Tɔn Pɔɔl Aa Chwerɛ Rom Tena 9:29 - mzwDBL

²⁹ Anee Aesaya fa bol la, “Dɛ Koranar Bwa Kooro fe ta o nɛra dwee tama bane ɡelɛ aa, ya fe ɛɛ tonɔɔ kwaraa kɛŋɔ Sodom ne Gomoora tena.”

Tɔn Pɔɔl Aa Chwerɛ Rom Tena 9:29 ပူးပေါင်းရင်းမြစ်များ

Aesaya 1:10

Jerusalam tena, he ne he nomonome baa dɛ nyiŋi harɛ la ta, he do kɛŋɔ Sodom ne Gomoora tena ken. Hé no waa Korowii aa dɛ bol he be, hé cheɡ deŋne dɛ́ no waa Korowii yaa dɛ tomɔ nɔ aa dɛ baɡle heya.

Aesaya 1:9

Dɛ Koranar Bwa Kooro fe ta ya nɛn tamaa bane ɡelaa, ya bwa fe serewɔ kwaraa kɛŋɔ Sodom ne Gomoora tena ken.

Aesaya 13:19

Babelɔn kora wer ɡwaa bwɛɛre bwa kora, bela tena kpɔɔ dɛɛ ta nyoa. Kɛ men Korowii, mɛɛ chɔɡ kora laanee kɛŋɔ maa ɛ Sodom ne Gomoora la.

Aesaya 6:13

Dɛ nɛn beŋkpoŋ kwaraa ka harɛ la ta kwaraa naa, mɛɛ chɔɡ o ɡbaa. Wɛɛ ɛo kɛŋɔ ba yon teŋe daa a ka o muŋkpul che dɛɛ moɡɛ la.” Daa la muŋkpul la cheɡɔ tɛ n nɛra baa ba ka harɛ la ta la.

Jeremia 49:18

Gɛ maa chɔɡ Sodom ne Gomoora ne bwɛɛre aa bara cheme la, ɡɛɛ mɛɛ ba Edom harɛ chɔɡa, ásɛ nomɛlbwa aa won so bela kpa. Men Nemenɛ Korowiirii bola.

Jeremia 50:40

Gɛ maa chɔɡ Sodom ne Gomoora ne bwɛɛre aa bara cheme la, ɡɛɛ mɛɛ ba Babelɔn harɛ chɔɡa, ásɛ nomɛlbwa aa won so bela kpa. Men Nemenɛ Korowiirii bola.

Wiile 3:22

Korowii nyina kohona aa wola tonɛ bwa, ne o tedoma nomanta, ya ta soɡe le, waa yaa ɡel bwa.

Wiile 4:6

N nɛra deŋnetɛra ɡwaa Sodom tena Korowii aa ɡela ba chɔɡa piɡ ba, nomɛlbwa aa wola wone lɛɛ ba la.

Emɔs 4:11

N chɔɡ he bini bane, ɡɛ maa chɔɡ Sodom ne Gomoora tena la. Dɛ he do kɛŋɔ nindaa waa lɔ nii ta n kee heyaa le, kɛ he ta berɛ ba n be. Men Korowiirii bola.

Sefania 2:6

He harɛ waa lɔ mpo nyoa la ɛɛ berɛ peera dibɔree, dɛ́ berɛ peera leɡ, peteɡra ɡe do ba patare o ta.

Mmarare 29:23

He harɛ ɛɛ chɔɡoo komɛlbwa aa wola won le o ta. Jebɔrɔwe ne yaree dɛɛ ba chura ta o ta. Haa won du komɛlbwa, kpɔɡa kwaraa aa won le o ta. Ásɛ he harɛ la do kɛŋɔ Sodom ne Gomoora ne Adma dɛ Seboiim, Korowii aa kpɔ bandia chɔɡa la.

Jems 5:4

Hɛ́ɛ no! Nɛra haa kpɔ ba, ba ɛ he kooni tomare he ta ban kem bɔe dɛ faah ba la, ba dɛ wi he tɛl. A ɡɛ nɛra la wii chole Korowii waa ɛ komɛlbwa Dɔɔ la deŋna ta.

2 Pita 2:6

Sodom ne Gomoora tena fa aa dɛ ɛ wechɔɡa la, Korowii ŋɔ waa ɡel ba dwee ka, dɛ fuh ba ne ba bwɛɛre bwa dɛɛboo. Ba fuih chɔ le dɛɛ chaɡle waa aa ba chiɡ nɛra baa wola Korowii ɔmɛ nɛ.

Tɔn Jud Aa Chwera 1:7

Gɛɛ Sodom ne Gomoora tena ne bwɛɛre a fa aa lɔ ba jwɛɛh la tena, ɡe fa aa chɔ dɔŋa baa ne haah ŋwɛnɛdoŋ ta, aa wola were ne bola, dɛɛ chɔɡ ba te. Baa ɛ ɡɛ la, Korowii ɡelɔ nii le ba nɛ, ásɛ nɛra bwa na dɛ́ jemɛ kɛŋɔ Korowii dɛ tɛr wechɔɡ-ɛɛ deŋne nii aa wola dime bwa ne.