Sefania 1:11 - mzwDBL

¹¹ He nɛra haa soɡe bwɛɛ la yawa ta bɔr pera, hɛ́ɛ wi kohona, he bonadiire ne banɔ la baa dɛ peɡri suuɡapoŋa la bwa dɛ́ ba serewa.

Sefania 1:11 ပူးပေါင်းရင်းမြစ်များ

Job Tɔn 27:16

A lole kɛ ba dɔ suuɡapoŋ kɛ nee ken, dɛ dɔ yale kohona,

Job Tɔn 27:17

nɛra ba wa aa toɡra laanee dɛ́ tɔ yale la, ásɛ banɔ la wobɛlbwa aa wola toole ba nɛɛ kpɔ suuɡapoŋa la bɔne dɔŋa.

Jeremia 25:34

He nomonome haa do kɛŋɔ peteɡra dɛɛ nyiŋi n nɛra nɛɛ la, hé do lɔŋɔre dɛɛ wi kohona! Hé chɔ harɛ dɛɛ ɡbili, dɛkalkɛ saŋ telo kɛ bá kpoo heya. Hɛɛ doo kɛŋɔ vii yon le harɛ dɛ paɡre la ken.

Jeremia 4:8

Hé kpɔ lweyale tɔ, dɛ́ wi dɛ́ɛ dooɡe lɔŋɔre, dɛkalkɛ Korowii bandia kohona la ta ya nɛɛ leɛ.

Ɛsekeɛl 21:12

Nɛwɛnyini bie, wi dɛɛ dooɡe lɔŋɔre, dɛkalkɛ n nɛra ne Israel koranar waa wɛɛ ba. Wɛɛ kpoo ba ne n nɛra kar bwaa. Kpɔ nɔɔra lɔ bambile á baɡle kɛŋɔ he hwɛɡa tonɔ.

Hosia 9:6

Dɛ wekpeɡa chiɡo asɛ ba lɔ peɡre aa, Ijipt tena ɛɛ boa ba nyoaa, ásɛ dɛ ba sewɔ aa, bá huɡ ba bwɛjen Mɛmfes. Jabalnadaŋɛre ɛɛ kpeɡuu tɔ ba kondɔɔh aa ɛ suuɡapoŋa la bwa ta, ásɛ sɔɔhne ne kpɔɡa moɡɛ tɔ bela ba deene fa aa cheɡa la.

Joel 1:13

Sɔfore, hé kpɔ lweyale tɔ dɛɛ wi, heyaa dɛɛ ɛ toma saraha kon la ta. Hé la Korowii Dea ka so jwaana bwa dɛɛ wi, dɛkalkɛ mea kɛɛ sen sarahare aa Korowii Dea ba kpa.

Joel 1:5

Sennyɔdɛɛra, hé ɡel he sie chɔ harɛ hɛɛ wi, hɛɛ wi senfala wa, dɛkalkɛ ɡrepo nɔna baa harama dɛɛ ɛ sen la bwa chɔɡɔ.

Sefania 2:5

Filisti tena, hé bwɛɛlɛ. He nɛra haa soɡe mpo nyoa bwa, Korowii dɔɔ vɔrɔwe he deŋnetɛra waa bil tonɛ, dɛ ŋɔ wɛɛ chɔɡ heyaa, beŋkpoŋ kwaraa aa wola ka.

Sekaria 14:21

Vii bɛlbwa waa lɔ Jerusalam ne Juda ɛɛ do ɡoroŋee tɛ Koranar Bwa Kooro, ásɛ nɛra baa ba ɛ saraha la kpɔ viine la daa ba saraha kwa. Keenan tena bonadiire bɛlbwa aa Koranar Bwa Kooro Dea belaa do awola tɔpere.

Amanesoma Jɔn Aa Chwera Tɔn 2:16

dɛ kɔr banɔ la baa dɛ yoɡ borɔnomare la ŋɔ bá le a ne bela, dɛ ŋɔ ba bɛ o Mɛɛ dem kpɔ berɛ bonadibɔr.

Jems 5:1

Kondɔɔhna ɡe, hé no n be! Waa aa dɛ ba heyaa pui la nomanta, hé dooɡe lɔŋɔre dɛ́ɛ wi.