Tɔn Pɔɔl Aa Chwerɛ Rom Tena 9:15 - mzwDBL

¹⁵ O ŋɔ Mosis be ŋɔ, “Naate n tea aa toora kɛŋɔ ń sune o nɛɛ la, mɛɛ sune o nɛɛ. Naate n tea aa toora kɛŋɔ ń tea domɛ o nɛɛ la, n tea ɛɛ domɛ o nɛɛ.”

Tɔn Pɔɔl Aa Chwerɛ Rom Tena 9:15 ပူးပေါင်းရင်းမြစ်များ

Kaala 33:19

Korowii ŋɔ, “Mɛɛ ɡeloo he na n wedɛɛɡa ne n jerema bwa, ásɛ n yerɛ n sɔndɛɛɡe maa dɔa la he be kɛŋɔ menee Korowii. Mɛɛ na nɛra maa dɛ nyin kɛ n na ba sum la sumii, dɛ́ dɔ tedoma tɛ banɔ la maa dɛ nyin ɡe.

Aesaya 27:11

Dɛ a holaa, a kuuɡo dɛɛ lee, ásɛ haahna yon ba paa kaa mar. Israel tena aa waa mun no. Anomanta, Korowii tea aa ba nɛɛ domɛ. Onee ta ba, kɛ waa ba sum na.

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Tɔn Pɔɔl Aa Chwerɛ Rom Tena 9:16

Waa nɛwɛnyina aa dɛ nyin ne anɔ la yaa dɛ ɛ la, Korowii te aa an nyiŋi. O te suna waa sune nɛwɛnyina nɛɛ la, anee wɛɛ nyiŋi.