Tɔn Pɔɔl Aa Chwerɛ Rom Tena 8:36 - mzwDBL

³⁶ Gɛ Korowii Tɔn aa dɛ baɡle la, “He nomanta, ya cheɡɛ seo nyoa saŋ bɛlbwa. Saŋ bɛlbwaa baa ɛ yaa kɛŋɔ peera baa dɛ la ka kpoa la ken.”

Tɔn Pɔɔl Aa Chwerɛ Rom Tena 8:36 ပူးပေါင်းရင်းမြစ်များ

Yela 141:7

Baa boloo ŋɔ, “Gɛ ba yon buɡli harɛ la, ɡɛɛ ya hoɡa lɔ peɡre lalbɔɔ nyoa.”

Yela 44:11

He ɡelɔ ba kpoo yaa kɛŋɔ peera ken, dɛ lɔ yaa peɡre harɛre ta.

Yela 44:22

He nomanta, ya cheɡɛ seo nyoa saŋ bɛlbwa, baa ɛ yaa kɛ peera baa dɛ la ka kpoora ken.

Aesaya 53:7

Ba ɛo hɔhɔrɔwa, kɛ o helɔ, o ta nyoa pile. O tɔ nyoa kɛŋɔ baa lawɛ pebie dɛɛ kaa kpobɔr la. O ɛo jeiih kɛŋɔ penee baa dɛ fonɛ o pona ken. O ta nyoa pile dɛ bol wobɛlbwa sese.

Jeremia 11:19

Dɛ n do kɛŋɔ pebie waa pwɛra ba lawɔ dɛɛ kaa kpobɔr ken. N ta jemɛ kɛŋɔ ba dɛ vɔrɔwe n bwara wechɔɡa ŋɔ, “Hé ɡel ya kpo Jeremia ɡɛ ba yon chɔɡ daa ne o nɔna bwa la, dɛ́ kpoo le harɛ nɔ ta, ásɛ o sɔn den he kwaraa.”

Jeremia 12:3

N Naa Korowii, kɛ ane a bwa, he jem mɛ, he dɛ na mɛ dɛ jemɛ ɡɛ he waa aa lɔ n bini. Tɛɡre nɛnchɔɡa la kɛŋɔ peera baa dɛ la ka kpoora! Lee ba cheɡ ka tel saŋ baa kpoo ba!

Jeremia 51:40

Mɛɛ ɡeloo ba laɡ ba, kɛŋɔ ba yon lawɛ peloni kɛɛ boohna kɛɛ pebala, dɛ́ ka kpoora la ken.”

Amanesoma Jɔn Aa Chwera Tɔn 16:2

Nɛra ɛɛ doŋi heyaa cheremi deene binii, ásɛ a ba saŋ bɛl kɛŋɔ bá kpoo heya, dɛɛ lii kɛŋɔ Korowii tetoowaa baa ɛ ɡɛ la.

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

We-ɛɛla 8:32

Dɛ Korowii Tɔn waa nomoa la aa dɛ kure laanee la. “O helɔ kɛŋɔ baa lawɛ pee kaa kpobɔr. O tɔ nyoa kɛŋɔ baa dɛ fonɛ pebie pona o yon tɔ nyoa la. O ta nyoa pile bol wobɛlbwa sese.

1 Kɔrent 15:30

Bɔkwa waa ya ɡee jo siswɛm waa ta saŋ bɛlbwa nɔɔ?

1 Kɔrent 15:31

Yabala, kpelaa mɛɛ ŋɔ, dɛ maa siswɛm ta jo tɔpere bɛlbwa naa, amɔ te dɛ n laa yon dɛɛ kpɛɛ heyaa ya Dɔɔ Yeesu Kristo nɛɛ teŋa ta la.

1 Kɔrent 4:9

N te be, Korowii ɡelɔ ya banɔ nɔ yaa ɛ Yeesu toroma nɔ ka mun, dɛ do kɛŋɔ nɛra baa laɡ ba dɛɛ la ka kpoo ba, asɛ nɛra bwa ɛɛ nyiŋ ba, dɛkalkɛŋɔ nyundua toroma ne nɛra bwa dɛ nyiŋi yaa.

2 Kɔrent 1:9

Ya te fe jemɔ kɛŋɔ yaa sewɔɔ, kɛ ya ta sewɛ. Korowiirii ɛa ɡɛ ásɛ ya bɛ ya ɡbaɡba bokpeɡa ta dɛɛ hwɛɡɛ, ásɛ dɛ kpɔ hwɛɡa do on waa dɛ ir nɛra seo ta la nɛ.

2 Kɔrent 11:23

Yeesu Kristo bonɔɔnaa ban kɛɛ? N dɛ bol choɡla wobol te, kɛ dɛ ba ɛ Yeesu Kristo bonɔɔna aa, n ɛ o bonɔɔ ɡwaa ba! N ɛ toma ɡwaa ba. Ba do mɛ dea ɡwaa ba, dɛ cha mɛ chweremi ɡwaa ba. Waa maa naa a yon ka jɛɛ n sewɛ warɔ.

2 Kɔrent 6:9

Baa yaa komɛlbwa yerɛ, kɛ nɛra bwa ɡe jemɛ yaa. A fe chɛ kɛ ya sewɛ, kɛ yan soɡe le la. Ba ɛ yaa hɔhɔrɔwa, kɛ ba ta yaa kpoe.

Felepae 3:10

N waa bwaa kɛ ń won jemɛ Yeesu Kristo, dɛ́ won jemɛ kpeɡri la soo waa ira seo ta dɛ dɔ, dɛ́ na wahala waa naa la dɔŋa, dɛ́ kpɔ n te ɛ kɛ n sewɔ ɡɛ waa sewa la,