Tɔn Pɔɔl Aa Chwerɛ Rom Tena 7:18 - mzwDBL

¹⁸ N jemɔ kɛŋɔ liidɛɛɡa bɛlbwa toole n bini. N nɛwɛnyini mar nɔ wechɔɡa aa suu nɔɔ n ŋɔ nɔ. Maa dɛ ŋɔ nɔ, n dɛ nyin wedɛɛɡa ɛɛ, kɛ maa won an ɛ.

Tɔn Pɔɔl Aa Chwerɛ Rom Tena 7:18 ပူးပေါင်းရင်းမြစ်များ

Mumpar 6:5

Korowii aa baa na ɡɛ nɛwɛnyina nyubinikpeɡ aa kana kohona harɛ nɔ ta dɛ dɔ liichɔɡa ɡbosoroo tɔpere bɛlbwa la,

Mumpar 8:21

Ola baa fuah la sɔɔh do Korowii som kohona asɛ o ŋɔ, “Nɛwɛnyini le o wechɔɡa ne o bechale saŋ, anomanta, maa nɛwɛnyina ne komɛlbwa maa taa chɔɡ ɡɛ maa tɔ sie chɔɡ bane la kpa.”

Job Tɔn 14:4

Nɛn waa kah doŋa la ɛɛ won lolɛ nɛn waa wola doŋa kaeh yaa? Nɛn toole!

Job Tɔn 25:4

Ɛrɛɛ nɛn ɛɛ ba wona ŋɔ o waa toɡrɔ Korowii be nɔ? Ɛrɛɛ nɛwɛnyini ɛɛ ba wona ŋɔ doŋa toole o nɛɔ?

Yela 119:173

Maa dɛ teŋɛ he webaɡla ta nomanta, kpɔ nɔn dɛɛ tɔ n nɛɛ saŋ bɛlbwa.

Yela 119:176

Men maa ɛ he bonɔɔ do kɛŋɔ pee waa nyoɡra ken. Ba ɡaaɡe n bɔr, dɛkalkɛŋɔ n ta he Mmarare la vɛɛh.

Yela 119:32

Mɛɛ swɛɛ siwii dɛɛ teŋɛ he webaɡla ta, dɛkalkɛŋɔ he cha mɛ, dɛ ɡel mɛɛ no waa mun kɛrɛdɛ.

Yela 119:40

N dɛ nyin he waa la ta teŋa kohona. Che toɡra he wa aa toɡra ta dɛ tɛ mɛ mkpa.

Yela 119:5

N dɛ nyin kɛ n waa fe dɔ kasinteŋ, mɛɛ teŋɛ he waa ta!

Yela 51:5

N lola saŋ bwaa n le ɛ wechɔɡa, hale saŋ n nya aa kpoŋe n tea.

Aesaya 64:6

Ya bwa ɛ wechɔɡa dɛ kah doŋa, ya wedɛɛɡa kwaraa do kɛŋɔ yakwara waa chɔ puldoa ken. A ɡelɔ ya do kɛŋɔ papooni aa hola, peu ta dɛ kpɔa dɛɛ kaa la ken.

Matiu 15:19

Liichɔɡa ne nɛŋkpoa, ne jwamane ne ŋwɛɛ wa, ne nyosone teŋa ne nɛra ŋwala, dɛ anɔ aa jaa bwa, bambile binii a le.

Amanesoma Luk Aa Chwera Tɔn 11:13

Dɛ he wechɔɡ-ɛɛra nɔ kwaraa jemɔ dɛ kpɔ kondɛɛɡa dɛɛ tɛ he bii aa, ɛrɛ waa he Mɛɛ waa lɔ nyundua la te aa wola nɛra baa dɛ soŋo o Domadɛɛɡe la tenee tɛo!”

Amanesoma Jɔn Aa Chwera Tɔn 3:6

Nɛwɛnyini lola lole, asɛ Korowii Domadɛɛɡe ɡe lola do le. Nɛwɛnyini lola ɛ bwadabii wa, asɛ Korowii Domadɛɛɡe lola ɡe ɛ lileo wa.

Tɔn Pɔɔl Aa Chwerɛ Rom Tena 13:14

Hé kpɔ ya Dɔɔ Yeesu Kristo waa ɛ dɔmkwa, dɛ́ laa sie kpɔ he nɛwɛnyini mar wechɔɡa aa suu nɔ tetoowaa ta.

Tɔn Pɔɔl Aa Chwerɛ Rom Tena 7:15

Waa maa dɛ ɛ kwaraa la nɔ, n ta wone jemɛ waa aa ɡela mɛɛ ɛa, dɛkalkɛŋɔ maa waa n fe aa dɛ nyin ɛɛ la ɛ. Waa maa wola nyin laanee mɛɛ ɛ.

Tɔn Pɔɔl Aa Chwerɛ Rom Tena 7:19

Wedɛɛɡa maa dɛ nyin ɛɛ la, a laa mɛɛ ɛ. Wechɔɡa maa wola a ɛɛ nyin la, anee mɛɛ ɛ.

Tɔn Pɔɔl Aa Chwerɛ Rom Tena 7:25

Korowii jam. Ya Dɔɔ Yeesu Kristo alaworomɛ, Korowiirii dɛ́ lɛɛ mɛ. Anomanta, n bambile bini te, Korowii Mmara taa mɛɛ teŋɛ. Kɛ n nɛwɛnyini mar wechɔɡa aa suu nɔ be pera te, wechɔɡa taa mɛɛ teŋɛ.

Tɔn Pɔɔl Aa Chwerɛ Rom Tena 7:5

Saŋ la yaa lɔ wechɔɡa ya nɛwɛnyini mar nɔ wechɔɡa aa suu nɔ aa dɛ nyin la ta dɛɛ ɛ la, dɛ Mmara la dɛ ir ya bambile wechɔɡa ɛɛ ta, asɛ wobɛlbwa yaa dɛ ɛ la, aa kaa ya ne seo ta.

Galaasia 5:17

dɛkalkɛŋɔ waa he nɛwɛnyini mar wechɔɡa aa suu la aa dɛ nyin la, Korowii Domadɛɛɡe la aa an nyin. Nɛwɛnyini mar wenyina ne Korowii Domadɛɛɡe wenyina aa jo. Anomanta, waa haa dɛ nyin ɛɛ la, haa wona ba dɛ ɛ.

Galaasia 5:24

Nɛra baa ɛ Yeesu Kristo nɛra la, ba kpaa ba nɛwɛnyini mar wechɔɡa aa suu nɔ wenyina ne ba liichɔɡa bwa pɛl Yeesu daɡaɡre la ta dɛ kpoa.

Felepae 2:13

dɛkalkɛŋɔ Korowii soɡe he bɛlbwa nɛɛ dɛɛ ɛ toma, dɛ ɡel he won sɛh dɛ won dɛɛ tomɔ kɛrɛdɛ ɡɛ aa su o siwi.

Felepae 3:12

N ta ŋɔe ŋɔ n denɔ won do kaih dɛ ɛ nɛndɛɛɡe dɛ ka tonɛ. Akai! N ta swɛɛ siwi dɛɛ nyin ń won do ɡɛ bwa Yeesu Kristo aa lee mɛ ŋɔ ń do la.

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.

1 Pita 4:2

Le fini dɛɛ kaa, hé kpɔ Korowii tetoora dɛɛ tɔ sie he soɡa bini harɛ bonɔ. He bɛ kwaa nɛwɛnyina aa dɛ pɛlɛ a ta la nɛɛ dɛɛ teŋɛ kpa.