Tɔn Pɔɔl Aa Chwerɛ Rom Tena 9:26 - mzwDBL

²⁶ Ba chwerɛ tɔn la bobɛl ɡe ŋɔ, “Nɛra Korowii fa aa ŋɔ ba be ŋɔ, ‘N nɛra laa heyaa’ la, baa berɔ yer ba Korowii waa lole saŋ bɛlbwa bii.”

Tɔn Pɔɔl Aa Chwerɛ Rom Tena 9:26 ပူးပေါင်းရင်းမြစ်များ

Yela 42:2

Korowii haa lole saŋ bɛlbwa, n dɛ nyini kɛ nyɔɡre aa dɛ kpo nɛn ken. Bɛweeree ń won ba he sie, dɛ́ ba tomɛ nɔ?

Aesaya 43:6

Mɛɛ ŋɔ weekaŋle nyunduabɔr, ne weekaŋle harɛbɔr tena bee ŋɔ bá tɛɛ ba ŋwɛnɛ bá kaa! Hé kpɔ n bibaala le bojaŋ ba, dɛ́ kpɔ n bitoli baa lɔ harɛ jaɡa ɡe ba,

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Matiu 16:16

Seemɔn Pita chaŋo ŋɔ, “Henee Kristo la, Korowii waa lole saŋ bɛlbwa la Bie la.”

Amanesoma Jɔn Aa Chwera Tɔn 11:52

Juu tena ɡbo laa. Ba ne Korowii nɛra baa lɔ bobɛlbwa la bwa sewee wɛɛ ba lɛɛ sewɛ dɛ́ lawɛ ba bwa pɛ, ásɛ ba ɛ beŋkpoŋ.

Tɔn Pɔɔl Aa Chwerɛ Rom Tena 8:14

Nɛra baa kpɔ ba te tɛ Korowii Domadɛɛɡe wɛɛ baɡ ba ŋwɛnɛ la, Korowii biirii ban.

Tɔn Pɔɔl Aa Chwerɛ Rom Tena 8:16

Korowii Domadɛɛɡee yon ɡel ya jemɛ ya bambile bini kɛŋɔ Korowii biirii yaa.

Tɔn Pɔɔl Aa Chwerɛ Rom Tena 8:19

Korowii kontaala bwa siwi swɛɛrɔ aa kpa tɔɔ la wee Korowii aa baɡle nɛra baa ɛ o bii la.

2 Kɔrent 6:18

dɛ́ ɛ he Mɛɛ, ásɛ he ɛ n bii.’ Men Nemenɛ Korowiirii bola.”

Galaasia 3:26

He ɡbabir na, haa yarada Yeesu Kristo la nomanta, he bwa ɛ Korowii bii.

Mmarare 14:1

Mosis berɔ ŋɔ, “He ɛ Korowii haa dɛ tomɔ nɔ bii, anomanta, he bɛ nɛn waa sewa waa koh dɛɛ mɔne he bwara kɛɛ dɛɛ fonɛ he tili bɔra dɛɛ ta, ɡɛ nɛra baa wola Korowii tomɛ yon dɛɛ ɛ la.