Tɔn Pɔɔl Aa Chwerɛ Rom Tena 6:9 - mzwDBL

⁹ Ya jemɔ kɛŋɔ Yeesu Kristo ir seo ta waa wola sewɛ kpa bwa, seo ta kpeɡri dɔe o nɛɛ kpa.

Tɔn Pɔɔl Aa Chwerɛ Rom Tena 6:9 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 5:14

Kɛ le Adam bere saŋ la ba le Mosis bere saŋ la, dɛ seo chɔ le tɛ nomɛlbwa. Hale nɛra ba fa aa wola Korowii nyoa vɛɛh kɛ Adam la bwaa fa dɛ serewe. Adam chaaree naate ba fa aa ŋɔa o dɛ ba bala la. Onee Yeesu Kristo.

Tɔn Pɔɔl Aa Chwerɛ Rom Tena 6:10

O seo waa sewa la, kerabeŋkpoŋii o sewɛ dɛ pɔ kpeɡri wechɔɡa aa dɔa la nɛ. Taraken soɡa waa soɡa nɔ, o soɡoo tɛ Korowii.

Tɔn Pɔɔl Aa Chwerɛ Rom Tena 6:14

Wechɔɡa aa kpeɡri dɔe ba he nɛ, dɛkalkɛŋɔ Korowii suna waa dɛ sune nɛra nɛɛ la lɔɡaa he do. He toole Mmara lɔɡa kpa.

Tɔn Pɔɔl Aa Chwerɛ Rom Tena 6:4

Baa sɔ yaa Korowii nee la nomanta, a kaa ɛ kɛŋɔ ya ne Yeesu Kristoo ba pɛ huɡe. Ya ne waa pɛa sewɛ la nomanta, ɡɛ Korowii aa cheɡɛ o kpeɡri a dɔŋ aa wola toole la ta dɛ iru seo ta la, ɡɛɛ wɛɛ ba ya ɡe chae ya kwaa so sofale waa wera, dɛ́ charɛ dofale waa wera.

Hibru 7:16

Nɛwɛnyini sɔfore dii mmara ta laa a che o ɛ Sɔfo. O mkpa aa wola jaɡa dɔe la kpeɡri taa a che o ɛ Sɔfo.

Hibru 7:25

Nomɛlbwa waa cheɡɛ Yeesu nɛɛ dɛ tuuh dɛɛ tel Korowii la, Yeesu ɛɛ lɛo waa wola nyoɡre kpa bwa. O lole saŋ bɛlbwa dɛ soŋe Korowii dɛɛ tɛ nɛwɛnyina.

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.