Tɔn Pɔɔl Aa Chwerɛ Rom Tena 6:6 - mzwDBL

⁶ Ya jemɔ kɛŋɔ ya dobene la ne Yeesuu ba pɛ saɡɛ o daɡaɡre ta. Ya dobene la ne o wechɔɡa bwaa ba kpo, ásɛ o bɛ won di kpeɡri ya nɛɛ kpa, ásɛ wechɔɡa bɛ won yawɛ yaa yoma kpa.

Tɔn Pɔɔl Aa Chwerɛ Rom Tena 6:6 ပူးပေါင်းရင်းမြစ်များ

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

Ɛfesos 4:22

Taraken hé ɡel he dabene la ne waa he fa aa dɛ teŋɛ a ta la. He pɛlchɔɡaa neɡre he bwa dɛɛ chɔɡ he da la. Hé ɡel webena la bwa,

Galaasia 5:24

Nɛra baa ɛ Yeesu Kristo nɛra la, ba kpaa ba nɛwɛnyini mar wechɔɡa aa suu nɔ wenyina ne ba liichɔɡa bwa pɛl Yeesu daɡaɡre la ta dɛ kpoa.

Galaasia 6:14

N te aa n te maŋkura wobɛlbwa ta, ya Dɔɔ Yeesu Kristo daɡaɡre ta sewa la waa taa n te ɛɛ jaaɡi. O seo la ɡelɔ harɛ ta bonɔ waa berɛ wepɛɛ n be, a ta kpeɡri dɔe n nɛɛ kpa.

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

Tɔn Pɔɔl Aa Chwerɛ Rom Tena 8:13

dɛkalkɛŋɔ dɛ nɛn teŋɛ nɛwɛnyini mar wechɔɡa aa suu nɔ pɛla waa ta naa, waa mkpa dɔe ba. Kɛ dɛ nɛn cheɡɛ Korowii Domadɛɛɡe la nɛɛ dɛ vɛh o bwadabii pɛla wobɛlbwa naa, wɛɛ dɔ mkpaa.

Tɔn Pɔɔl Aa Chwerɛ Rom Tena 6:22

Kɛ taraken nɔ, Korowii le heyaa wechɔɡa ta. On dɔ heya. He tɔnɔ haa dɔa laanee kɛŋɔ he soɡa bini aa toɡra Korowii be. A taa aa ba cheɡa ásɛ he dɔ mkpa aa wola jaɡa dɔe.

Tɔn Pɔɔl Aa Chwerɛ Rom Tena 6:12

A ta chɛ kɛŋɔ hé ɡel wechɔɡa ɛɛ di kpeɡri he nɛ, ásɛ hɛɛ ɛ he bwadabii waa wola lee do saŋ bɛlbwa nɔ tetoowa.

Aesaya 26:13

Korowii yaa dɛ tomɛ, nɛra banee fa dɛ nyiŋi ya nɛ, kɛ he ɡboo ya kpɔ jirima dɛɛ tɛ.

2 Koranar 5:17

Ate, Naaman ŋɔ, “Dɛ haa komɛlbwaa lɛ tenaa, amɔ tɛ men he bonɔɔ ŋwɛnɛ n ɛ bonɔ teera keeɡore anɛ aa dɛ ba wona che kaa dem. Maa kwaa kpoo fuh ɛ saraha tɛ voɡ bɛlbwa kpa atane Korowii ɡbo.

Tɔn Pɔɔl Aa Chwerɛ Rom Tena 7:14

Ya jemɔ kɛŋɔ Korowii Domadɛɛɡe bee Mmara la le dɛ do wer. Kɛ n te, nɛwɛnyinii men, anomanta, wechɔɡa yaɡ mɛ.

2 Kɔrent 5:14

Yeesu Kristo nyina waa dɛ nyin yaa laanee dɛɛ do yaa ya we-ɛɛla bwa ta. Gɛ yaa naa laanee kɛŋɔ dɛ nɛmbeŋkpoŋ lɛ nɛra bwa seo sewaa, a kaa chaa kɛ nɛra la bwa sewɔ.

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.