Sefania 1:13 - mzwDBL

¹³ Ba dɔma ɛɛ pa ba kondɔɔh bwaa kaa, dɛ́ chɔɡ ba deene. Baa ma deenee, kɛ baa a binii so, dɛ́ parɛ ɡrepo daa kooni, baa a nɔnaa dɔ ɛ sen nyɔ.”

Sefania 1:13 ပူးပေါင်းရင်းမြစ်များ

Aesaya 6:11

Anee n ŋɔ, “N Naa Korowii, dɛ ka tel saŋ besoo?” O chaŋe ŋɔ, “Dɛ ka tel kɛŋɔ bwɛjena la aa berɛ dimɡbia, nomɛlbwa aa wola a taa so, ásɛ deremi aa lɔ a ta la chɔ pɛɛ, kooni bwa berɛ pua.

Jeremia 15:13

He wechɔɡa aa kana harɛ la ta bwa nomanta, mɛɛ ɡeloo dɔma pa he kondɔɔh, ne laala a yoɡ aa kpeɡa bwa kɛŋɔ laa ta kwa, ásɛ a ɛ deŋnetɛra tɛ heya.

Jeremia 17:3

dɛ bwejena bwa dor. Mɛɛ ɡeloo he dɔma ba kpɔ he kondɔɔh, ne laala a yoɡ aa kpeɡa bwa, dɛ bwejena dor haa dɛ tomɛ voɡare la do ba nɔn ta, he wechɔɡa bwa haa ɛa harɛ la ta wa.

Jeremia 4:20

Wekpeɡa ane balaa, dɛ ane teŋɔ, harɛ la bwa berɛ dimɡbia. Kerabeŋkpoŋ dɛ n tɛnte deene maa soɡe a ta bwa chɔɡɔ.

Jeremia 4:7

Gɛ nyujente yon le o sɔɔhbɔr dɛɛ ba la, ɡɛɛ nɛn waa dɛ chɔɡ harɛre kpɔ o te dɛ le dɛɛ ba. O le bela waa lole, dɛ́ ba chɔɡ he harɛ. He bwɛjena ɛɛ berɛ dimɡbiaa, nɛra aa wola a taa so.

Jeremia 5:17

Baa di he kondikwaa bwaa, dɛ́ kpoo he bibaala ne bihaahna. Baa kpoo he peera ne naee, dɛ́ chɔɡ he ɡrepo ne fiɡ daa bwa. Baa chɔɡ he bwɛjena baa ma danjwɛkpeɡa bara, hɛɛ hwɛɡɛ a ta bwaa.”

Jeremia 9:11

Korowii ŋɔ, “Mɛɛ paɡre Jerusalamee o berɛ dimɡbia, ásɛ kalampoŋare kpɔ bela berɛ a sobɔr, dɛ́ chɔɡ Juda harɛ bwɛɛre, nomɛlbwa aa wola won so a ta.”

Jeremia 9:19

Hɛ́ɛ no wii ɡbɔɡa aa dɛ le Saayɔn. Ba ŋɔ, ‘Akwe, ya chɔɡɔ! Sihiih kpo yaa kɛrɛdɛ. A chɛ kɛŋɔ yá le ya harɛ nɔ ta, ya soŋnibɔra bwa paɡrɔ.’ ”

Wiile 5:2

Harɛ waa ɛ ya kapɛrɛ kon kaa di nɛŋhɔɔhra nɔn ta, harɛfala nɛra lɛ ya deremi dɛ so a ta.

Ɛsekeɛl 22:31

Mɛɛ kpɔ n banfuih ba ta ba nɛɛ kohona, dɛ́ chɔɡ ba, ba waa baa ɛa la wa. Men Nemenɛ Korowiirii bola.”

Ɛsekeɛl 7:19

Baa kpɔ ba suuɡapoŋa ne suuɡaswɛmee ta fɔɡbaahna kɛŋɔ chaa. Ba suuɡapoŋa ne suuɡaswɛm la aa won lɛɛ ba le men Korowii bandia tɔpere la ta. Baa won kpɔa yawɛ kwaa di, baa won dia ɡe dɛ́ vaɡɛ, dɛkalkɛ a taa ba lɔ naa dɛ ɛ wechɔɡa.

Ɛsekeɛl 7:21

Mɛɛ kpɔ a bwaa tɛ nɛŋhɔɔhra, ásɛ ba kaah kɛŋɔ laa ta kwa, kɛɛ nɛnchɔɡa aa dɛ kah kwaa la, bá kpɔ doŋa kaah.

Ɛsekeɛl 7:24

Mɛɛ ɡeloo nɛnchɔɡa tenten le harɛre ta ba, dɛ́ ba lɛ he deene dɛ́ kpɔ. Mɛɛ ɡeloo he kpeɡnɛra haa dɛ hwɛɡɛ ba nɛɛ la nyoa sɔɔh, dɛ́ ɡel bela haa dɛ tomɛ voɡa la ɛ pɛɛpɛɛ.

Emɔs 5:11

He fiiɡi nyaara dɛ ɛɡre ba dɛɛ lɛ mea. Anomanta, haa deene haa kpɔ bwedɛɛɡa maa la binii so, kɛɛ dɛ́ dɔ sen nyɔ le he daa kodɛɛɡa haa para la ta.

Maeka 3:12

He nomanta, Saayɔn ɛɛ doo kɛŋɔ koo baa parɔ dɛ du kwaa o ta ken, Jerusalam bwa ɛɛ kuuɡuu dɛ́ chɔ pɛɛ, ásɛ Korowii Bwejen Dea aa chɔŋɛ o ta la berɛ kɔr.

Maeka 6:15

Hɛɛ du koo kwaa kɛ haa komɛlbwaa na komɛ, hɛɛ harame ɔleveree dɛ dɔ a no, kɛ haa dɔ ɛ wobɛlbwa, dɛ harame ɡrepo nɔna ɛ sen, haa dɔ nyɔ.

Sefania 1:9

A ɡɛ tɔpere la, mɛɛ tɛr nɛra baa dɛ tomɛ voɡa deŋnee, ne banɔ la baa kpoo nɛra, dɛ ŋwɛ ba laala dɛ pa ka su ba voɡ baa dɛ tomɔ dea la ɡe deŋnee.

Mmarare 28:30

Nɛn ɛɛ ɛ haah bwara waa, kɛ nomɛlee dɛ́ berɛ moo. Hɛɛ ma deaa, ásɛ nomɛl laa lɛ he be haa wola o binii dɔ chɔ. Hɛɛ du daa haa a nɔnaa dɔ di.

Mmarare 28:39

Hɛɛ parɛ daa baa kpɔ a nɔna dɛɛ ɛ sen koonii, kɛ haa a nɔnaa dɔ chaa, haa a senee dɔ nyɔ dɛkalkɛŋɔ dudule ɛɛ chɔɡaa.

Mmarare 28:51

Baa di he kondikwaa bwaa ásɛ lɔr kpo heyaa he serewe. Baa di he mea bwaa, dɛ́ nyɔ he sen dɛ́ kpɔ he ɔleve no, dɛ́ larawe he nae bii ne peera bii bwa, ka tel kɛŋɔ he kondɔɔh bwa aa le he nɔn ta.