Tɔn Pɔɔl Aa Chwerɛ Rom Tena 9:4 - mzwDBL

⁴ Israel tena maa dɛ bol ba waa nɔ, Korowii ɛɛ ba o bii dɛ baɡ ba o jirima. O ne ba fɔwɛ fɔo, asɛ o tɛɛ ba o Mmara, dɛ baɡ ba ɡɛ aa chɛ kɛ baa tomɔ, dɛ baɡ ba nyoa bele aŋwɛnɛ bwa.

Tɔn Pɔɔl Aa Chwerɛ Rom Tena 9:4 ပူးပေါင်းရင်းမြစ်များ

Ɛfesos 2:12

He fa aa Kristo Korowii aa baɡɛ nyoa ŋɔ wɛɛ tomɔɔ ó ba lɛ yaa la waa jemɛ. He fa ta Juu tena Korowii aa lee ba dɛ ɡel ba ɛ o nɛra la nɛɛ jae. He fa aa nyoo Korowii aa baɡa dɛ kwaa o ne o nɛra fɔo dɔe la waa jemɛ. He fa ta hwɛɡa bɛlbwa dɔe. He fa aa Korowii jemɛ ó won cha heya.

Yela 147:19

O pili o Mmarare ne o waa bini chaɡle Jekɔb naanar baa ɛ o nɛra Israel tena la.

Tɔn Pɔɔl Aa Chwerɛ Rom Tena 9:6

N ta ŋɔe ŋɔ Korowii vɛh o nyobaɡa la ta teŋa, kɛ Israel tena bwa laa Korowii le kɛ o nɛra.

Mumpar 17:2

Mɛɛ ɡeloo n ne he baah fɔo la che, ásɛ he ne he naanar warɛ kohona.”

We-ɛɛla 2:39

dɛkalkɛŋɔ he ne he naanar ne bojaŋ tena Korowii aa dɛ yer ba ŋɔ bá ba o be la bwa waa o baɡɛ nyoa la la.”

Mmarare 7:6

Dɛkalkɛŋɔ he do ɡoroŋ dɛ tɛ Korowii haa dɛ tomɔ. Onee le heyaa cheɡ tɛ o te le harɛre nɛra bwa bini, dɛ kpɔ heyaa ɛ o nɛra he waa ɛɛ su o siwi.

Kaala 4:22

Ásɛ he ŋɔ o be ŋɔ, Israel tena do kɛŋɔ n bibanloɡle ken,

Hibru 9:1

Taraken, loɡle fɔo Korowii ne o nɛra fa aa fɔwa la ɡba fa dɔ mmara baa cheɡɛ o ta dɛɛ tomɛ Korowii, dɛ dɔ bela baa dɛ tomɛ Korowii harɛ nɔ ta,

Yela 89:3

He ŋɔ, “N ne nɛn maa leo tɛ n te la fɔwɛ fɔo. N baɡɛ n bonɔɔ Kooro Devid nyoa ŋɔ,

1 Koranar 8:11

Bam la nomanta, sɔfore la ta wone ɛ ba toma Korowii Dea bela, dɛ Korowii jirima su o bini bwa.

Tɔn Pɔɔl Aa Chwerɛ Rom Tena 8:15

Korowii Domadɛɛɡe la waa kpɔa tɛ heyaa la, o ta ɡelɛ he ne Korowii baah do kɛŋɔ nɛn ne o yom asɛ hɛ́ɛ ɔmɔ. O ɡelɔ he ɛ Korowii bii. O alaworomɛ ya won wii dɛ́ yerɛ Korowii ‘Mɛɛ, n Mɛɛ’, kɛŋɔ bie aa dɛ yerɛ o mɛɛ la.

Amanesoma Jɔn Aa Chwera Tɔn 1:17

Mosis nɛɛ Korowii che dɛ ba Mmara la ne. Yeesu Kristo ɡe nɛɛ nɛn nɛɛ suna ne kasinteŋ bwa che dɛ ba harɛ ta.

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Mmarare 14:1

Mosis berɔ ŋɔ, “He ɛ Korowii haa dɛ tomɔ nɔ bii, anomanta, he bɛ nɛn waa sewa waa koh dɛɛ mɔne he bwara kɛɛ dɛɛ fonɛ he tili bɔra dɛɛ ta, ɡɛ nɛra baa wola Korowii tomɛ yon dɛɛ ɛ la.

Mumpar 17:7

Mɛɛ ɡeloo n fɔo la do n ne hen ne he naanar baah saŋ bɛlbwa dɛɛ la, ásɛ n ɛ he ne he naanar baa ka ba la bwa Korowii haa dɛɛ tom mɛ.

Hibru 9:10

A ɡɛ waa nɔ bwa ɛ kondiile ne konnyɔɔla ne bwara sarama waa aa ɛ nawee wa. Bwadabii waa a bwa, aa wone ɡel nɛn tea ɛɛ to. Korowiirii kpɔa tɛ o nɛra ásɛ baa teŋɛ a ta dɛ́ ka tel kɛŋɔ o ŋwɛnɛfale la aa bala.

Hibru 9:3

Asɛ bela baa dɛ yerɛ Boɡoroŋ Tenten la ɡe do pateesan nɛɛte la habɔɔ.

Amanesoma Jɔn Aa Chwera Tɔn 1:47

Yeesu aa na Nataaneɛl wɛɛ ba o be la, o ŋɔ, “Israel te tentenee nɔ. O waa dɔ kasinteŋ kɛrɛdɛ!”

Matiu 21:33

A habɔɔ la, Yeesu berɔ ŋɔ, “Hé no sɛɡla nɔ ɡe. Baa bɛlee fa lole dɛɛ parɛ kwaane baa kpɔa dɛɛ daa sen. O ke a ɡɛ koo la, dɛ kwaa bɔr baa dɛɛ harame a nee dɛɛ do, dɛ chiɡri jɛŋla bela bá so o ta dɛɛ daah koo la, a koma telaa, ba dɔ ba bɔr. A habɔɔ la, o kpɔ koo la tɛɛ ba bá nyiŋi o ta tɛo, dɛ kaa harɛ bɛl ta.

Hosia 11:1

Korowii ŋɔ, “Israel fa aa do kɛ bechala la n nyinu, dɛ yerɔ le Ijipt harɛ ta kɛŋɔ n bie.

Jeremia 31:20

Anee Korowii ŋɔ, “Israel tena, he do kɛŋɔ bibaa maa dɛ nyinu kohona. Saŋ bɛlbwa maa yerɛ he sɔn la, he nyina waa dɛ do n bini kohona. N bambile dɛ lawɛ, n dɔ tedoma tɛ heya.

Jeremia 31:9

Baa ba wii nee, dɛɛ soŋe men Korowii, ɡɛ saŋ maa laɡ ba dɛɛ ba. Mɛɛ laɡ baa kpɔ nenabɔɔne nyoo, harɛ waa chɔa kaa, baa wola naa lɔ o ta, dɛkalkɛ n ɛ Israel tena mɛɛ, Efrem ɡe ɛ n bibanloɡle.”

Aesaya 60:19

Haa wee nyin kɛ tɔɔ peraa, o chaah tɛɛ kpa. Haa korobie ɡee nyin kɛ o chaah tɛɛ jwaana ɡe. Men Korowiirii dɛɛ ba he nɛɛ chaahna saŋ bɛlbwa, n jirima do he nɛ.

Aesaya 46:3

Israel tena haa kaa la bwa, hé no n be. Menee nyiŋi he nɛɛ le ɡɛ saŋ baa lolɛ bwa.

Aesaya 41:8

Kɛ he te, Israel tena haa ɛ n bonɔɔna, Jekɔb naanar maa le heya, n dam Abraham dwee,

Aesaya 5:2

O buɡli harɛ la, dɛ laa bwea aa lɔ o ta bwa pa mɔɔ dɛ nyin dadɛɛɡa chɔɔ o ta, dɛ chiɡri jɛŋla baa so o ta dɛɛ kpa koo la. O komɛ bwe bɔɔ, bela baa ba tiɡri a nɔna ta a nee le. Name o soɡo dɛɛ hwɛɡɛ kɛŋɔ aa nɔnɛ nɔndɛɛɡaa, kɛ a berɛ nɔnɛ nɔnchɔɡa.

Yela 90:16

Gel yan yaa ɛ he bonɔɔna nɔ na he nyokpowaa haa dɛ ɛ, ɡel ya naanar na he jirima aa kana la.

Yela 89:34

Maa n ne o fɔo yaa fɔwa laanee chɔɡ, kɛɛ dɛ́ charɛ nyoa maa baɡɔ la beŋkpoŋ kwara.

Yela 78:61

O ɡelɔ ya dɔma ba kpɔ Korowii Ne Nɛwɛnyina Fɔo Daka la. Onee cheɡa tɛ o kpeɡri ne o jirima.

Yela 73:1

Kasinteŋ, Korowii waa wer tɛ o nɛra Israel tena, banɔ la ba tea bini aa toa dɛɛ teŋɛ o waa ta la.

Yela 63:2

N na ɡɛ he kpeɡri ne he jirima aa doa, he Dea bela.

Nehemia 13:29

N Naa Korowii maa dɛ tomɛ, tɛr ba deŋne kɛŋɔ, baa kpɔ doŋa kah sɔfore toma, ne fɔo waa chɔ he ne Lewi dea tena ne ba baah ta la wa.

Mmarare 31:16

Asɛ dɛ ŋɔ Mosis be ŋɔ, “Aa biɡri bɛlbwa ásɛ he chɔ he banɔn ta. A ba ɡɛ naa, nɛra haa tɔ ba sie nɔ ɛɛ chɔɡ fɔo n ne baa fɔwa laanee. Baa le n habɔɔ, dɛ́ ka tomɛ harɛ baa dɛ ba o ta joe nɔ voɡaa.

Mmarare 29:14

He nɛra haa cheɡɛ bonɔ ɡbo waa laa Korowii ne he fɔwɛ fɔo o ŋwɛɛ ntam la.

Mmarare 29:1

Waa aa lɔ fɔo Korowii aa do Mosis ŋɔ o ne Israel tena fɔwɛ Moab harɛ ta, dɛ kpɔ ja Sinai Bwejen kon la ta laanee teŋa nɔ.

Nɛra Kura 7:89

Saŋ bɛlbwa Mosis aa jo Korowii Dea Cheremibɔr bela, o ne Korowii bol waa la, o dɛ no taa la dɛɛ le Kerobim la baah ta. Ba sɛah chɔŋɛ Korowii Ne Nɛwɛnyina Fɔo Daka tɔ la doa. Belaa Korowii do dɛ bol waa o be.

Kaala 40:34

Belaa bam la ba tɔ Korowii Dea Cheremibɔr la bwa, asɛ Korowii jirima su o Tɛnte Dea la bini.

Kaala 34:27

Belaa Korowii ŋɔ Mosis be ŋɔ, “Chwerɛ ɡɛ waa nɔ bil, dɛkalkɛ a taa a che n ne hen dɛ Israel tena fɔwɛ fɔo.”

Kaala 12:25

He baa tel harɛ Korowii aa baɡɛ heyaa nyoa ŋɔ wɛɛ kpɔɔ tɛ heyaa la ta naa, hé teŋɛ tɔpejen nɔ dii waa ta dɛɛ ɛa.

Mumpar 32:28

Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”

Mumpar 17:10

N fɔo maa dɛ nyin o chɔ le tɛ he ne he naanar, ásɛ hɛɛ teŋɛ o ta laanee kɛ, hɛ́ɛ teŋni he bibaala bwa pena.

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

Tɔn Pɔɔl Aa Chwerɛ Rom Tena 3:2

Ya Juu tena na som taeh dɛ ɡwaa nɛra baa kaa la ŋwɛnɛ bɛlbwa ta. Anɔ la aa tɔ sie laanee kɛŋɔ yanee Korowii tɔ sie kpɔ o waa do ya nɔn ŋɔ ya baɡle nɛra.

Mmarare 4:13

O bol he be he ne o fɔo la ta teŋa wa. Mmarare fi waa chwera dawɛ bwepɛle anɛ ta dɛ ŋɔ hɛ́ɛ teŋɛ a ta la.

Ɛsekeɛl 1:28

Gɛ bwaala deŋɡare yon le baama ta bɔr chaah la, ɡɛɛ bɔr waa chaahna bar kookara la do. A dɛ baɡle ɡɛ Korowii jirima aa doa. Maa nao la, n cholo dɛ kpɔ sie pi harɛ, asɛ dɛ no taa bɛl.

2 Kɔrent 11:22

Dɛ Hibru tenaa ban aa, bɛlee n ɡe. Israel tena ɡee ban aa, bɛlee n ɡba. Abraham naanaree ban aa, bɛlee n ɡe.

Galaasia 3:16

Korowii Tɔn la baɡlɔ kɛŋɔ Korowii baɡɛ Abraham ne o naa nyoa. Korowii Tɔn la ta ŋɔe ŋɔ Korowii baɡɛ Abraham ne o naanar nyoa. Dɛ Abraham ne o naa. O baɡlɔ kɛŋɔ Abraham naa beŋkpoŋ, onee kɛ Kristo.

Hibru 9:5

Ba kwaa kena kwaa anɛ ane baa dɛ yera Kerobim la chɔŋɛ Daka la ta a paɡri kena tɔ o ta a sie chaɡɛ dɔŋa. Belaa ba laa Korowii bandia dɛɛ kpɔ o nɛra nɛɛ la, aa baɡle kɛŋɔ Korowii jirima lɔ bela. Yaa won dɔ bɔr taraken dɛ baɡle kwaa nɔ waa bwa ka tonɛ.

Hibru 9:6

Yoo, kenii dea la bini kwaa cheche, asɛ sɔfore la ɛɛ jo o boloɡle la bini tɔperee bwa dɛ kaa ɛ ba toma.