Tɔn Pɔɔl Aa Chwerɛ Rom Tena 6:19 - mzwDBL

¹⁹ He waa mun noe jaŋne, a waa n kpɔ waa haa dɛ noa tɔpere bɛlbwa dɛɛ baɡle heyaa waa la. Gɛ he fa aa teŋa dɛ kpɔ he te do wedoŋa ta wubwa dɛɛ ɛ wechɔɡa la, ɡɛɛ a chɛ kɛŋɔ hé berɛ kpɔ he te do wedɛɛɡa ta, ásɛ he waa do ɡoroŋ.

Tɔn Pɔɔl Aa Chwerɛ Rom Tena 6:19 ပူးပေါင်းရင်းမြစ်များ

Lewi Dea Tena 13:40

Dɛ baa nyu ɡbao o nyumpona bwa tonɛ kwaraa naa, doŋa bɛlbwa toole o nɛ.

Matiu 4:23

Yeesu ɡaaɡe Galilia harɛ ta bobɛlbwa, dɛ jo cheremi deene bini, dɛɛ chaɡle nɛra Korowii Kora la Amanesoma wa, dɛɛ chah nɛra baa dɛ we weela bwa soo siwi.

Tɔn Pɔɔl Aa Chwerɛ Rom Tena 15:1

Ya nɛra ya yarada aa kana la, a chɛ kɛ yaa lawɛ bambile banɔ la ba yarada aa wola kanɛ la nɛɛ dɛɛ cha ba. A ta chɛɛ kɛ yaa ɛ ya ɡbo tetoowa.

Tɔn Pɔɔl Aa Chwerɛ Rom Tena 3:5

Nɛwɛnyini te ɛɛ ŋɔɔ, “Dɛ a cheɡɛ ya wechɔɡa ta asɛ nɛra na kɛŋɔ Korowii ɛ nɛndɛɛɡe aa, amɔ ya ta wedɛɛɡa ɛɛ kɛɛ? Dɛ Korowii tɛr ya deŋne aa, dɛ o waa toɡraa?” Nɛwɛnyini liiree nɔ!

Tɔn Pɔɔl Aa Chwerɛ Rom Tena 6:13

He bɛ he bwadabii bobɛlbwa kpɔ dɛɛ ɛ wechɔɡa. A chɛ kɛŋɔ hé kpɔ he te tɛ Korowii kɛŋɔ nɛra baa sewa dɛ ir, dɛ charɛ ba soɡa ne ba dor. Hé kpɔ he bwadabii bobɛlbwa tɛ Korowii, dɛ kpɔa dɛɛ ɛ waa aa toɡra.

Tɔn Pɔɔl Aa Chwerɛ Rom Tena 7:23

kɛ n bwadabii ɡe berɔ do dor bɛl. O dɛ vuuɡi n bambile. N bwadabii aa Korowii Mmara la aa lɔ n bambile bini la ta teŋa nyin. Liichɔɡaa ɡela n bwadabii aa wola Korowii Mmara la ta teŋa nyin nɔ. A ɡɛ liire nɔ yaɡ mɛ yom.

Tɔn Pɔɔl Aa Chwerɛ Rom Tena 8:26

Gɛ ya hwɛɡa yaa dɔa la aa lawɛ yaa ya wahala bwa bini la, ɡɛɛ Korowii Domadɛɛɡe ɡee cha yaa, dɛkalkɛŋɔ ya yarada aa kanɛ. Yaa jemɛ ɡɛ aa chɛ kɛ yaa soŋe Korowii kwara. Korowii Domadɛɛɡe soŋɔ dɛɛ tɛ yaa sum ne, nɛn aa wola won baɡle kwara.

1 Kɔrent 5:6

Aa were kɛŋɔ hɛɛ maŋkura he te. Haa jemɛ kɛŋɔ iisi tama wono ɡel men damanta ɛɛ uɡe aa?

1 Kɔrent 6:11

He bini bane fa kpoŋe ɡɛ da nɔ. Kɛ taraken Korowii koh ya Dɔɔ Yeesu Kristo ne Korowii Domadɛɛɡe la toma la waa dɛ sɔ he wechɔɡa bwa ta, dɛ ɡel he ɛ nɛndɛɛɡa he waa su o siwi.

1 Kɔrent 9:8

Nɛwɛnyini waa ɡbo laa dɛɛ baɡle ɡɛ. Mosis Mmara ɡba baɡle ɡɛ.

Galaasia 3:15

Yabala, hé ɡel n kpɔ harɛ bonɔ waane maɡɛ waa nɔ maa dɛ bol nɔ. Dɛ nɛra banɛ fɔwɛ fɔo o do kpeɡri aa, nɛmpɛɛ aa won puru ba habɔɔ, nomɛlbwa ɡe aa berɛ won berɔ ba habɔɔ.

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

Hibru 4:15

Ya Sɔfonomonjen yaa dɔa la ta nɛn waa wola ya nɛɛ sune ya ɡwɛɡra nɔ ta ɛɛ. Daahna bɛlbwa soo siwi toole Bɔnsam aa wola on daahnɛ kɛŋɔ waa dɛ daah yaa nɔ. Kɛ o cheɡɔ kiŋkiŋ, o ta wechɔɡa ɛɛ.