Tɔn Pɔɔl Aa Chwerɛ Rom Tena 6:21 - mzwDBL

²¹ Dɛ wechɔɡa ɡboo hɛɛ ɛ. Taraken nɔ, a waa dɛ ɛ heyaa sihiih. A ɡɛ waa nɔ, dɛ tɔnɔ besoo a dɔ tɛ heya ɔ? Waa aa lɔ ɡɛ wechɔɡa nɔ habɔɔ laanee seo.

Tɔn Pɔɔl Aa Chwerɛ Rom Tena 6:21 ပူးပေါင်းရင်းမြစ်များ

1 Koranar 2:26

Kooro Solomɔn ŋɔ Sɔfo Abiata be ŋɔ, “Berɛ kaa he bwɛ, Anatɔt harɛ ta. He chɛ kpoe, kɛ maa hen kpo taraken, dɛkalkɛŋɔ ɡɛ saŋ n mɛɛ Devid aa ɛ kooro la, dɛ henee dɛɛ che Nemenɛ Korowii Ne Nɛwɛnyina Fɔo Daka la, dɛ berɛ na wahala n mɛɛ aa naa la ane.”

Ɛsra 9:6

dɛ soŋo ŋɔ, “N Naa Korowii maa dɛ tomɛ, sihiih dɛ kpo mɛ n di ncho ɡe kohona, kɛ maa ɡɔɔ nyu dɛɛ nyiŋi he siwi ta nɔ, dɛkalkɛ ya wechɔɡa ɡwaa ya nɛ, hale dɛɛ tel he be nyundua.

Job Tɔn 33:27

Asɛ bɛlbwa ba che nɛra baah ta dɛ ŋɔ, ‘N ɛ wechɔɡa, dɛ le waa aa toɡra ta, Korowii ta ɡelɛ n dɔ deŋnetɛra aa chɛ mɛ.

Job Tɔn 40:4

“N Naa Korowii, menee ume, ń ŋɔ mɛɛ chaŋee yɔ? Maa wobɛlbwaa bol.

Job Tɔn 42:6

Anomanta, sihiih kpo mɛ n charɛ n liire dɛ so bomboɡ ne tɔɔ ta, á baɡle kɛŋɔ n bambile chɔɡɔ.”

Yela 73:17

nemenɛ maa jo hen Korowii Dea mɔɔ, dɛ jemɛ waa aa pu nyubinikpeɡ tena la.

Sɛɡla 1:31

Anomanta, hɛɛ dɔ ɡɛ haa dɛ nyinii, ásɛ he ɡbaɡba we-ɛɛla ɡure he nyu ta.

Sɛɡla 14:12

Nɛwɛnyini dɛ lii kɛŋɔ o soɡa waa soɡa la ken wer, kɛ dɛ aa were, o ka tona la ɛ seo.

Sɛɡla 16:25

Nɛwɛnyini dɛ lii kɛŋɔ o soɡa waa soɡa la ken wer, kɛ dɛ aa were, o ka tona la ɛ seo.

Aesaya 3:10

Gel nɛra ba wa aa toɡra no kɛŋɔ aa do werii tɛɛ ba. Baa di ba we-ɛɛla tɔnɔɔ.

Jeremia 12:13

N nɛra ɛɛ du meaa, kɛ sɔɔhnee baa ba koma, dɛ́ koh pɛɛpɛɛ baa wola komɛlbwaa dɔ. N bandia kohona nomanta, ba koo kondikwaa bwa chɔɡɔ sihiih kpo ba.”

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Jeremia 3:3

A waa bwaala teŋe, dɛ ɡel nɛɛ. Kɛ he nya sihiih jwamane ta, haa sɛh ŋɔ sihiih kpo heya.

Jeremia 31:19

Ya berɛ habɔɔ kpoe, kɛ a ta biɡre ya dɔ liire, dɛ berɛ ba he be. Kɛ a habɔɔ haa tɛr ya deŋne la, ya baŋa ɡolo sihiih kpo yaa. Sihiih kpo yaa kohona, dɛkalkɛ ya bechale saŋ bwaa ya le ɛ wechɔɡa.’ ”

Jeremia 8:12

Amɔ sihiih kpo ba ba wedoŋa baa ɛa nɔ ta kenɛ? Akai, sihiih ta ban kpoe, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.

Ɛsekeɛl 43:11

dɛ sihiih kpo ba ba wechɔɡa baa ɛa la wa aa, baɡ ba ɡɛ n Dea la mar aa doa. Gɛ o bini mar ne o doonyoo baa cheɡɛ a ta jo dɛɛ le, dɛ́ baɡ ba o waa bwa. Chwerɛ waa nɔ bwa bil ba, ásɛ ba won na ɡɛ Dea la wobɛlbwa aa doa, ásɛ ba jemɛ dɛ́ won dɛɛ teŋɛ mmarare la bwa ta.

Daneɛl 12:2

Nɛra ɡalɡa baa serewa ɛɛ berɔ ir, ásɛ bane kaa mkpa aa wola jaɡa dɔe bwa ta, bane ɡe kaa weweele aa wola jaɡa dɔe bwa ne sihiih ta.

Tɔn Pɔɔl Aa Chwerɛ Rom Tena 1:32

Ba jemɔ kɛŋɔ Korowii ŋɔ nɛra baa dɛ ɛ ken la, ba chɛ kpoe, kɛ dɛ ɡe ta na dɛɛ ɛa, dɛ ɡarɛ dɛɛ kpɛɛ nɛra baa dɛ ɛa la.

Tɔn Pɔɔl Aa Chwerɛ Rom Tena 5:12

Nɛmbeŋkpoŋ nɛɛ a che wechɔɡa ba harɛ nɔ ta, asɛ a che o wechɔɡa ta seo ba harɛ ta. A waa seo bu nɛwɛnyini bwa la, dɛkalkɛŋɔ nɛwɛnyini bwa ɛ wechɔɡa.

Tɔn Pɔɔl Aa Chwerɛ Rom Tena 6:16

Kɛ he jemɔ kɛŋɔ dɛ he kpɔ he te do nomɛl nɔn ta ŋɔ on dɔ heya aa, dɛ on dɔ heyaa kenɛ? He kpɔ he te tɛ wechɔɡa aa, hɛɛ dɛɛ ɛ wechɔɡaa ásɛ dɛ sewɛ. He kpɔ he te tɛ Korowii dɛɛ no o be naa, wɛɛ lɛ heyaa kɛ nɛndɛɛɡa, ásɛ he waa su o siwi.

Tɔn Pɔɔl Aa Chwerɛ Rom Tena 6:23

Wechɔɡa dɔ a kembɔr. A kembɔree seo. Asɛ kon Korowii ɡe aa dɛ tɛ laanee mkpa aa wola jaɡa dɔe bwa. Ya Dɔɔ Yeesu Kristo nɛɛ o che dɛɛ tɛ a ɡɛ mkpa nɔ.

Tɔn Pɔɔl Aa Chwerɛ Rom Tena 7:5

Saŋ la yaa lɔ wechɔɡa ya nɛwɛnyini mar nɔ wechɔɡa aa suu nɔ aa dɛ nyin la ta dɛɛ ɛ la, dɛ Mmara la dɛ ir ya bambile wechɔɡa ɛɛ ta, asɛ wobɛlbwa yaa dɛ ɛ la, aa kaa ya ne seo ta.

Tɔn Pɔɔl Aa Chwerɛ Rom Tena 8:13

dɛkalkɛŋɔ dɛ nɛn teŋɛ nɛwɛnyini mar wechɔɡa aa suu nɔ pɛla waa ta naa, waa mkpa dɔe ba. Kɛ dɛ nɛn cheɡɛ Korowii Domadɛɛɡe la nɛɛ dɛ vɛh o bwadabii pɛla wobɛlbwa naa, wɛɛ dɔ mkpaa.

Tɔn Pɔɔl Aa Chwerɛ Rom Tena 8:6

He kpɔ liire do nɛwɛnyini mar nɔ liichɔɡa waa ta naa, he ne sewee. Kɛ he kpɔ liire do Korowii Domadɛɛɡe tetoowaa ta naa, he dɔ mkpa dɛ dɔ deŋnesɔɔhna.

2 Kɔrent 4:2

Ya ɡel waa baa ɛa dɛɛ sɔh ne sihihwaa bɛlbwa. Yaa nɛra neɡre, yaa Korowii waa yaa dɛ baɡle la sie berɛ. Kasinteŋ ɡboo yaa di Korowii sie. A taa ya che dɛ ɡel nɛra ɛɛ jemɛ ya da.

2 Kɔrent 7:11

Tebinichɔɡ Korowii aa dɛ nyin he dɔ laanee he dɔ la. Hé na waa aa lea tɛ heya. Hé na ɡɛ haa dɛ takapɔ, asɛ he siwi swɛɛ hɛɛ nyin he baɡle kɛ he ta wechɔɡa ɛɛ. Hé na ɡɛ he bwaawee aa ir wechɔɡa ta, hé na ɡɛ haa dɛ ɔmɛ. A ɡelɔ he pɛla lawɛ yaa, asɛ he siwi swɛɛ waa aa toɡra ta. A ɡelɔ he siwi swɛɛ nɛra baa wola wedɛɛɡa ɛɛ nɛɛ he tɛr ba deŋne. He wono baɡle kɛ he ta wechɔɡa bɛlbwa ɛɛ waa la ta.

Mmarare 17:6

A chɛ kɛŋɔ nɛra banɛ kɛɛ batoro di danseɛ mɔɔ bá kpo a ɡɛ nɛn la. Dɛ nɛn beŋkpoŋ ɡbo di danseɛ aa, he bɛ on kpo.

Mmarare 21:22

Anee Mosis berɛ ŋɔ, “Dɛ nomɛl ɛ wechɔɡa a chɛ kɛŋɔ bá kpoo, asɛ ba kpoo dɛ kpɔɔ ka saɡɛ daa ta naa,

Felepae 3:19

Ŋwɛnɛ ɡɛ nɛra nɔ aa kpɔ o ta la dɛ kaa ba ne seo ta. Ba kpɔ tea ne bwadabii waa ɡwaa Korowii. Waa aa ɛ sihihwaa la, a nee baa ta nyoa. Ba liire bwa lɔ harɛ nɔ ta kwaa ta.

Hibru 10:29

Aah dɛ ɛrɛɛ a chɛ kɛ ba ɛ nɛn waa nyiŋi Korowii Bie la dɛɛ vaɔh? Dɛ nɛn nyiŋi fɔo la Korowii aa cheɡɛ o Bie seo ta dɛ fɔwɛ la, dɛ fee o wechɔɡa o nɛɛ la pɛɛ aa, kembɔr besoo chɛ kɛ bá tɛo wɔ? A ɡɛ nɛn la ɛ Korowii Domadɛɛɡe la waa sune o nɛɛ la nɛnhɛla. Korowii ŋɔ ó bɔɔ kem aa, o wenaale aa kanee do aa?

Hibru 6:8

Kɛ dɛ harɛ bɛlbwa le kpɔɡa ne sɔɔhne aa, o ta tɔnɔ dɔe. O cheɡɛ Korowii taahna nyoa. Baa fuuh.

Jems 1:15

Pɛla waa wola were la dɛ́ lolɛ wechɔɡa, ásɛ wechɔɡa ɡe baa waraa, a yon lolɛ seo.

Jems 5:20

Hé jemɛ kɛŋɔ nomɛlbwa waa wona cha wechɔɡ-ɛɛ asɛ o ɡel wechɔɡa ɛɛ dɛ berɛ baa ɛ wedɛɛɡa ja la, dɛ naate lɛ wechɔɡ-ɛɛ la mkpa, dɛ ɡel o wechɔɡa damanta bwa waa ɛa la, Korowii kpɔ kɛo.

1 Pita 4:17

Tɔpere telo kɛŋɔ Korowii bol nɛwɛnyina waa dɛ́ pa bole. Korowii nɛra nɛɛ wɛɛ ba mun pae. Waa dɛ ba ya kwaraa kpɔe pa mun nɔ, dɛ ɛrɛɛ nɛra baa wola Amanesoma la yaradae waa ɛɛ ba doe yɔ?

1 Jɔn 2:28

N bidɛɛɡa, hé ɡel he ne Yeesu Kristo pɛ, ásɛ o baa forɛ le awola aa, ya bɛ ɔmɛ, ásɛ sihiih bɛ yaa kpo o sie awola waa ba la.

Wepila 16:6

dɛkalkɛŋɔ ba fa ɡelɔ he nɛra ne he keamere chal fuɡe. Anomanta, he tɛɛ ba chal ba nyɔ. Gɛɛ ba chɛ.”

Wepila 20:14

Belaa ba kpɔ seo ne Lalabwɛɛ bwa ta nidamanta aa yɛɛra chɔ kɛŋɔ moo la ta. Gɛ nii nɔɔ seo nɛɛte la.