Tɔn Pɔɔl Aa Chwerɛ Rom Tena 8:34 - mzwDBL

³⁴ Aah dɛ umee dɛ́ won pa ba bolchɔɡe ɔ? Yeesu Kristo kɛɛ? Sewaa o te koh ya waa sewɛ, kɛ a ɡbo laa. O berɔ ir seo ta dɛ ka so nomombɔr Korowii diɡ ta, dɛ soŋo dɛɛ tɛ yaa.

Tɔn Pɔɔl Aa Chwerɛ Rom Tena 8:34 ပူးပေါင်းရင်းမြစ်များ

Job Tɔn 33:24

dɛ ba na ba sum, dɛ́ ŋɔ Korowii be ŋɔ, ‘Lɛɛ ba le seo nyoa n dɔ kon dɛ́ kpɔ charɛ ba nyu,’

Job Tɔn 34:29

Kɛ dɛ Korowii helɔ aa, umee dɛ won pwaoh wɔ? O kpɔ sie sɔh aa, umee dɛ nao wɔ? Kɛ o dɛ nyiŋi nɛmbeŋkpoŋ ne nɛra baa lɔ harɛ nɔ ta bwa kɛrɛdɛ,

Yela 109:31

dɛkalkɛ o dɛ che nyaara habɔɔ, dɛ lɛɛ ba dɛɛ le nɛra baa kpoo ba nɔn ta.

Yela 37:33

kɛ Korowii aa ɡel ba di kpeɡri ba nɛ, kɛɛ ba di bolchɔɡe, ɡɛ saŋ wa aa puu ba la.

Aesaya 50:8

Korowii bɛn mɛ. Wɛɛ pa mɛ bolee. Umee dɛ́ won kpɔ waa dawɛ n nɛɔ? Naate ɡel ya cheme. Ume tenee n ne o dɔɔ? Naate ba n ne o cheme, dɛ́ bol.

Aesaya 53:12

Anɔ waa mɛɛ ba on nomombɔr tɛɛ, dɛ́ tɛo kpeɡri, dɛkalkɛŋɔ o kpɔ o te tɛ ba kpoo, ba kuro ja wechɔɡ-ɛɛra nɛ. O kpɔ o te ɛ saraha, dɛ lɛ nɛndamanta bwa wechɔɡa che, dɛ soŋe ba wechɔɡa men Korowii be tɛɛ ba.”

Jeremia 50:20

A ɡɛ saŋ ne awola tɔpere la, baa nyiŋi waa aa ɡela Israel tena di bolchɔɡee, kɛ baa bolchɔɡe baa dia bɛlbwaa na, dɛ́ nyiŋi Juda tena ɡe wechɔɡa baa wobɛlbwaa na, dɛkalkɛ mɛɛ kpɔ n nɛra baa kaa la wechɔɡaa kɛ ba.

Nɛra Kura 7:15

ne nabale beŋkpoŋ ne pebal beŋkpoŋ, dɛ pebale beŋkpoŋ aa di benanyoa bá kpɔ ɛ saraha baa dɛ fuah,

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Amanesoma Mak Aa Chwera Tɔn 16:19

Ya Dɔɔ Yeesu aa bol waa ba be tonɛ la, Korowii kpɔɔ kaa nyundua, o ka so nomombɔr o diɡ ta.

Amanesoma Jɔn Aa Chwera Tɔn 14:19

A ka tama, nɛra baa dɔ harɛ nɔ ta ɡbo liire aa men na kpa, kɛ he te ɛɛ na mɛɛ. Maa dɔ mkpa nomanta, he ɡee dɔ mkpaa.

Amanesoma Jɔn Aa Chwera Tɔn 16:23

Tɔpere la telaa, haa men wobɛlbwaa bɔɔ kpa. Kasinteŋ, n dɛ ŋɔ he be, dɛ he soŋe komɛlbwa n Mɛɛ be naa, wɛɛ koh n waa dɛ́ tɛ heya.

We-ɛɛla 2:24

Asɛ Korowii lɛo seo nɔn ta dɛ iru seo ta, dɛkalkɛŋɔ seo ta kpeɡri dɔe o nɛɛ dɛ́ lawɔ o bɛ won ir.

Tɔn Pɔɔl Aa Chwerɛ Rom Tena 14:13

Aa do ɡɛ nɔ, yá ɡel dɔŋa pwaeh. Waa aa chɛ kɛ yaa ɛ laanee kɛŋɔ ya ɛ ya liire kɛŋɔ waa aa ɡel ya dɔŋa lɔ naa dɛ chole kɛɛ ba ɛ wechɔɡa la, yaa ɡel a ɛɛ.

Tɔn Pɔɔl Aa Chwerɛ Rom Tena 14:9

Yeesu Kristo seo waa sewa dɛ ir la, o ɛ ɡɛ dɛ ɛ weera ne lala bwa dɔɔ.

Tɔn Pɔɔl Aa Chwerɛ Rom Tena 4:25

Ya wechɔɡa waa Korowii leo ŋɔ ó ba sewɛ, asɛ Korowii berɛ iru seo ta, ásɛ a che o nɛɛ Korowii lɛ yaa kɛ nɛndɛɛɡa ya waa su o siwi.

Tɔn Pɔɔl Aa Chwerɛ Rom Tena 8:1

Taraken nɔ nɛra ba ne Yeesu Kristo aa pɛa la te aa bolchɔɡe dii ba ba tɛr ba deŋne.

Tɔn Pɔɔl Aa Chwerɛ Rom Tena 8:27

Korowii te jemɛ nɛn bambile bini waa bwa, dɛ jemɛ o Domadɛɛɡe la nyu bini, dɛkalkɛŋɔ ɡɛ Korowii aa dɛ nyin la, ɡɛɛ o Domadɛɛɡe la soŋo dɛɛ tɛ o nɛra ba wa aa toɡra.

Kolosi 3:1

Dɛ he ne Yeesu Kristo bwaa pɛa ir seo ta te naa, amɔ te hé swɛɛ siwi dɛ́ ɡel he bambile che kwaa aa lɔ nyundua la ta. Belaa Yeesu do dɛ so nomombɔr Korowii diɡ ta.

Hibru 1:3

He na o jirima waa dɔa aa, dɛ he na jirima Korowii aa dɔa. Gɛ Korowii aa doa o ɡe den do kati. O wobol dɔ kpeɡri. A kpeɡrii lawɛ komɛlbwa kpoŋe. Korowii Bie la aa laa ya wechɔɡa kpɔ ya nɛɛ tonɛ la, o kaa so nomombɔr nyundua Nemenɛ Korowii diɡ ta,

Hibru 7:25

Nomɛlbwa waa cheɡɛ Yeesu nɛɛ dɛ tuuh dɛɛ tel Korowii la, Yeesu ɛɛ lɛo waa wola nyoɡre kpa bwa. O lole saŋ bɛlbwa dɛ soŋe Korowii dɛɛ tɛ nɛwɛnyina.

Hibru 9:24

Bela Yeesu Kristo aa joa la, Korowii Boɡoroŋ Tenten nɛwɛnyini aa mao o ɛ Korowii doa kon chaa la ɡbo bini laa o jo. Korowii doa ɡbaɡbaa o la, dɛ ka che Korowii sie ásɛ dɛ won cha yaa taraken.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.