Tɔn Pɔɔl Aa Chwerɛ Rom Tena 6:14 - mzwDBL

¹⁴ Wechɔɡa aa kpeɡri dɔe ba he nɛ, dɛkalkɛŋɔ Korowii suna waa dɛ sune nɛra nɛɛ la lɔɡaa he do. He toole Mmara lɔɡa kpa.

Tɔn Pɔɔl Aa Chwerɛ Rom Tena 6:14 ပူးပေါင်းရင်းမြစ်များ

Galaasia 5:18

Dɛ he kpɔ he te tɛ Korowii Domadɛɛɡe la wɛɛ baɡle heyaa ŋwɛnɛ te naa, Mosis Mmara la aa won di kpeɡri he nɛ.

Tɔn Pɔɔl Aa Chwerɛ Rom Tena 8:2

Maa dɛ ŋɔ nɔ, Korowii Domadɛɛɡe lɔɡa maa lole dɛ dɔ mkpa nɔ taa Yeesu Kristo che dɛ lɛɛ mɛ le wechɔɡa ne seo lɔɡa n fa aa lole la ta.

Hibru 8:10

Fɔo n ne Israel tena aa dɛ ba fɔwa kerekeree la. Mɛɛ kpɔ me Mmaraa do ba nyu bini, dɛ́ chwerɔ do ba bambile bini, ásɛ dɛ ɛ Korowii baa dɛɛ tom mɛ, ásɛ ba ɡe ɛ n nɛra.

Tɔn Pɔɔl Aa Chwerɛ Rom Tena 6:12

A ta chɛ kɛŋɔ hé ɡel wechɔɡa ɛɛ di kpeɡri he nɛ, ásɛ hɛɛ ɛ he bwadabii waa wola lee do saŋ bɛlbwa nɔ tetoowa.

Amanesoma Jɔn Aa Chwera Tɔn 8:36

Anomanta, dɛ men Korowii Bie la lɛ heyaa dɛ ɡel he dɔ he te naa, amɔ te dɛ he dɔ he te kɛrɛdɛ.

Amanesoma Jɔn Aa Chwera Tɔn 1:17

Mosis nɛɛ Korowii che dɛ ba Mmara la ne. Yeesu Kristo ɡe nɛɛ nɛn nɛɛ suna ne kasinteŋ bwa che dɛ ba harɛ ta.

Galaasia 3:23

Yeesu Kristo yaradae waa nɔ aa wola balɛ mɔɔ la, dɛ Mosis Mmara la vɔrɔwe yaa kɛŋɔ nɛra baa do ba dea ken. Yeesu Kristo yaradae waa nɔɔ bala mɔɔ ya ta dɔ ya te.

Tɔn Pɔɔl Aa Chwerɛ Rom Tena 8:12

Anomanta, yabala, waa dawɛ ya nɛ, ya di kem, kɛ ya nɛwɛnyini mar nɔ wechɔɡa aa suu nɔ kem laa ya di á ɛ kɛŋɔ yaa teŋɛ o nɛɛ,

Matiu 1:21

Wɛɛ lolɛ bibaalee, ásɛ he pa o sɔn Yeesu, o munii kɛŋɔ Lɛɛ, dɛkalkɛŋɔ on dɛɛ ba bala dɛ́ ba lɛ o nɛra ba wechɔɡa ta.”

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Galaasia 4:21

He banɔ la haa dɛ nyin kɛ hɛɛ teŋɛ Mosis Mmara la ta la, he ta noɛ ɡɛ Mosis Mmara la aa dɛ baɡle aa?

Tɔn Pɔɔl Aa Chwerɛ Rom Tena 11:6

Ba we-ɛɛla ta laa a che o lee ba. Ba sumii o na dɛ lee ba ba ɛ o nɛra. Dɛ ba we-ɛɛla taa a fe che o lee ba ba ɛ o nɛra aa, dɛ suna baa ŋɔa Korowii dɛ sune nɛwɛnyini nɛɛ dɛɛ cha ba la ta mun dɔe.

Tɔn Pɔɔl Aa Chwerɛ Rom Tena 4:16

Nyoa Korowii aa baɡa la, yarada taa a che. A chɛ kɛ á ɛ ɡɛ ásɛ kon Korowii aa baɡɛ nyoa la, o ɛ kon waa kpɔa tɛ pɛɛpɛɛ. O ɛ kon Korowii aa kpɔa tɛ Abraham naanar bwa pɛɛpɛɛ waa wola nsana lee ba. Nɛra baa dɛ teŋɛ Mosis Mmara la ta la, ba ɡbo laa Korowii baɡɛ ɡɛ nyoa la. Nomɛlbwa waa dɛ yarada Yeesu waa la kɛŋɔ Abraham aa yarada Korowii la, wɛɛ di nyobaɡa la tɔnɔɔ, dɛkalkɛŋɔ ya bwa mɛɛɛ Abraham.

Tɔn Pɔɔl Aa Chwerɛ Rom Tena 6:15

Yaa lɔ Korowii suna waa sune ya nɛɛ lɔɡa yaa wola toole Mmara lɔɡa nɔ, a chɛ kɛ yaa ɛ wechɔɡa kɛɛ? Akai!

Maeka 7:19

Hɛɛ berɔɔ dɔ tedoma ya nɛ, dɛ́ kpɔ naa tire ya wechɔɡa ta, dɛ́ kpɔa ka ta mpo vile ta.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Tɔn Pɔɔl Aa Chwerɛ Rom Tena 5:17

Nɛmbeŋkpoŋ wechɔɡa taa seo che dɛɛ di kora nɛwɛnyina bwa nɛ. Gɛɛ a che nɛmbeŋkpoŋ nɛɛ asɛ Korowii na nɛwɛnyina sum kohona kwaraa dɛ cha yaa ya won ɛ nɛndɛɛɡa ya waa su o siwi pɛɛpɛɛ dɛ di kora mkpa aa wola jaɡa dɔe la ta. Onee Yeesu Kristo.

Tɔn Pɔɔl Aa Chwerɛ Rom Tena 5:18

Gɛ Adam wechɔɡe beŋkpoŋ aa lɛ chɔɡre tɛ nɛwɛnyina bwa la, ɡɛɛ Yeesu Kristo wedɛɛɡe beŋkpoŋ waa ɛa ɡel Korowii lɛ yaa kɛŋɔ nɛndɛɛɡa ya waa su o siwi, asɛ nɛwɛnyina bwa won dɔ mkpa aa wola jaɡa dɔe bwa.

Lewi Dea Tena 25:41

Gɛ saŋ nɔɔ naate ne o bii ɛɛ ba ba lolanar be kaala, dɛ́ ka so ba kondɔɔh ta.