Tɔn Pɔɔl Aa Chwerɛ Rom Tena 9:32 - mzwDBL

³² Aah dɛ bɔkwaa ɡela a ba ɡɛ nɔ? Baa wola sie kpɔe dawɛ Korowii yaradae ta, dɛ kpɔ sie dawɛ ba we-ɛɛla ta kɛŋɔ anee dɛ́ ɡel Korowii siwi su ba la, a waa. Anomanta, ba lɔ naa Bwe nɛra aa lɔ naa o ta dɛɛ chole la ta.

Tɔn Pɔɔl Aa Chwerɛ Rom Tena 9:32 ပူးပေါင်းရင်းမြစ်များ

Aesaya 8:14

Menee boɡoroŋ haa jo dɛ́ dɔ he nyu. N berɔ do kɛŋɔ bwe Israel tena ne Juda tena aa lɔ naa dɛ choɡli, dɛ berɛ do kɛŋɔ bel dɛ chɔ kpa Jerusalam tena dɛ́ laɡ ba.

Aesaya 8:15

Ba ɡalɡa ɛɛ lɔ naa, dɛ́ choɡli dɛ kuuɡi. Belii dɛɛ ba ba lawa.”

Matiu 13:57

Anomanta, ba siwi ta on sui. Asɛ Yeesu ŋɔ ba be ŋɔ, “Korowii keame dɔ sɔn bobɛlbwa. Kɛ o ɡbaɡba bwɛɛ tena ne o lola ɡboo wola on duu.”

Amanesoma Luk Aa Chwera Tɔn 2:34

Simeon soŋe andɛɛɡa tɛ Yeesu nya ne o mɛɛ, dɛ ŋɔ o nya be ŋɔ, “Hé no waa nɔ! Bie nɔ cheɡɔ tɛ Israel tena bane kwaara ne bane chɔɡa. Wɛɛ berɔɔ che tɛ Korowii, ásɛ nɛra bol waa yaɡɔ,

Amanesoma Luk Aa Chwera Tɔn 7:23

He naate haa wola men tɔŋle la, he na som.”

Tɔn Pɔɔl Aa Chwerɛ Rom Tena 10:3

Baa ɡɛ Korowii aa ɛa dɛɛ lɛ nɛra kɛ nɛndɛɛɡa ba wa ɛɛ su o siwi jemɛ, anomanta, ba ɡbaɡba ŋwɛnɛɛ baa kpɔ, dɛ vɛh Korowii ŋwɛnɛ waa cheɡɛ o ta dɛ ɡel nɛra wa ɛɛ su o siwi la ta teŋa.

Tɔn Pɔɔl Aa Chwerɛ Rom Tena 11:11

Mɛɛ bɔɔ webeŋkpoŋii ja. Israel tena aa lɔ naa dɛ chole la, ba denɔ chole baa wola won ir kpa aa? Akai! Baa iruu, kɛ ba wechɔɡa la taa a che Korowii lɛɛ waa lɛ nɛwɛnyina la maa nɛra baa wola Israel tena ɛɛ, ásɛ Israel tena na ba bwara wee ba.

Tɔn Pɔɔl Aa Chwerɛ Rom Tena 4:16

Nyoa Korowii aa baɡa la, yarada taa a che. A chɛ kɛ á ɛ ɡɛ ásɛ kon Korowii aa baɡɛ nyoa la, o ɛ kon waa kpɔa tɛ pɛɛpɛɛ. O ɛ kon Korowii aa kpɔa tɛ Abraham naanar bwa pɛɛpɛɛ waa wola nsana lee ba. Nɛra baa dɛ teŋɛ Mosis Mmara la ta la, ba ɡbo laa Korowii baɡɛ ɡɛ nyoa la. Nomɛlbwa waa dɛ yarada Yeesu waa la kɛŋɔ Abraham aa yarada Korowii la, wɛɛ di nyobaɡa la tɔnɔɔ, dɛkalkɛŋɔ ya bwa mɛɛɛ Abraham.

1 Kɔrent 1:23

Ya te, Yeesu Kristo sewa daɡaɡre ta la waa yaa bol. A ɛ waa Juu tena aa dɛ lɔ naa a ta dɛɛ vɛah, asɛ nɛra baa wola Juu tena ɛɛ ɡe la, a ɛ wesale ba be.

1 Pita 2:6

Ba chwerɛ Korowii Tɔn bini ŋɔ, “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn o lawɔ kpoŋe kiŋkiŋ. Nomɛlbwa waa dɛ yaradao la, waa sihiih di bwa.”

1 Pita 2:8

Ba berɔ chwerɛ o waa ŋɔ, “Bwe waa dɛ ba ɡela nɛra lɔ naa dɛ choɡli laanee la.” Ba vɛh Korowii waa la ta teŋa, an ɡela baa lɔ na. Korowiirii cheɡa ɡɛ.