Tɔn Pɔɔl Aa Chwerɛ Rom Tena 8:38 - mzwDBL

³⁸ N jemɔ kɛŋɔ wobɛlbwa toole dɛ tɔ yaa ŋwɛnɛ waa wola ya waa nyina ba. Seo kɛɛ mkpa aa won tɔ yaa ŋwɛnɛ. Nyundua toroma kɛɛ Bɔnsam toroma aa bea yaa wola an na aa won tɔ yaa ŋwɛnɛ. Waa aa dɛ ɛ fini nɔ kɛɛ anɔ la aa dɛ ba ɛɛ kerekere ɡe aa won tɔ yaa ŋwɛnɛ. Kwaa aa dɔ kpeɡri bɛlbwa sese ɡe aa won tɔ yaa ŋwɛnɛ.

Tɔn Pɔɔl Aa Chwerɛ Rom Tena 8:38 ပူးပေါင်းရင်းမြစ်များ

Amanesoma Jɔn Aa Chwera Tɔn 10:28

asɛ mɛɛ tɛa mkpa aa wola jaɡa dɔe bwa. Aa sewɛ bwa ɡe. Nomɛlbwa ɡe aa won toa le n nɔn ta.

Tɔn Pɔɔl Aa Chwerɛ Rom Tena 14:7

Ya bini bɛlbwa toole dɛ so le dɛ tɛ o ɡbo, bɛlbwa ɡe toole o seo ɛ o ɡbo wa.

Tɔn Pɔɔl Aa Chwerɛ Rom Tena 14:8

Yaa lɔ mkpa ta nɔ, dɛ ya Dɔɔ Yeesu waa ya do le. Dɛ ya baa sewɛ ɡe aa, dɛ onee ya sewɛ tɛ. Anomanta, ya lɔ mkpa ta noo, sewaa ya sewoo, ya Dɔɔ Yeesuu dɔ yaa.

Tɔn Pɔɔl Aa Chwerɛ Rom Tena 4:21

Dɛ Abraham jemɔ kɛŋɔ Korowii ɛɛ wonoo ɛ ɡɛ waa baɡɔ nyoa la.

Tɔn Pɔɔl Aa Chwerɛ Rom Tena 6:23

Wechɔɡa dɔ a kembɔr. A kembɔree seo. Asɛ kon Korowii ɡe aa dɛ tɛ laanee mkpa aa wola jaɡa dɔe bwa. Ya Dɔɔ Yeesu Kristo nɛɛ o che dɛɛ tɛ a ɡɛ mkpa nɔ.

1 Kɔrent 15:24

Belaa wobɛlbwa ɛɛ ba a jaɡa bala. A taa Yeesu Kristo ɛɛ ba kpeɡri dɔe, dɛ́ pɔ konchɔɡa aa bea yaa wola an na bwa soo siwi nɛ, dɛ́ kpɔ kora la do o Mɛɛ Korowii nɔn ta ó di.

2 Kɔrent 11:14

A ta nyokpowaa ɛɛ, dɛkalkɛ Bɔnsam ɡbabir won o te beɡra dɛ do kɛ Korowii nyundua torome tenten ken.

2 Kɔrent 4:13

Ba chwerɔ do Korowii Tɔn bini ŋɔ, “Maa yaradaa waa n bol.” Gɛɛ ya ɡee yarada. Yaa yaradaa waa yaa bol.

Ɛfesos 1:21

o dɔ kpeɡri kɛrɛdɛ ɡa, dɛ ɡwaa kpeɡri konchɔɡa aa bea yaa wola an na bwa soo siwi aa dɔa, dɛ dɔ sɔn ɡwaa komɛlbwa kɛɛ nomɛlbwa waa lole taraken ne nɛra baa dɛ ba bala tɔpere aa dɛ ba bala la ta.

Kolosi 1:16

O Bie la nɛɛ o che dɛ ta komɛlbwa waa lɔ harɛ ta ne komɛlbwa waa lɔ nyundua, anɔ la yaa dɛ naa ne anɔ la yaa wola an na kɛŋɔ nyundua toroma ne konchɔɡa aa dɛ di kpeɡri bwa soo siwi. O Bie la nɛɛ o che dɛ taa, asɛ a do le tɛo.

Kolosi 2:15

Yeesu seo waa sewa la, o chɔɡ kwaa aa dɔ kpeɡri bwa kpeɡri, dɛ lɛ a kpeɡri dɔɔh. O ɛ ɡɛ dɛ ɡel sihiih kpoa nɛra bwa siwi ta, bá jemɛ kɛŋɔ o ɡelɔ koŋkpeɡa la bwa kpeɡri ɛ pɛɛpɛɛ.

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.

Hibru 11:13

Korowii yaradae taa a ɡɛ nɛra nɔ bwa do dɛ ba serewe, dɛ ba ta waa Korowii aa baɡɛ nyoa la nae siwi ne. Kɛ ba yarada nomanta, ba naa bojaŋ ba sie lɛ kɛŋɔ haa na hɔɔhra bojaŋ baa ba he sie lɛ la. Ba sɛoh kɛŋɔ ba ɛ hɔɔhra harɛ nɔ ta.

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.