Tɔn Pɔɔl Aa Chwerɛ Rom Tena 8:26 - mzwDBL

²⁶ Gɛ ya hwɛɡa yaa dɔa la aa lawɛ yaa ya wahala bwa bini la, ɡɛɛ Korowii Domadɛɛɡe ɡee cha yaa, dɛkalkɛŋɔ ya yarada aa kanɛ. Yaa jemɛ ɡɛ aa chɛ kɛ yaa soŋe Korowii kwara. Korowii Domadɛɛɡe soŋɔ dɛɛ tɛ yaa sum ne, nɛn aa wola won baɡle kwara.

Tɔn Pɔɔl Aa Chwerɛ Rom Tena 8:26 ပူးပေါင်းရင်းမြစ်များ

Job Tɔn 37:19

Baɡle yaa waa yaa bol Korowii be dɛ́ chaŋo, ya liire damɔ nomanta, ya ta wobɛlbwa dɔe.

Yela 10:17

N Naa Korowii, he dɛ no nɛŋɡwɛɡra wesoŋa, dɛɛ do ba ɡbemba,

Yela 102:20

dɛɛ no nɛra baa laɡ ba do dea hima, dɛ́ lɛɛ ba le kpoora baa dɛ ba ba kpoora ta, dɛ́ ɡel ba dɔ ba te.

Yela 102:5

N hima kohona nomanta, n ɡwaŋɔ ka hoɡa ɡbo.

Yela 6:3

N bwadabii bwa dɛ wee mɛ taeh. N Naa Korowii, saŋ besoo he ba cha mɛ nɔ?

Yela 6:9

O no n suna wii, wɛɛ sɛh n bee.

Yela 69:3

N wio noe ŋɔ hé ba cha mɛ, dɛ ba koh, n lobi bwa holɔ. N nyiŋi he siwi ta, he ba cha mɛ kahonɛ.

Wiile 3:56

He no n waa maa kpɔa bil he sie. Bɛ deŋna tɔɔɡe, no n wii, dɛ́ ba cha mɛ.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Matiu 10:20

Waa haa dɛ ba bola la aa he bee le. Korowii Domadɛɛɡe laanee dɛɛ ba he nɛɛ cheɡa dɛ́ bol wa.

Matiu 20:22

Anee Yeesu ŋɔ bii la be ŋɔ, “Haa waa haa dɛ soŋe nɔ mun jemɛ. Hɛɛ wonoo nyɔ n tɛɡkpela nɔ maa dɛ ba nyɔe nɔ ane aa?” Anee ba sɛh ŋɔ, “Yaa wonoo.”

Amanesoma Luk Aa Chwera Tɔn 22:44

O tea bini aa chɔɡa kohona la, o soŋe Korowii siswɛm ne, asɛ bɔwɔb le o nɛɛ dɛ kor dɛɛ lee kɛŋɔ chal ken.

Amanesoma Jɔn Aa Chwera Tɔn 14:16

Mɛɛ soŋe n Mɛɛ Korowiirii ó berɛ tɛ heyaa Habɔchekpaa ja wɛ́ɛ cha heya, dɛ́ soŋe dɛɛ tɛ heya, ásɛ he ne o so saŋ bɛlbwa.

Tɔn Pɔɔl Aa Chwerɛ Rom Tena 15:1

Ya nɛra ya yarada aa kana la, a chɛ kɛ yaa lawɛ bambile banɔ la ba yarada aa wola kanɛ la nɛɛ dɛɛ cha ba. A ta chɛɛ kɛ yaa ɛ ya ɡbo tetoowa.

Tɔn Pɔɔl Aa Chwerɛ Rom Tena 7:24

Akwe! Bɔkwa waa na mɛ ken ɔ? Umee dɛ́ lɛɛ mɛ bwadabii nɔ waa dɛ kaa n ne seo ta nɔ nɔn ta nɔ?

Tɔn Pɔɔl Aa Chwerɛ Rom Tena 8:15

Korowii Domadɛɛɡe la waa kpɔa tɛ heyaa la, o ta ɡelɛ he ne Korowii baah do kɛŋɔ nɛn ne o yom asɛ hɛ́ɛ ɔmɔ. O ɡelɔ he ɛ Korowii bii. O alaworomɛ ya won wii dɛ́ yerɛ Korowii ‘Mɛɛ, n Mɛɛ’, kɛŋɔ bie aa dɛ yerɛ o mɛɛ la.

2 Kɔrent 5:2

Ya bwadabii nɔ te pe yaa. Ya sie cheɡɛ chiŋ yaa hime, dɛɛ nyin kɛŋɔ Korowii kpɔ ya Korowii doa bwadabii la do yaa,

2 Kɔrent 5:4

Ya taa lɔ ya bwadabii aa do kɛ patare ta nɔ, ya bwara dɛ nyɛɡ, yaa hime. Ya bwadabii nɔ kpɔe dɛ le ya nɛɛ waa laa dena swɛɛ ya siwi. Ya Korowii doa bwadabii la doe waa swɛɛ ya siwi kohona, ásɛ o chiɡ bwadabii waa won sewa nɔ naa ta ya dɔ mkpa.

Galaasia 4:6

Korowii aa dɛ nyin kɛŋɔ o baɡle kɛŋɔ o biirii yaa la nomanta, o tɛ yaa o Bie la Domadɛɛɡe la o so ya nɛ, asɛ ya won dɛɛ yerɔ ‘n Mɛɛ, n Mɛɛ’, kɛŋɔ bie aa dɛ yerɛ o mɛɛ ɡɛ la.

Ɛfesos 2:18

Onee ɡela ya bwa dɔ Korowii Domadɛɛɡe la, dɛ che o nɛɛ dɛ won dɛɛ tel o Mɛɛ la be.

Ɛfesos 6:18

Hɛ́ɛ soŋo harɛ bini soŋa nɔ bwa. Hé che Korowii Domadɛɛɡe la kpeɡri ta, dɛ́ɛ soŋo saŋ bɛlbwa. He bɛ dom dɛɛ chɔ. Hɛ́ɛ soŋe Korowii saŋ bɛlbwa dɛ́ɛ tɛ o nɛra la bwa.

Hibru 4:15

Ya Sɔfonomonjen yaa dɔa la ta nɛn waa wola ya nɛɛ sune ya ɡwɛɡra nɔ ta ɛɛ. Daahna bɛlbwa soo siwi toole Bɔnsam aa wola on daahnɛ kɛŋɔ waa dɛ daah yaa nɔ. Kɛ o cheɡɔ kiŋkiŋ, o ta wechɔɡa ɛɛ.

Hibru 5:2

A ɡɛ Sɔfonomoa nɔ ɛɛ wonoo dɛɛ sune nɛra baa wola waa jemɛ dɛɛ koni la nɛ, dɛkalkɛŋɔ o ɡba kwaraa ta kpeɡri dɔe dɛ́ won dɛɛ vɛh wechɔɡa ɛɛ.

Jems 4:3

He dɛ soŋo, kɛ haa dɔ, dɛkalkɛŋɔ liire haa cheɡɛ a ta dɛɛ soŋo la aa were. He ɡboɡbo konnyina ne kwaa haa dɛ pɛlɛ a nɛɛ waa hɛɛ soŋo.