Rut Tɔn 1:16 - mzwDBL

¹⁶ Asɛ Rut chaŋo ŋɔ, “Bɛ n be ŋɔ n ɡele. Bobɛlbwa haa kaa ne bela haa so la, n ɡee so belaa. Mɛɛ kpɔ he nɛraa ɛ n nɛra, ásɛ Korowii haa dɛ tomɔ la, ń ɡee tomɔ.

Rut Tɔn 1:16 ပူးပေါင်းရင်းမြစ်များ

2 Samoɛl 15:21

Anee Itai chaŋe kooro ŋɔ, “N ŋwɛɛ Korowii waa lole saŋ bɛlbwa ne n dɔɔ kooro o ta aa soɡe le kɛŋɔ, bobɛlbwa n dɔɔ kooro aa kaa, dɛ sewee kɛɛ mkpaa yoo, belaa men maa ɛ o bonɔɔ ɡe ɛɛ ba doe.”

Yela 45:10

Kooro hanfale, dɛɛ no waa maa dɛ ba bola nɔ, soh he nɛra ne he lolanar wa.

Sɛɡla 17:17

Darame dɛ baɡle nyina saŋ bɛlbwa, asɛ lolanar ɡe do le tɛ dɔŋa chae waa ta.

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Daneɛl 2:47

Kooro la ŋɔ Daneɛl be ŋɔ, “Kasinteŋ, Korowii haa dɛ tomɔ la ɛ Dɔɔranar bwa Dɔɔ, ne Koranar Bwa Kooro dɛ ɡela nɛra won dɛɛ na chaahna dɛ won a mun baɡla, dɛkalkɛ he wono baɡle waa aa sɔah nɔ mun.”

Daneɛl 3:29

Taraken n dɛ do mmara kɛŋɔ, harɛ bɛlbwa nɛn kɛɛ nomɛlbwa kɛɛ wobol bɛlbwa nɛra bol waa yaɡɛ Korowii Sadrak, ne Mesak dɛ Abɛdnɛɡo aa dɛ tomɔ la aa, bá teŋni naate bini, ásɛ o dem berɛ dimɡbia. Dɛkalkɛŋɔ voɡ bɛlbwa toole, dɛ́ won lɛ nɛn waa aa do ken nɔ ta.”

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Hosia 13:4

Korowii ŋɔ, “Menee Korowii haa dɛ tom mɛ n lawɛ heyaa le Ijipt harɛ la. He bɛ voɡ bɛlbwa yarada ka ja n nɛ. Lɛɛ bɛlbwa toole ka ja n nɛ.

Sekaria 8:23

A ɡɛ saŋ la, baala fi ɛɛ le harɛre wobol bɛlbwa binii, dɛ́ ba lawɛ Juu te beŋkpoŋ batakaare nyoa dɛ́ ŋɔ, ‘Gel ya ne he kaa, ya noɔ kɛ Korowii ja he nɛ.’ ”

Matiu 8:19

Tɔnjereme bɛl balɔ dɛ ba ŋɔ o be ŋɔ, “Nomoa, bobɛlbwa haa dɛ la la, mɛɛ teŋɛ he nɛɛ kaa.”

Amanesoma Jɔn Aa Chwera Tɔn 13:37

Belaa o pɛɛro ja ŋɔ, “N Dɔɔ, ɛrɛ waa maa wola won teŋɛ he nɛɛ taraken ɔ? Dɛ seo kwaraa yaa, mɛɛ koh he waa sewɛ.”

We-ɛɛla 21:13

Belaa o ŋɔ, “Ɛrɛɛ hɛɛ wi ken dɛɛ nyin kɛŋɔ he do mɛ bɔhwaah nɔɔ? Baa vɔɡ mɛɛ Jerusalamee yaa, n sɛh ɡɛ. Baa kpo mɛɛ ɡe kwaraa naa, n sɛh ɡɛ. Baa koh n Dɔɔ Yeesu waa dɛ ɛɛ mɛ anɔ bɛlbwa naa, n waane laa. N sɛh ɡɛ waa nɔ wubwa bambile bwa ne.”

1 Tesalonika 1:9

Ba ɡbabir dɛ bol he wa, ɡɛ haa kpoŋe yaa dɛ no ya be, dɛ charɛ he liire le voɡa aa wola mkpa dɔe la ta dɛɛ tomɛ Korowii waa lole saŋ bɛlbwa dɛ dɔ mkpa la,

Josua 24:18

Onee doŋi harɛre nɛra bwa ya sie, ne Amɔre tena bwa ba fa aa soɡe harɛ nɔ ta la. Ya ɡee tomɔɔ, onee Korowii aa chɛ kɛŋɔ yá tomɛ.”

Wepila 14:4

Gɛ nɛra nɔ do kɛŋɔ baala baa wola haah jemɛ, dɛkalkɛŋɔ ba lawɛ ba te dɛ do kaih. Ba dɛ teŋɛ Pebie la nɛɛ bobɛlbwa waa dɛ la. Banee nɛnloɡla Korowii aa lɛɛ ba nɛra waa dɛ ba ba lɛɛ la bwa bini, dɛ́ kpɔ ba tɛ o te ne Pebie la.

Rut Tɔn 1:15

Anee Naomi ŋɔ o be ŋɔ, “Nyiŋi na, he nahaahnee bera dɛɛ kaa o harɛ ta ne ba voɡa bini la. He ɡe ka puu hé kaa.”

Rut Tɔn 1:17

Bela haa sewɛ laanee n ɡee ba sewa, ásɛ ba huɡ mɛ bela. Dɛ seo laa aa, n ŋwɛɛrɔ kɛŋɔ wobɛlbwa aa won pere ya baah.”

Rut Tɔn 2:6

Anee o chaŋe ŋɔ, “Bitolo bɛl waa le Moab harɛ ta dɛ teŋɛ Naomi nɛɛ ba laanee.

Rut Tɔn 4:15

Wɛɛ tɛɛ silɛɛ, ásɛ dɛ lawɛ kpoŋe he hwɛɛhra bini. Dɛkalkɛ Rut waa dɛ nyini lolɛ bibeŋkpoŋ ɡwaa he be kɛŋɔ he fe aa lolɛ bibaala banuanɛ.”