Tɔn Pɔɔl Aa Chwerɛ Rom Tena 8:13 - mzwDBL

¹³ dɛkalkɛŋɔ dɛ nɛn teŋɛ nɛwɛnyini mar wechɔɡa aa suu nɔ pɛla waa ta naa, waa mkpa dɔe ba. Kɛ dɛ nɛn cheɡɛ Korowii Domadɛɛɡe la nɛɛ dɛ vɛh o bwadabii pɛla wobɛlbwa naa, wɛɛ dɔ mkpaa.

Tɔn Pɔɔl Aa Chwerɛ Rom Tena 8:13 ပူးပေါင်းရင်းမြစ်များ

Job Tɔn 20:13

ba ɡelɔ a do bela biɡri, a som la nomanta, a yon ka do ba kaŋa bini.

Tɔn Pɔɔl Aa Chwerɛ Rom Tena 6:21

Dɛ wechɔɡa ɡboo hɛɛ ɛ. Taraken nɔ, a waa dɛ ɛ heyaa sihiih. A ɡɛ waa nɔ, dɛ tɔnɔ besoo a dɔ tɛ heya ɔ? Waa aa lɔ ɡɛ wechɔɡa nɔ habɔɔ laanee seo.

Tɔn Pɔɔl Aa Chwerɛ Rom Tena 6:23

Wechɔɡa dɔ a kembɔr. A kembɔree seo. Asɛ kon Korowii ɡe aa dɛ tɛ laanee mkpa aa wola jaɡa dɔe bwa. Ya Dɔɔ Yeesu Kristo nɛɛ o che dɛɛ tɛ a ɡɛ mkpa nɔ.

Tɔn Pɔɔl Aa Chwerɛ Rom Tena 7:5

Saŋ la yaa lɔ wechɔɡa ya nɛwɛnyini mar nɔ wechɔɡa aa suu nɔ aa dɛ nyin la ta dɛɛ ɛ la, dɛ Mmara la dɛ ir ya bambile wechɔɡa ɛɛ ta, asɛ wobɛlbwa yaa dɛ ɛ la, aa kaa ya ne seo ta.

Tɔn Pɔɔl Aa Chwerɛ Rom Tena 8:12

Anomanta, yabala, waa dawɛ ya nɛ, ya di kem, kɛ ya nɛwɛnyini mar nɔ wechɔɡa aa suu nɔ kem laa ya di á ɛ kɛŋɔ yaa teŋɛ o nɛɛ,

1 Kɔrent 9:27

N dɛ lawɛ n te, dɛɛ haŋre kɛrɛdɛ kɛ, n ɡbaɡba maa dɛ bol Amanesoma nɔ dɛɛ baɡle nɛra nɔ, n bɛ ba koni dɛ́ horɛ.

Galaasia 5:24

Nɛra baa ɛ Yeesu Kristo nɛra la, ba kpaa ba nɛwɛnyini mar wechɔɡa aa suu nɔ wenyina ne ba liichɔɡa bwa pɛl Yeesu daɡaɡre la ta dɛ kpoa.

Galaasia 6:8

Dɛ nɛn teŋɛ o nɛwɛnyini mar wechɔɡa aa suu pɛla kwaa nɛɛ dɛ du wechɔɡa aa, sewee wɛɛ ba koma. Dɛ nɛn teŋɛ Korowii Domadɛɛɡe la tetoowaa ta dɛ du wedɛɛɡa aa, wɛɛ komɛ mkpa aa wola jaɡa dɔe bwa laanee Domadɛɛɡe la be.

Ɛfesos 4:22

Taraken hé ɡel he dabene la ne waa he fa aa dɛ teŋɛ a ta la. He pɛlchɔɡaa neɡre he bwa dɛɛ chɔɡ he da la. Hé ɡel webena la bwa,

Ɛfesos 4:30

He bɛ ɡel Korowii Domadɛɛɡe la tea bini chɔɡ. Korowiirii kpɔɔ do heyaa nso dɛ́ won jemɛ he banɔ la waa dɛ ba lɛɛ o lɛɛ tɔpere la.

Ɛfesos 5:18

He bɛ sen nyɔ kohona dɛɛ dɛɛ. Gɛ dɛ chɔɡ nɛn. Kɛ hé ɡel Korowii Domadɛɛɡe la so he nɛɛ kɛrɛdɛ,

Taetos 2:12

Anomanta, ɡɛ dɛ baɡle kɛŋɔ a wer kɛ ya laa sie kpɔ wechɔɡa bɛlbwa ne harɛ nɔ ta pɛlchɔɡa la bwa ta, dɛ́ dɔ nfɛrɛ, dɛɛ ɛ waa aa toɡra, dɛɛ ɔmɛ Korowii ya bere nɔ ta,

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Pita 2:11

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.