Tɔn Pɔɔl Aa Chwerɛ Rom Tena 9:17 - mzwDBL

¹⁷ Ba chwerɛ Korowii Tɔn bini ɡɛ Korowii fa aa ŋɔ Ijipt kooro be la. Anee kɛŋɔ, “N ɡelɔ he ɛ kooro ásɛ nɛwɛnyina bwa che he nɛɛ dɛ na ɡɛ maa dɔ kpeɡri, asɛ dɛ yerɛ n sɔn harɛ ta bobɛlbwa.”

Tɔn Pɔɔl Aa Chwerɛ Rom Tena 9:17 ပူးပေါင်းရင်းမြစ်များ

Ɛsta 4:14

He tɔ nyoa he ta waane bolɛ taraken nɔ naa, Juu tena ɛɛ dɔ nomɛlee ó cha ba, kɛ he te ne he mɛɛ nɛra bwa ɛɛ serewoo. Dɛ ɡɛ waa nɔ waa he ɛ kooro haah taraken nɔ naa, he jemaa?”

Yela 76:10

Kasinteŋ, he baah di nɛra nɛ aa, a ɡelɔ baa kpɛɛre. Banɔ la baa le he bandia nyoa la, ba dɛ nyiŋi ba te kɛrɛdɛ.

Kaala 9:16

Kɛ n ɡelɔ he do le, ásɛ he na ɡɛ maa dɔ kpeɡri, ásɛ nɛwɛnyina bwa che he nɛɛ dɛɛ yerɛ n sɔn harɛ nɔ ta bobɛlbwa.

Sɛɡla 16:4

Wobɛlbwa Korowii aa ɛ la, dɛ waane waa dɛ nyin waa o ɛa. O ɡelɔ wechɔɡ-ɛɛra ɛɛ so le, ka tel saŋ baa dɔ deŋnetɛra.

Aesaya 19:12

Ijipt kooro, namete leperaa he wejerema la dɔɔ? Gel ba baɡle he jemɛ ɡɛ Koranar Bwa Kooro aa kpaŋre Ijipt tena waa bil dɛɛ ba kpɔe ɛɛ ba.

Aesaya 37:20

Korowii yaa dɛ tomɛ, lɛ yaa le Asiiria koojen Senakerib nɔn ta, ásɛ harɛre bwa nɛra jemɛ kɛŋɔ he ɡboo Korowii.”

Daneɛl 4:22

n naa kooro, henee daa waa kpeɡa dɛ do kpeɡri la che tɛ. He kpeɡo dɛ kaa leɡe nyundua, asɛ dɛɛ di kpeɡri harɛre bwa ta.

Amanesoma Jɔn Aa Chwera Tɔn 17:26

N ɡelɔ ba jemɛ, mɛɛ ɡeloo baa jemɛ, ásɛ ba won dɛɛ nyin dɔŋa ɡɛ haa dɛ nyin mɛ la, ásɛ n ne ba won pɛ.”

Tɔn Pɔɔl Aa Chwerɛ Rom Tena 11:4

Ɛrɛɛ Korowii chaŋe Elaeja ɔ? O chaŋo ŋɔ, “N ta dɔ nɛra kaɡboŋa banuanɛ bane ba do le dɛ ɛ n nɛra baa wola voɡ Baal ɡuŋe bwa.”

Galaasia 3:22

Korowii Tɔn la baɡlɔ kɛŋɔ wechɔɡa vɔrɔwe nɛwɛnyina bwa, ásɛ Korowii nyobaɡa waa baɡɛ yaa la ɛ nɛra baa yarada Yeesu Kristo la ɡbo kwa. Anomanta, nɛra baa dɛ yarada Yeesu Kristo laanee Korowii ɛɛ ba o nyobaɡa kwaa la kpɔe tɛ.

Galaasia 3:8

Korowii Tɔn baɡlɔ kɛŋɔ yarada taa aa ba cheɡa ásɛ Korowii lɛ nɛra baa wola Juu tena ɛɛ la kɛ nɛndɛɛɡa ba waa su o siwi. Korowii fa bol Amanesoma la waa Abraham be dɛ ŋɔ, “He nɛɛ aa ba cheɡa Korowii swee nɛwɛnyina bwa andɛɛɡa.”

Galaasia 4:30

Kɛ a bwa habɔɔ la, ɛrɛɛ Korowii Tɔn la baɡle ɔ? O baɡlɔ ŋɔ, “Doŋi yomhaah la ne o bie la, dɛkalkɛŋɔ yomhaah la bie la ne haah la waa wola yom ɛɛ la bie la aa won pɛ di ba mɛɛ kapɛrɛ a maɡre.”

Josua 9:9

Ba ŋɔ, “Bojaŋ harɛ bɛl taa he bonɔɔna le, noe ya no Korowii haa dɛ tomɔ la wa. Ya no wejena waa ɛa Ijipt harɛ ta,

1 Samoɛl 4:8

Ya bwɛɛlɛ! Umee dɛ́ lɛ yaa le voɡkpeɡa nɔ nɔn ta nɔ? Anee fa kpɔ weechɔɡa bwa soo siwi ta Ijipt tena nɛɛ pua hɛŋle ɡbo harɛ ta la.