Tɔn Pɔɔl Aa Chwerɛ Rom Tena 9:21 - mzwDBL

²¹ Naate waa dɛ ma la, o ta ŋwɛnɛ dɔe kɛ o kpɔ choh waa dɛ ma a ne la ma kwaa aa too o tea aa? A too o tea aa, wɛɛ kpɔ a ɡɛ choh laanee ma viine anɛ, dɛ́ kpɔ bɛl dɛɛ ɛ kwaa tɔpejena ɡbo, dɛ́ kpɔ bɛl ɡe dɛɛ ɛ kwaa tɔpere bɛlbwa.

Tɔn Pɔɔl Aa Chwerɛ Rom Tena 9:21 ပူးပေါင်းရင်းမြစ်များ

Sɛɡla 16:4

Wobɛlbwa Korowii aa ɛ la, dɛ waane waa dɛ nyin waa o ɛa. O ɡelɔ wechɔɡ-ɛɛra ɛɛ so le, ka tel saŋ baa dɔ deŋnetɛra.

Aesaya 10:15

Kpanfɛ ɛɛ won ŋɔ o ɡwaa nɛn waa kpɔɔ dɛɛ teŋe daa aa, kɛɛ saradaa ɛɛ won ŋɔ o ɡwaa naate waa dɛ ɛ o ne toma aa? Guli ɛɛ won ɡɔɔ o te dɛ nɛn laa kpɔɔ waa? Kɛɛ da ɛɛ won ɡɔɔ nɛn aa?

Aesaya 45:9

Nɛn o ne Korowii waa tao la aa dɛ yo la, ó bwɛɛlɛ! Naate do kɛŋɔ vii ken. Choh ɛɛ won ŋɔ mamaa be ŋɔ waa o toma jemaa? Vii ɛɛ won bɔɔ mamaa waa aa bala o mao wa aa?

Aesaya 64:8

N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.

Jeremia 22:28

Ate, men Jeremia ŋɔ, “Amɔ Kooro Jehoiachin nɔ do kɛŋɔ loŋ waa paɡra, ba kpɔ ta nomɛlbwa aa wola nyin kpa kɛɛ? A waa ba lawɛ o ne o bii laa ta kaa bojaŋ harɛfale, baa wola o ta jemɛ nɔ naa?

Hosia 8:8

Israel tena waa tonɔ, ba do kɛŋɔ konsala harɛre nɛra bini.

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.

Tɔn Pɔɔl Aa Chwerɛ Rom Tena 9:11

Baa wola ban lolɛ mɔɔ, a ɛ kɛŋɔ ba ɛ wechɔɡa kɛɛ wedɛɛɡa la, dɛ Korowii dɔɔ ŋɔ ba nya be ŋɔ,

Tɔn Pɔɔl Aa Chwerɛ Rom Tena 9:18

Naate Korowii tea aa toora kɛŋɔ ó sune o nɛɛ la, o nɛɛ wɛɛ sune. Naate ɡe o tea aa toora kɛŋɔ ó ɡel o deŋne do kpeɡri la, onee o ɡel o deŋne ɛɛ do kpeɡri.

Tɔn Pɔɔl Aa Chwerɛ Rom Tena 9:20

Dɛ henee ume kɛŋɔ Korowii bol waa he chaŋe bɛl ɔ? Vii ɡee wonoo bɔɔ mamaa waa aa bala o mao ɡɛ waa mao wa aa?