Tɔn Pɔɔl Aa Chwerɛ Rom Tena 8:35 - mzwDBL

³⁵ Bɔkwaa dɛ won pere ya ne Yeesu Kristo baah waa wola ya waa nyina ba kpaɔ? Noe aa dɛ no yaa kɛɛ wahala yaa dɛ na, kɛɛ cheɡa nɛra aa cheɡɛ ya nɛ, kɛɛ lɔr, kɛɛ nyaa, kɛɛ dɛ ya cheɡɛ seo nyoa o, kɛɛ sewɔ?

Tɔn Pɔɔl Aa Chwerɛ Rom Tena 8:35 ပူးပေါင်းရင်းမြစ်များ

Yela 103:17

Nɛra baa dɛ ɔmɛ Korowii la te, o nyina lɔ ba nɛɛ saŋ bɛlbwa dɛɛ la, asɛ dɛɛ ɛ ba bii ne ba naanar andɛɛɡa saŋ bɛlbwa dɛɛ la.

Yelsom 3:4

Maa dena ɡar ba n den na n sɛnodɛɛɡe la. N bamu ŋɔ maa ɡel ó kaa, ka tel kɛŋɔ maa ba o ne n nya dem, bela baa lol mɛ.

Jeremia 31:3

Korowii kpɔ o te baɡle Israel tena saŋ la dɛ ŋɔ, “Nyina aa wola jaɡa dɔe n nyin heya. Nyina kohonaa n ta teŋɛ dɛɛ nyin heya.

Amanesoma Jɔn Aa Chwera Tɔn 10:28

asɛ mɛɛ tɛa mkpa aa wola jaɡa dɔe bwa. Aa sewɛ bwa ɡe. Nomɛlbwa ɡe aa won toa le n nɔn ta.

Amanesoma Jɔn Aa Chwera Tɔn 13:1

Aa ka tama ba di Galekaa Tɔpejen la, dɛ Yeesu jemɔ kɛŋɔ tɔpere telo kɛ ó le harɛ nɔ ta dɛ́ berɛ kaa o Mɛɛ be. Dɛ o dɛ nyin o nɛra baa teŋɛ o nɛɛ harɛ nɔ ta la kɛrɛdɛ dɛ ka tonɛ.

Amanesoma Jɔn Aa Chwera Tɔn 16:33

A waa mɛɛ baɡle heyaa waa nɔ ásɛ he dɔ deŋnesɔɔhna dɛ́ le pɛɛ n ne haa pɛa la ta la. Hɛɛ na hɔhɔrɔwaa harɛ nɔ ta, kɛ hé lawɛ bambile, dɛkalkɛ n faɡɛ harɛ nɔ ta komɛlbwa nɛ.”

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

Tɔn Pɔɔl Aa Chwerɛ Rom Tena 2:9

Nɛra baa dɛ ɛ wechɔɡa la, ba bwara ɛɛ nyɛɡoo taeh, aa noo baa taeh. Juu tenaa dɛ tɔ sie na bonyɛɡa a noo ba, nɛra baa wola Juu tena ɛɛ la ɡe jao.

Tɔn Pɔɔl Aa Chwerɛ Rom Tena 8:17

Yaa ɛ Korowii bii nomanta, dɛ ya sɛoh dɛ na wahala Yeesu Kristo aa naa la aa, ya ɡee di o kapɛrɛɛ kɛŋɔ Yeesu Kristo aa dɛ di la, ásɛ Korowii kpɛɛ yaa ɡɛ waa kpɛɛ Yeesu Kristo la.

Tɔn Pɔɔl Aa Chwerɛ Rom Tena 8:37

Anɔ bwa sekwaraa ta la, ya jemɔ kɛŋɔ yaa yoo le. Yeesu Kristo waa nyin yaa la nɛɛ yaa ba cheɡa dɛ le.

Tɔn Pɔɔl Aa Chwerɛ Rom Tena 8:39

Komɛlbwa toole dɛ do nyundua kɛɛ harɛ bobɛlbwa dɛ́ won tɔ yaa ŋwɛnɛ. Korowii kontaala bini komɛlbwa toole dɛ́ won pere yaa le Korowii nyina aa cheɡɛ ya Dɔɔ Yeesu Kristo nɛɛ wɛɛ nyin yaa la ta.

1 Kɔrent 4:11

Lɔr ne nyɔɡre dɛ kpo yaa, yakwanee yaa tɔ, nɛra ɛɛ lɔɔ yaa, ya ta sobɔr dɔe dɛ kpoŋe ba le fini.

1 Kɔrent 4:12

Ya bokpeɡa taa yaa di. Nɛra hah yaa dɛɛ chɛɡre yaa, kɛ ya te soŋe andɛɛɡa dɛɛ tɛɛ ba. Ba dɛ ɛ yaa hɔhɔrɔwa, kɛ ya te sɔɔh bwara dɛɛ tɛɛ ba.

2 Kɔrent 12:10

N sie dɛ lɛ n ɡwɛɡra maa ɡwɛɡra, ne chɛɡa baa dɛ chɛɡ mɛ, ne kpeɡri bɔr yon do tɛ mɛ, ne cheɡa nɛra aa cheɡɛ n nɛ, ne ɡɛ maa koh Yeesu Kristo waa aa noo mɛ bwa ta, dɛkalkɛŋɔ ɡɛ saŋ maa ɡwɛɡre la, a taa mɛɛ do kpeɡri.

2 Kɔrent 4:17

Wahala tama nɔ yaa dɛ na tɔpera anɛ bɛl nɔ ɛɛ ɡeloo ya dɔ jirima aa wola jaɡa dɔe, ásɛ a ɡwaa wahala nɔ kwaraa ken.

2 Kɔrent 4:8

Nɛra dɛ ha yaa kohona, kɛ baa ya nɛɛ pɔ. Waa dɛ hiah yaa ya nyiŋi ɡɛ yaa ɛ kahonɛ, kɛ ya bwara aa yɔr, yaa ɡel.

2 Kɔrent 4:9

Nɛra cheɡɛ ya nɛ, kɛ Korowii te ta ya habɔɔ leɛ. Ba ɡo yaa bil te, kɛ ba ta wone kpo yaa.

Ɛfesos 3:19

O nyina waa dɛ nyin yaa la ɡwaa ya liire ta. Kɛ n dɛ soŋe Korowii he won jema, dɛ́ won dɔ o ɡbaɡba da kɛrɛdɛ ɡa dɛ́ ka tonɛ.

2 Tesalonika 2:16

Ya Dɔɔ Yeesu Kristo ɡbaɡba ne N Naa Korowii waa ɛ ya Mɛɛ dɛɛ nyin yaa kɛrɛdɛ dɛ sune ya nɛɛ dɛ cha yaa, dɛ tɛ yaa hwɛɡa aa wera ne ɡbemba aa wola tonɛ bwa la,

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.