Tɔn Pɔɔl Aa Chwerɛ Rom Tena 7:22 - mzwDBL

²² N bambile fe lawɛ Korowii Mmara la ta teŋa,

Tɔn Pɔɔl Aa Chwerɛ Rom Tena 7:22 ပူးပေါင်းရင်းမြစ်များ

Job Tɔn 23:12

N dɛ teŋɛ o Mmarare waa do mɛ ta, n kpoŋe o nyoa wobol bini, dɛ ɡwaa n wenyina.

Yela 1:2

Ba sie dɛ lɛ Korowii waa ta, dɛɛ hweli o Mmara la chɔɔ ne jwaana.

Yela 119:111

He Mmarare la do kɛ kwaa a yoɡ aa kpeɡa tɛ mɛ saŋ bɛlbwa ken, anee dɛɛ tɛ mɛ silɛɛ.

Yela 119:113

N hah nɛra baa wola bambile bwa kpɔe dɛɛ tomɛ, kɛ n te dɛ nyin he Mmara la.

Yela 119:127

N dɛ nyin he Mmarare haa dɛ do mɛ a ta la ɡwaa suuɡaswɛm, hale suuɡaswɛm tenten bɛlbwa,

Yela 119:16

N dɛ nyin he Mmarare la kohona, maa he waa laanee vɛh.

Yela 119:167

N dɛ nyin he Mmarare la n bambile bwa ne, dɛɛ teŋɛ a ta.

Yela 119:174

N Naa Korowii, n sie dawɛ he nɛɛ kɛ he lɛɛ mɛ, he Mmarare laanee dɛɛ tɛ mɛ silɛɛ.

Yela 119:24

He Mmarare laanee dɛɛ tɛ mɛ silɛɛ, anee dɛɛ ja mɛ.

Yela 119:35

Chaɡ mɛ he waa ŋwɛnɛre mɛɛ kpɔ a ta, dɛkalkɛ a taa mɛɛ dɔ silɛɛ.

Yela 119:72

Mmarare haa kpɔa tɛ mɛ la ɡwaa mɛ harɛ nɔ ta suuɡa bwa, hale suuɡaswɛm ne suuɡapoŋa ta an tele.

Yela 119:92

Dɛ he waa ta laa n silɛɛ che naa, n fe sewɛ n wenaale ta.

Yela 40:8

N Naa Korowii, na ɡɛ maa dɛ nyin he waa ɛɛ, n kpɔ he webaɡla la do n bambile bini.”

Yelsom 5:3

N laa n batakaare foo, a chɛ kɛ ń berɛ kpɔ do ja aa? N sarame n nakpale, ń berɛ kpɔ valɛ harɛpɛɛ aa?

Aesaya 51:7

He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.

Lewi Dea Tena 13:39

sɔfo la chɛ kɛ ó nyiŋi naate dɛ́ na. Dɛ kompoŋa la ta denɛ to kpelkpel ɡɛ naa, amɔ dɛ bwadabii weepɛɛ, doŋa toole naate nɛ.

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

Tɔn Pɔɔl Aa Chwerɛ Rom Tena 2:29

Waa aa dɛ baɡle kɛŋɔ nɛn ɛ Juu te tenten la, bambile binii a do. Korowii Domadɛɛɡe laanee dɛɛ ba toma ɛɛ he bambile bini, ásɛ he won ɛ Juu te tenten. Mmara bɛlbwa aa ɡɛ bambile nɔ tɛ. Nɛn Korowii Domadɛɛɡe la aa chao asɛ o bambile bini waa ɛɛ baɡle kɛŋɔ o ɛ Korowii nɛn la, nɛwɛnyini laa dɛɛ ba o kpɛɛra, Korowiirii dɛɛ ba o kpɛɛra.

Tɔn Pɔɔl Aa Chwerɛ Rom Tena 8:7

Nomɛlbwa waa kpɔ o liire do bwadabii waa ta dɛ ɡwaa wobɛlbwa la, o som laa Korowii, waa Korowii Mmara ta teŋɛ. Waa won teŋɛ Korowii Mmara ta ɡe bwa.

2 Kɔrent 4:16

Ken nɔ nomanta, bɔhwaah aa yaa lawɛ. Tɔ aa dɛ per nɔ bwaa ya bwadabii ɡwɛɡre dɛɛ la. Kɛ ya bini te la, kpeɡrii ya yarada do dɛɛ la.

Ɛfesos 3:16

N dɛ soŋo kɛ, chae waa dɛ cha yaa kohona a dɔ jirima nɔ nomanta, ó ɡel o Domadɛɛɡe tɛ heyaa kpeɡri, ásɛ he won lawɛ o waa bini kiŋkiŋ he bambile bwa ne,

Kolosi 3:9

He bɛ nyosone teŋe dɛɛ tɛ dɔŋa, dɛkalkɛŋɔ he laa he dabene la ne o we-ɛɛla la bwa kpɔ he nɛ,

Hibru 8:10

Fɔo n ne Israel tena aa dɛ ba fɔwa kerekeree la. Mɛɛ kpɔ me Mmaraa do ba nyu bini, dɛ́ chwerɔ do ba bambile bini, ásɛ dɛ ɛ Korowii baa dɛɛ tom mɛ, ásɛ ba ɡe ɛ n nɛra.

1 Pita 3:4

Hé ɡel nɛra na he wer waa aa lɔ bambile bini siwi aa wola an na la ta. Hé do pwɛre, dɛɛ ɛ waa bɔeh. Anee wera aa wola tu bwa, dɛ do wer kohona Korowii be.