Tɔn Pɔɔl Aa Chwerɛ Rom Tena 9:14 - mzwDBL

¹⁴ Amɔ yaa wonoo ŋɔ Korowii waa ta toɡrɛ kɛɛ? O waa toɡrɔ.

Tɔn Pɔɔl Aa Chwerɛ Rom Tena 9:14 ပူးပေါင်းရင်းမြစ်များ

Mumpar 18:25

N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”

2 Webena 19:7

Hé kpɔ duure dɛɛ tɛ Korowii, dɛ́ nyiŋi kɛrɛdɛ dɛɛ bol waa aŋwɛnɛ ta, dɛkalkɛ Korowii yaa dɛ tomɔ be te, waa waa sie berɛ bole pae ta, waa nɛn siebɔr kɛɛ sen yawa nyiŋi.”

Job Tɔn 35:2

“Job, he dɛ lii kɛŋɔ waa nɔ toɡraa? He ŋɔ, ‘N Naa Korowii, ɛrɛɛ n bolchɔɡe dii ɛɛ ba wona ɛɛ nɔ?’

Job Tɔn 8:3

Waa aa ɛ kasinteŋ la, Korowii dɛ ɡolaa? Waa aa toɡraa Korowii Waa Ɛ Kpeɡri Bwa Dɔɔ la ɛɛ ɛ.

Yela 145:17

N Naa Korowii, waa haa dɛ ɛ bwa toɡrɔ, he dɛ nyin he kontaala bwa.

Yela 92:15

Anee dɛɛ baɡle kɛŋɔ, “Korowii waa toɡrɔ. Onee Bwetal n chwa kaa marɔ, o nyu bini ɡe aa kpeɡe.”

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Amanesoma Luk Aa Chwera Tɔn 20:16

Wɛɛ ba kpoo a ɡɛ nɛra laanee, dɛ́ kpɔ koo la do nɛnfala nɔn ta.” Nɛra la aa no ɡɛ la, ba ŋɔ, “Korowii ɛɛ la a ne bojaŋ!”

Tɔn Pɔɔl Aa Chwerɛ Rom Tena 2:11

Korowii aa nomɛl waa nyin ɡwaa bɛl.

Tɔn Pɔɔl Aa Chwerɛ Rom Tena 2:5

He deŋne kpeɡri. Haa ɡelɛ he tea bini ɛɛ chɔɡ he wechɔɡa wa. He ɡelɔ Korowii bwaawee ɛɛ do kan he nɛɛ tɔpere bɛlbwa. Awola waa ba pa bole kasinteŋ ne la, o baah ɛɛ di he nɛɛ taeh.

Tɔn Pɔɔl Aa Chwerɛ Rom Tena 3:1

Dɛ kenii a do aa, dɛ ɛrɛ ɡwaalaa ya Juu tena ɡwaa he nɛra haa wola Juu tena ɛɛ yɔ? Dɛ bɔkwa tɔnɔɔ lɔ ya penteŋa ta nɔ?

Tɔn Pɔɔl Aa Chwerɛ Rom Tena 9:30

Ɛrɛɛ yaa ba ŋɔe yɔ? Nɛra baa wola Israel tena ɛɛ la, ba siwi aa wola swɛɛrɛ kɛŋɔ Korowii lɛɛ ba kɛ nɛndɛɛɡa ba waa su o siwi la, ba yarada nomanta, Korowii siwi su ba.

Mmarare 32:4

O do kɛŋɔ Bwetal dɛɛ lɛ yaa, o wobɛlbwa toɡrɔ dɛ dɔ kasinteŋ. Waa nyosone teŋe, waa aa maɡra dɛ toɡree wɛɛ ɛ.

Wepila 16:7

Asɛ n no taa bɛl konsɔɔhsoma fuih bɔr, o ŋɔ, “Korowii Haa Ɛ Koranar Bwa Kooro la, he waa haa ɛa dɛ tɛr ba deŋne toɡrɔ dɛ ɛ kasinteŋ.”