛ ba vɛh Korowii ba naawa aa dɛ tomɔ la. Gɛɛ a do Kooro Joas dɔ o deŋnetɛra.
Anee ɡela waa Korowii aa cheɡɛ o keame Jeremia nɛɛ bol la ɛ kpela. O ŋɔ, “Harɛ la ɛɛ chɔɡoo, dɛ́ chɔ kɛ dimɡbia bene fifraanuanɛ baa wola won parɛ o ta.”
Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.
Mɛɛ do baa ásɛ ba berɛ ba bwɛjen nɔ ta. Baa ba yo nɛra baa lɔ o taa dɛ́ laɡ ba, ásɛ dɛ fuh o bwa. Mɛɛ ɡeloo Juda harɛ bwɛɛre do kɛŋɔ pua hɛŋle ɡbo harɛ ta ken, nomɛlbwa aa won so a ta. Men Korowiirii bola.’ ”
Korowii berɔ ŋɔ ń bol Juda Kooro Jehoiakim be ŋɔ, “He fuh tɔn la, dɛɛ bɔɔ Jeremia ɡɛ aa ɛa o chwerɛ ŋɔ Babelɔn kooro ɛɛ bao ba chɔɡ he harɛ nɔ, dɛ́ kpoo nɛra ne kondɛɛra bwa aa lɔ o ta.
Anomanta, men Nemenɛ Korowii ɛɛ kpɔ n bandia waa do kɛ nii ba ta n Dea nɔ ne nɛra dɛ kondɛɛra bwa nɛ. Hale daa ne koo kondikwaa bwa soo siwi. N bandia la aa sɔɔh bwa.
Korowii teŋɛ o nyobaɡa ta, dɛ ɛ waa o fa aa vɔrɔwa bil ŋɔ wɛɛ ɛo la. O chɔɡe, o ta he nɛɛ sune, dɛ ɡel he dɔma pɔ he nɛ, dɛɛ di he loro, he chɔɡa la wa.
