Tɔn Pɔɔl Aa Chwerɛ Rom Tena 9:20 - mzwDBL

²⁰ Dɛ henee ume kɛŋɔ Korowii bol waa he chaŋe bɛl ɔ? Vii ɡee wonoo bɔɔ mamaa waa aa bala o mao ɡɛ waa mao wa aa?

Tɔn Pɔɔl Aa Chwerɛ Rom Tena 9:20 ပူးပေါင်းရင်းမြစ်များ

2 Samoɛl 16:10

Ate, kooro ŋɔ, “Abisae ne Joab, bɔkwa waa n ne he dɔ ɛɛ yɔ? Dɛ Korowiirii ŋɔa Abisae taah men Devid aa, umee dɛ́ won bɔɔ ŋɔ ɛrɛ waa wɛɛ ɛ ken ɔ?”

Job Tɔn 16:3

He wobojaŋa nɔ aa tonɛ bwa, bɔkwa waa dɛɛ ha heyaa hɛɛ bol ɡɛ waa nɔ n be nɔɔ?

Job Tɔn 33:13

Ɛrɛɛ he bol he waa dɛɛ baɡle Korowii waa wola hen chaŋe nɔɔ?

Job Tɔn 36:23

Umee dɛ won baɡle Korowii wa, kɛɛ dɛ ŋɔ o ɛ wechɔɡa ɔ?

Job Tɔn 40:2

“Umee hen hɛɛ tɔŋle Men Kpeɡri Bwa Dɔɔ rɔ? Dɛ ɡɛɛ yaa, amɔ te chaŋ mɛ.”

Job Tɔn 40:5

N bol waa kpee he ta men chaŋɛ, dɛ bol nɛɛ, kɛ taraken maa waa bol kpa.”

Job Tɔn 40:8

Hɛɛ ŋɔɔ he waa wer, dɛ́ chɔɡ mɛ ŋɔ n te waa aa were kɛɛ?

Job Tɔn 9:32

O ta nɛn ɛɛ ásɛ n ŋɔ mɛɛ chaŋoo, kɛɛ dɛ́ ŋɔ n ne wɛɛ ka che kɔɔtoo.

Aesaya 10:15

Kpanfɛ ɛɛ won ŋɔ o ɡwaa nɛn waa kpɔɔ dɛɛ teŋe daa aa, kɛɛ saradaa ɛɛ won ŋɔ o ɡwaa naate waa dɛ ɛ o ne toma aa? Guli ɛɛ won ɡɔɔ o te dɛ nɛn laa kpɔɔ waa? Kɛɛ da ɛɛ won ɡɔɔ nɛn aa?

Aesaya 29:16

He berɛ waa sie pi, kɛŋɔ mamaa aa berɛ choh. Kon baa mao la ɛɛ wonoo ŋɔ nɛn waa mao la be ŋɔ, “He laa ma mɛ,” kɛɛ vii ɛɛ wonoo ŋɔ mamaa be ŋɔ, “Haa wobɛlbwa jemɛ” aa?

Aesaya 64:8

N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.

Jeremia 18:6

“Israel tena, maa won ɛ heyaa kɛŋɔ mamaa nɔ aa ɛa nɔ naa? Gɛ choh yon do mamaa nɔn ta la, ɡɛɛ he Israel tena ɡe do n nɔn ta.

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Maeka 6:8

Akai, waa aa weraa Korowii chaɡle yaa, wáa waa dɛ nyin dɛ́ le ya be laanee kɛŋɔ, ya di kasinteŋ dɛɛ sune dɔŋa nɛ, dɛ́ pwɛr ya te tɛo.

Matiu 20:15

N ta ŋwɛnɛ dɔe kɛ ń kpɔ n ɡbaɡba suuɡa ɛ ɡɛ aa too n tea a? Kɛɛ ɡɛ maa ta tea dɛ ɛ laanee dɛɛ we he nɛ?’ ”

Amanesoma Luk Aa Chwera Tɔn 12:14

Asɛ Yeesu ŋɔ o be ŋɔ, “Nɛmbaa, umee kpɔ mɛ cheɡ ŋɔ ń bol he waa dɛ́ bɔne he kapɛrɛ ɔ?”

Tɔn Pɔɔl Aa Chwerɛ Rom Tena 14:4

Henee umeo he won pwah nomɛl bonɔɔ nɔ? O dɔɔ ɡbaɡbaa dɔ ŋwɛnɛ kɛŋɔ ó won baɡle kɛ o bonɔɔ dɛ ɛ waa kɛɛ waa waa ɛ. Waa ɛ ya Dɔɔ Yeesu Kristo bonɔɔ la nomanta, wɛɛ ɛ waa, dɛkalkɛŋɔ wɛɛ wonoo chao o ɛ wa.

Tɔn Pɔɔl Aa Chwerɛ Rom Tena 2:1

He naate haa dɛ pwah he dɔŋ la, he ta wobɛlbwa dɔe dɛ́ bol dɛ́ lɛ he te kpa. Henee ume noo, haa dɛ pwah he dɔŋ dɛ berɛ dɛɛ ɛ o wechɔɡa waa dɛ ɛ la dɔŋa la, dɛ he ɡbaɡbaa hɛɛ pa bolchɔɡe la.

Tɔn Pɔɔl Aa Chwerɛ Rom Tena 2:3

Kɛ he te, waa haa dɛ pwah nɛra a waa la, anee he ɡee ɛ. He dɛ lii kɛŋɔ Korowii aa he te waa bola ba dɛ́ pa bole kɛɛ?

Tɔn Pɔɔl Aa Chwerɛ Rom Tena 9:21

Naate waa dɛ ma la, o ta ŋwɛnɛ dɔe kɛ o kpɔ choh waa dɛ ma a ne la ma kwaa aa too o tea aa? A too o tea aa, wɛɛ kpɔ a ɡɛ choh laanee ma viine anɛ, dɛ́ kpɔ bɛl dɛɛ ɛ kwaa tɔpejena ɡbo, dɛ́ kpɔ bɛl ɡe dɛɛ ɛ kwaa tɔpere bɛlbwa.

Tɔn Pɔɔl Aa Chwerɛ Rom Tena 9:22

Gɛɛ a do Korowii be. Nɛwɛnyina ɛ o viine waa maa. Bane chɛ chɔɡa. O ma bane ɡe ásɛ ba ba na som o be. Dɛ o fe dɛ nyin o baɡle o bandia nɛra baa chɛ chɔɡa la nɛɛ dɛ́ ɡel nɛra na o kpeɡri, kɛ o lawɛ bambile,

1 Kɔrent 1:20

A ba ɡɛ naa, dɛ lee wejerema ne tɔnjerema wejema dɔɔ jaɔ? Nɛra baa dɔ wobol wejema ɡe, dɛ lee ba dɔɔ? Korowii ɡelɔ nɛwɛnyini wejema ɛ pɛɛpɛɛ.

1 Kɔrent 7:16

Dɛ Korowii ɛɛ che haah haa ɛ asɔre te nɛɛ dɛ́ lɛ he jaa aa, he jemaa? Gɛɛ a do baa haa ɛ asɔre te la, dɛ Korowii ɛɛ che he nɛɛ dɛ́ lɛ he haah naa, he jemaa?

1 Timoti 6:5

Gɛ te la ne nɛra baa wola wedɛɛɡa lii, baa wola ya kasinteŋ waa la jemɛ la, ba dɛ saɡɛ wetɔŋla aa wola mun dɔe ta, dɛ yon dɛɛ lii kɛ Korowii toma ɛ ŋwɛnɛ bɛl baa kpɔ o ta dɛɛ nyin suuɡa.

2 Timoti 2:20

Dem waa kana la, konsiwi beŋkpoŋ ɡbo laa lɔ o ta. Suuɡaswɛm ne suuɡapoŋa kwaa lɔ o ta. Ane lole, daa nee ba sɛah, dɛ kpɔ choh ma ane ɡe. Ane lole, wejena ta ɡboo baa le a ne, asɛ ane ɡe ba kpɔa dɛɛ ɛ wesale bɛlbwa.

Taetos 2:9

Gel nɛra baa lɔ bane nɔn ta kɛŋɔ bonɔɔna kɛɛ toli la no kɛŋɔ báa no ba dɔɔranar wa. Bá ɡel ba wa ɛɛ lɛ ba sie wobɛlbwa ta, dɛ bɛ waa beɡre dɛɛ do ba nyoa,

Jems 2:20

Gɛne! He dɛ nyin n baɡle kɛŋɔ yarada wedɛɛɡa ɛɛ aa wola a ta jae la ɛ pɛɛpɛɛ aa?