Tɔn Pɔɔl Aa Chwerɛ Rom Tena 6:16 - mzwDBL

¹⁶ Kɛ he jemɔ kɛŋɔ dɛ he kpɔ he te do nomɛl nɔn ta ŋɔ on dɔ heya aa, dɛ on dɔ heyaa kenɛ? He kpɔ he te tɛ wechɔɡa aa, hɛɛ dɛɛ ɛ wechɔɡaa ásɛ dɛ sewɛ. He kpɔ he te tɛ Korowii dɛɛ no o be naa, wɛɛ lɛ heyaa kɛ nɛndɛɛɡa, ásɛ he waa su o siwi.

Tɔn Pɔɔl Aa Chwerɛ Rom Tena 6:16 ပူးပေါင်းရင်းမြစ်များ

Mumpar 4:7

Wedɛɛɡaa he ɛa, he sie ɛɛ lɛo. Kɛ haa ɛ anɔ la aa wola were la nomanta, wechɔɡa dɛ yoi. Kɛ a chɛ kɛŋɔ hé won le a ta.”

Matiu 20:4

Anee o ŋɔ ba be ŋɔ, ‘Hé ɡe kaa n koo la ta ka ɛ toma, ásɛ n tɛ heyaa kembɔr aa chɛ heya.’

Matiu 6:24

Anee Yeesu berɛ ŋɔ, “Nomɛlbwa aa won tomɛ dɔɔranar banɛ. Dɛ a ba ɡɛ naa, wɛɛ dɛɛ nyin bɛl waa dɛ́ ɡwaa bɛl. A laa ɡe aa, o sie ɛɛ dɛɛ lɛ bɛl bee dɛ́ ɡwaa bɛl. Haa won tomɛ Korowii dɛ́ berɛ won nyin harɛ nɔ ta kondɔɔh a maɡre.

Amanesoma Jɔn Aa Chwera Tɔn 8:34

Belaa Yeesu ŋɔ, “Kasinteŋ, n dɛ ŋɔ he be, nomɛlbwa waa dɛ ɛ wechɔɡa la ɛ yom. Wechɔɡa yawɔ yom.

Tɔn Pɔɔl Aa Chwerɛ Rom Tena 11:2

Korowii ta nɛra o fa aa lee ba cheɡ wubwa ba ɛ o nɛra la vɛɛh. Kɛ he jemɛ ɡɛ Korowii Tɔn aa bol Korowii keame Elaeja waa ŋɔ o chɔɡ Israel tena tɛ Korowii laɔ?

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

Tɔn Pɔɔl Aa Chwerɛ Rom Tena 6:17

Korowii jam! Wechɔɡa fa aa yawɛ heyaa yom, asɛ taraken nɔ he no o waa baa chaɡle heyaa dɛ kpɔ he te tɛo he bambile bwa ne nɔ,

1 Kɔrent 3:16

Haa jemɛ kɛŋɔ he cheɡɔ tɛ Korowii Dea asɛ o Domadɛɛɡe la so he bini kɛɛ?

1 Kɔrent 5:6

Aa were kɛŋɔ hɛɛ maŋkura he te. Haa jemɛ kɛŋɔ iisi tama wono ɡel men damanta ɛɛ uɡe aa?

1 Kɔrent 6:2

Haa jemɛ kɛŋɔ kerekere Korowii nɛraa dɛɛ ba harɛ nɔ ta nɛra waa bola dɛ́ pa bole kɛɛ? Dɛ heyaa dɛ́ ba bol ba waa te naa, ɛrɛɛ haa wola won bol wejeɡre aa do ken nɔɔ?

1 Kɔrent 6:3

Haa jemɛ kɛŋɔ yan dɛ́ ba bol nyundua toroma waa dɛ́ pa bole kɛɛ? Harɛ nɔ ta nɛra waa yaa wola won bol aa?

1 Kɔrent 6:9

Haa jemɛ kɛŋɔ wechɔɡ-ɛɛra aa Korowii Kora la taa ja kɛɛ? He bɛ he nyu neɡre. Nɛra baa dɛ ɛ sɛnwa, ne voɡtoroma, ne nɛra baa dɛ bɔ jwamane, ne baala ba ne ba bandɔŋa aa dɛ chɔ haah ne baa,

1 Kɔrent 9:13

Haa jemɛ kɛŋɔ nɛra baa dɛ ɛ toma Korowii Dea la, a taa ba dɔ kwaa dɛɛ di, asɛ banɔ la ɡe baa dɛ kpoo kwaa baa kpɔa baa tɛ Korowii o Dea bini la, a taa ba ɡee di kɛɛ?

1 Kɔrent 9:24

Dɛ nɛra dɛ ba chwae dɛ lɛ komɛl aa, ba bwa dɛ chwa te, kɛ ba bini beŋkpoŋii dɛɛ dɔ kon la. Anomanta, hé chwa kɛrɛdɛ dɛ́ dɔ kon la.

Josua 24:15

Dɛ a ta maɡrɛ he be kɛŋɔ hé tomɛ Korowii aa, amɔ te hé le fini nyin kon haa tomɛ. Dɛ he naawa voɡare baa toma moo la baŋ le kɛɛ Amɔre tena haa soɡe ba harɛ ta taraken nɔ voɡaree yoo. N te ne n dem tena te, yaa tomɛ Korowiirii.”

2 Pita 2:19

Ba yon ŋɔ baa ɡeloo nɛra dɔ ba te, dɛ ba ɡbabir ɛ yoma. Ba wechɔɡa ɛɛ ba yoma, dɛkalkɛŋɔ wobɛlbwa aa wona lɛ nɛn liire la, a kpɔɔ berɛ yom.