Rut Tɔn 2:14 - mzwDBL

¹⁴ Kondikwaa dii saŋ aa tela la, Boas ŋɔ o be ŋɔ, “Ba lɛ paanoo tama dɛ́ kpɔ li sennyɛɡa nɔ ta.” O ne tom-ɛɛra la aa soɡa dɛɛ di kwaa la, Boas berɛ kpɔ mea baa hala tɛo ja. O diu dɛ vaɡɛ asɛ ane ka.

Rut Tɔn 2:14 ပူးပေါင်းရင်းမြစ်များ

2 Samoɛl 17:28

ba kpɔ laala baa dɛ chɔ a ta ne loɡa, dɛ kwaa baa maa ba tɛo. Ba kpɔ mea ne mendɛɛɡa aa kpera kɛrɛdɛ ne boyuhala ne chebe,

Yela 23:5

He ɛ kondikonjena cheɡ n sie, n dɔma bwa siwi ta. He fuɡe noo do n nyu ta, dɛ ɡel n numol su dɛɛ ta.

Aesaya 32:8

Nɛn waa dɔ jirima te, o dɛ maɡle waa aa dɔ jirima dɛ́ ɛ, ásɛ a che a ta wɛɛ do kɛrɛdɛ.

Aesaya 58:7

Ane ɡee kɛŋɔ, dɛ lɔr dɛ kpo nomɛl aa, tɛo kwaa ó di. Nomɛl nyao, o ta bɔr dɔe dɛ́ chɔ aa, kpɔɔ kaa he dem. Dɛ nomɛl ɡe ta yal dɔe dɛ́ tɔ aa, tɛo bɛl, ásɛ dɛ bɛ sie laa kpɔ he lolanar ɡe nɛ.

Matiu 14:20

asɛ nɛra la bwa di dɛ vaɡre. O habɔteŋra la aa tɔɔ paanoo ne pɛŋa baa dia a ka la pɛ la, a su wɛɡrɛjena fi dɛ anɛ.

Mmarare 11:15

dɛ́ berɛ ɡel he kondɛɛra dɔ kpɔɡa di, he ɡe dɔ kondikwaa di dɛɛ vaɡɛ.

Mmarare 8:10

Dɛ he baa di kwaa dɛ vaɡre aa, hé kpɛɛ Korowii haa dɛ tomɔ nɔ, harɛpare ondɛɛɡe waa kpɔa tɛ heyaa la wa.

Rut Tɔn 2:13

Anee Rut ŋɔ, “N dɔɔ, a lole kɛŋɔ n ta he tom-ɛɛra la bɛl ɛɛ te, kɛ he nyin n waa kohona, dɛ larawe n bwara ɡe.”

Rut Tɔn 2:15

Rut aa baa ir dɛ kuuh mea la la, Boas ŋɔ o bonɔɔna la be ŋɔ, “O ɡaaɡɔ dɛ ka kuuh anɔ la baa boa a nyoa bil la jwɛh kwaraa naa, he bɛ on panya.

Rut Tɔn 2:18

O cheɡaa ba dem asɛ o helahaah na ɡɛ del waa dɔa. Rut kpɔ kondikwaa waa dia a ka la ɡe tɛo.

1 Samoɛl 17:17

Awola bɛl, Jese ŋɔ Devid be ŋɔ, “Kpɔ boyuhala kuruware fi ne paanoo fi nɔ chwa warane ka tɛ he dɔɔranar bela baa baŋre ba tɛnte deene dɛ so la.

1 Samoɛl 25:18

Abiɡel ta hɛlɛ dɛ den kpɔ paanoo lafraanɛ, ne sen oltɔn pure dela anɛ ne peera anue ola baa hala, ne mea baa hala dɛ ɛ baaɡere anue, ne daa nɔna aa hola dɛ ɛ lakaja anue, dɛ fiɡ nɔna dɛ ɛ nɔndela lafraanɛ dɛ kpɔa choɡ keeɡore.