Sefania 1:1 - mzwDBL

¹ Waa Korowii aa kpɔa baɡle Sefania, ɡɛ saŋ Amɔn bibaa Josia aa di kora Juda harɛ ta laanee nɔ. Sefania mɛɛ sɔne Kusi, asɛ Kusi mɛɛ sɔne Gedalia, Gedalia mɛɛ sɔne Amaria, asɛ Amaria ɡe mɛɛ sɔne Hɛsɛkea.

Sefania 1:1 ပူးပေါင်းရင်းမြစ်များ

2 Koranar 21:18

Kooro Manasɛ sewɔ ka pu o naawa, asɛ ba huɡo bodɛɛɡe bobɛl baa du daa koodem la jwɛh, ba dɛ yera Kooro Usa Daa. O bibaa Amɔn baa chiɡ o naa ta, dɛ di kora.

2 Koranar 21:26

Ba huɡo Kooro Amɔn bodɛɛɡe bobɛl baa du daa o do Usa, asɛ o bibaa Josia chiɡ o naa ta, dɛ di kora.

2 Webena 33:20

Kooro Manasɛ sewɔ ka pu o naawa, asɛ ba huɡo o koodem. Asɛ o bibaa Amɔn chiɡ o naa ta, dɛ di kora.

Jeremia 1:2

Korowii bol waa Jeremia be ɡɛ saŋ Amɔn bibaa Kooro Josia aa di kora Juda harɛ ta bene fi dɛ atoro ta,

Jeremia 22:11

Waa Korowii aa bol Kooro Josia bibaa Salum waa baa chiɡ o mɛɛ naa ta dɛ di kora Juda harɛ, dɛ berɛ le koodem bonɔ kaa laanee nɔ. ‘O le bonɔ kaa, waa berɛ ba kpa.

Jeremia 25:3

“Le bene fifraanɛ dɛ atoro, ɡɛ saŋ Juda Kooro Amɔn bibaa Josia aa di kora bene fi dɛ atoro la, dɛ Korowii dɛ bol waa n be, asɛ n bol he be keraŋwɛnɛ bwa, kɛ he ta n be noɛ.

Ɛsekeɛl 1:3

Keba Moo nyoa Babelɔn harɛ ta belaa Korowii bol waa men Ɛsekeɛl maa ɛ sɔfo be, n dɔ o kpeɡri dɛ na wepila.

Hosia 1:1

Korowii pili o waa bini baɡle Beeri bibaa Hosia. A ɡɛ saŋee koranar bane kɛŋɔ Ussia, ne Jotam, ne Ahas dɛ Hɛsɛkea di kora Juda harɛ ta teŋɛ dɔŋa nɛ. Dɛ Jehoas bibaa Kooro Jɛroboam di kora Israel harɛ ta.

2 Timoti 3:16

Korowii Tɔn bini waa bwa, Korowiirii kpɔa do nɛra liire ta ba chwera. A wer kɛ ba kpɔa dɛɛ baɡle nɛra wa, dɛ kpɔa dɛɛ kah nɛra ba wechɔɡa ta, dɛ kpɔa dɛɛ toɡre nɛra, dɛ kpɔa dɛɛ chaɡle nɛra waa aa dɛ su Korowii siwi.

2 Pita 1:19

Anɔ ɡelɔ ya jemɛ kpelakpela kɛŋɔ waa Korowii keamere la aa bola la ɛ kasinteŋ. A chɛ kɛ he cheɡ deŋne dɛɛ noa. Ba waa baa bola la do kɛ kandea waa dɛ chaah biro ta ka tel kɛŋɔ tɔ aa pera. Korowii Keamere Tɔne la ɛɛ chaah heyaa bɔree, ásɛ Korowii ɡel he liire chaah ɡɛ chɔmbibi wewee aa dɛ chaah bɔr la.