Sefania 1:12 - mzwDBL

¹² A ɡɛ saŋ mɛɛ kpɔ kandeaa ɡaaɡe Jerusalam bwa, dɛ́ tɛr nɛra baa dɛ lii kɛŋɔ wobɛlbwa ta ban hiaeh, ba nyu bini do ba som la deŋne, dɛɛ lii ŋɔ, ‘Wobɛlbwa aa ɛ wedɛɛɡa kɛɛ anchɔɡa la, Korowii waane laa.’

Sefania 1:12 ပူးပေါင်းရင်းမြစ်များ

Job Tɔn 21:15

Umee Korowii Waa Ɛ Kpeɡri Bwa Dɔɔ ya tomɔ wɔ? Bɔkwa tɔnɔɔ yaa ba dɔe le Korowii soŋa ta nɔ?’

Yela 10:4

Nyubinikpeɡ tena waane laa Korowii wa, ba mbarafo, dɛɛ lii kɛŋɔ, Korowii waa ta hiaih.

Yela 14:1

Gɛnaa yon dɛɛ lii ba nyu bini kɛŋɔ Korowii toole, ba waa ta kasinteŋ dɔe, ba ɛ wechɔɡ-ɛɛra, bɛlbwa toole dɛɛ ɛ wedɛɛɡa.

Yela 94:7

Ba yon dɛɛ bol ŋɔ, “Korowii aa yaa na, Korowii Israel tena aa dɛ tomɔ la sie toole ya be.”

Aesaya 5:19

Hé bwɛɛlɛ he banɔ la haa dɛ bol ŋɔ, “Korowii, ɛ warane dɛ́ ɛ he toma ya na. Israel Nɛŋɡoroŋ, baɡle he ŋwɛnɛre ya jemɛ.”

Jeremia 10:5

Ba ɛa a do kɛŋɔ yakwane baa saɡa koo, dɛ kpɔ dɛɛ doŋi jumbii la ken, ba voɡare la aa won waa bol. Cheɡaa baa chea, dɛkalkɛ aa won valɛ. He bɛ an dɛɛ ɔmɛ, wobɛlbwa toole á won ɛ, kɛɛ dɛ́ won ɛ wedɛɛɡa ane tɛ heya.”

Jeremia 48:11

Korowii ŋɔ, “Moab tena fa soɡe deŋnesɔɔhna ta, ba ta ban lawɛ kaa harɛfale ta bwa. Ba fa do kɛŋɔ sen mun a taa lɔ loŋ bini, baa wola an fuɡe do loŋfale bini ken. A kpeɡri, a sɔɔh ɡe ta charɛ bwa, dɛ ta do ɡɛ aa doa wubwa la.

Ɛsekeɛl 8:12

Korowii ŋɔ n be ŋɔ, “Nɛwɛnyini bie, he na waa Israel nomonome aa baa sɔh dɛɛ ɛ kenɛ? Ba lɔ dea ba voɡa aa suu bini dɛɛ toma. Waa baa dɛ bol laanee kɛŋɔ, ‘Korowii aa yaa na, o vɛh harɛ nɔ.’ ”

Ɛsekeɛl 9:4

“Gaaɡe Jerusalam fɔɡbaahna, dɛ́ do nɛra baa na waa maa kia, asɛ baa wi dɛɛ di suna a waa la nso ba tili ta.”

Ɛsekeɛl 9:9

Korowii chaŋ mɛ ŋɔ, “Israel ne Juda tena wechɔɡa ɡwaalɔ kohona, nɛŋkpoa ɡboo harɛ la bwa, kasinteŋ toole Jerusalam kpa. Ba dɛ bol ŋɔ, ‘Korowii vɛh ya harɛ nɔ, waa yaa na.’

Emɔs 6:1

Saayɔn tena haa dɛ lii kɛŋɔ wobɛlbwa aa heyaa ha, ne Samaria Bwejen dor tena haa dɛ lii kɛ he soɡe deŋnesɔɔhna ta la, hé bwɛɛlɛ! Nomonjena haa dɛ tɔ Israel harɛ waa sie, Israel tena ɛɛ ba he be hɛɛ cha ba la bwa, hé bwɛɛlɛ!

Obadia 1:6

He Esɔ naanar, he dɔma pa he kondɔɔh haa kpɔa sɔh bwa kaa.

Malakae 2:17

He ɡelɔ Korowii mee le he wobol ta. He dɛ pɛɛ ŋɔ “Ɛrɛɛ ya ɡel o mee leɔ?” He ŋɔ, “Korowii sie dɛ lɛ nɛra baa dɛ ɛ wechɔɡa nɛ, dɛ berɛ ŋɔ leperaa Korowii o waa aa dɔ kasinteŋ la dɔɔ?”

2 Pita 3:4

Baa dɛɛ bɔɔ heyaa ŋɔ, “Korowii aa baɡɛ nyoa ŋɔ Yeesu ɛɛ berɔɔ ba ja la, lee o dɔɔ?” Dɛ ŋɔ, “Ya mɛɛnanar bwa serewɔ, dɛ o ta balɛ mɔɔ. Gɛ harɛ nɔ aa doa o mumpar la, ɡɛɛ o ta do.”

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.