Tɔn Pɔɔl Aa Chwerɛ Rom Tena 6:12 - mzwDBL

¹² A ta chɛ kɛŋɔ hé ɡel wechɔɡa ɛɛ di kpeɡri he nɛ, ásɛ hɛɛ ɛ he bwadabii waa wola lee do saŋ bɛlbwa nɔ tetoowa.

Tɔn Pɔɔl Aa Chwerɛ Rom Tena 6:12 ပူးပေါင်းရင်းမြစ်များ

Galaasia 5:16

Waa maa dɛ nyin n bol laanee kɛŋɔ hé kpɔ he te tɛ Korowii Domadɛɛɡe la, ásɛ wɛɛ baɡle heyaa ŋwɛnɛ. Dɛ o dɛ baɡle heyaa ŋwɛnɛ aa, haa wechɔɡa he nɛwɛnyini mar aa dɛ nyin la ɛɛ ba,

Tɔn Pɔɔl Aa Chwerɛ Rom Tena 6:16

Kɛ he jemɔ kɛŋɔ dɛ he kpɔ he te do nomɛl nɔn ta ŋɔ on dɔ heya aa, dɛ on dɔ heyaa kenɛ? He kpɔ he te tɛ wechɔɡa aa, hɛɛ dɛɛ ɛ wechɔɡaa ásɛ dɛ sewɛ. He kpɔ he te tɛ Korowii dɛɛ no o be naa, wɛɛ lɛ heyaa kɛ nɛndɛɛɡa, ásɛ he waa su o siwi.

Tɔn Pɔɔl Aa Chwerɛ Rom Tena 8:13

dɛkalkɛŋɔ dɛ nɛn teŋɛ nɛwɛnyini mar wechɔɡa aa suu nɔ pɛla waa ta naa, waa mkpa dɔe ba. Kɛ dɛ nɛn cheɡɛ Korowii Domadɛɛɡe la nɛɛ dɛ vɛh o bwadabii pɛla wobɛlbwa naa, wɛɛ dɔ mkpaa.

Galaasia 5:24

Nɛra baa ɛ Yeesu Kristo nɛra la, ba kpaa ba nɛwɛnyini mar wechɔɡa aa suu nɔ wenyina ne ba liichɔɡa bwa pɛl Yeesu daɡaɡre la ta dɛ kpoa.

Yela 19:13

Lɛɛ mɛ le wechɔɡa maa saahna ɛ ta, bɛ ɡel a lɛ n liire. Anee dɛ́ ɡel n waa do wer, ásɛ n dɔ n te le wechɔɡa ɛɛ ta.

2 Kɔrent 4:11

Yaa soɡe le nɔ, Yeesu nomanta, saŋ bɛlbwaa ya so seo nyoa, ásɛ nɛra na o mkpa ya bwadabii waa won sewa nɔ aa dɔa.

2 Timoti 2:22

Laa he te kpɔ wedoŋa bonɔɔna aa dɛ pɛlɛ a ta la ta, ásɛ he ne nɛra baa dɛ soŋe Korowii tepoŋ ne la siwi swɛɛ wedɛɛɡa ɛɛ aa dɛ su Korowii siwi, ne Korowii yaradae, ne nɛnnyin, dɛ waa aa dɛ ba deŋnesɔɔhna ne la ta.

Ɛfesos 4:22

Taraken hé ɡel he dabene la ne waa he fa aa dɛ teŋɛ a ta la. He pɛlchɔɡaa neɡre he bwa dɛɛ chɔɡ he da la. Hé ɡel webena la bwa,

Tɔn Pɔɔl Aa Chwerɛ Rom Tena 2:8

Nɛra baa dɛ ɛ ba tetoowa, baa wola Korowii waa aa ɛ kasinteŋ ta teŋɛ, dɛɛ ɛ wechɔɡa la, Korowii bwaawee ɛɛ ir ba nɛɛ taeh.

1 Pita 2:11

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.

Taetos 2:12

Anomanta, ɡɛ dɛ baɡle kɛŋɔ a wer kɛ ya laa sie kpɔ wechɔɡa bɛlbwa ne harɛ nɔ ta pɛlchɔɡa la bwa ta, dɛ́ dɔ nfɛrɛ, dɛɛ ɛ waa aa toɡra, dɛɛ ɔmɛ Korowii ya bere nɔ ta,

Ɛfesos 2:3

Gɛɛ ya bwa faa ɛ, dɛɛ ɛ waa ya nɛwɛnyini mar wechɔɡa aa suu nɔ aa dɛ nyin, asɛ dɛɛ teŋɛ ya bwadabii pɛla ne ya liichɔɡa ta. Ya ne nɛra baa dɔ harɛ nɔ ta liire bwa nɛɛ Korowii baah faa di.

Yela 119:133

Bɛ ɡel n lɔ na, ɡɛ haa baɡɛ nyoa la, dɛ bɛ ɡel wechɔɡa ɡwaa n nɛ.

Nɛra Kura 33:55

Dɛ he ta bela tena la doŋe le aa, banɔ la haa ɡel ba ba so la ɛɛ ɛo kɛŋɔ daa waa dɛ ba he siwi tɔɡa, kɛɛ sɔɔh waa tɔɡɛ he kuɡri la ken. Baa tɛ heyaa waa, harɛ haa dɛ ba o ta soɡa la ta.

Tɔn Jud Aa Chwera 1:18

Ba ŋɔ he be ŋɔ, “Tɔpera aa ka mun la ta la, nɛra ɛɛ leo dɛɛ mamɛ heya. A ɡɛ nɛra nɔ aa Korowii ɔmɛ. Wedoŋa ba sie aa dɛ lɛ a taa baa ɛ.”

1 Pita 1:14

Haa ɛ Korowii bii dɛɛ no o deŋna waa nomanta, he bɛ he pɛlchɔɡa waa he fa aa lɔ biro ta dɛɛ teŋɛ a ta la dɛɛ ɛ.

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.

1 Tesalonika 4:5

He bɛ siyala ne sibeɡra ŋwɛnɛ ta kpɔ kɛ nɛra baa wola Juu tena ɛɛ baa wola Korowii tomɛ la.

Tɔn Pɔɔl Aa Chwerɛ Rom Tena 13:14

Hé kpɔ ya Dɔɔ Yeesu Kristo waa ɛ dɔmkwa, dɛ́ laa sie kpɔ he nɛwɛnyini mar wechɔɡa aa suu nɔ tetoowaa ta.

Tɔn Pɔɔl Aa Chwerɛ Rom Tena 8:11

Korowii waa ir Yeesu Kristo seo ta la, dɛ o Domadɛɛɡe lɔ he nɛ aa, ɡɛ Korowii aa iru seo ta la, wɛɛ che o Domadɛɛɡe la taa, dɛ́ tɛ he bwadabii aa dɛ ba pɔeh kerekere nɔ mkpa.

Tɔn Pɔɔl Aa Chwerɛ Rom Tena 6:14

Wechɔɡa aa kpeɡri dɔe ba he nɛ, dɛkalkɛŋɔ Korowii suna waa dɛ sune nɛra nɛɛ la lɔɡaa he do. He toole Mmara lɔɡa kpa.

Tɔn Pɔɔl Aa Chwerɛ Rom Tena 5:21

Gɛ wechɔɡa aa cheɡɛ seo nɛɛ dɛɛ di kpeɡri la, ɡɛɛ Korowii suna waa dɛ sune nɛwɛnyina nɛɛ la ɡe che ɡɛ Korowii aa ɛ yaa nɛndɛɛɡa ya waa su o siwi la ta dɛɛ di kpeɡri, asɛ ya won dɔ Korowii mkpa aa wola jaɡa dɔe bwa la, dɛkalkɛŋɔ ya Dɔɔ Yeesu Kristo ɡelɔ nɛra ɛ nɛndɛɛɡa ba waa su Korowii siwi.

Sitɔɔla 2:3

Anomanta, n dɛ bol he be kɛŋɔ maa ban doŋi tɛ heya. Mɛɛ ɡeloo ba berɛ sɔɔhne dɛɛ tɔɡre heya, ásɛ ba voɡa ɡe berɛ do kɛŋɔ baa harɛ heyaa bela.”

Mmarare 7:2

Dɛ Korowii laa nɔn kpɔ ba nɛɛ dɛ ɡel he pɔ ba nɛ aa, a chɛ kɛŋɔ hé kpoo ba kwaraa. Hé ne ba bɛ fɔo fɔwɛ, he bɛ ba sum ɡe na.

Tɔn Jud Aa Chwera 1:16

Gɛ nɛra nɔ, saŋ bɛlbwaa baa naɡre wa, wa aa ba siwi su. Wedoŋa ba sie aa dɛ lɛ a ta laanee baa ɛ. Ba dɛ ta nyoa. Kwaane dɔe dɛ le nɛra be waa baa bol nɛra wedɛɛɡe.

2 Kɔrent 5:4

Ya taa lɔ ya bwadabii aa do kɛ patare ta nɔ, ya bwara dɛ nyɛɡ, yaa hime. Ya bwadabii nɔ kpɔe dɛ le ya nɛɛ waa laa dena swɛɛ ya siwi. Ya Korowii doa bwadabii la doe waa swɛɛ ya siwi kohona, ásɛ o chiɡ bwadabii waa won sewa nɔ naa ta ya dɔ mkpa.

Mumpar 4:7

Wedɛɛɡaa he ɛa, he sie ɛɛ lɛo. Kɛ haa ɛ anɔ la aa wola were la nomanta, wechɔɡa dɛ yoi. Kɛ a chɛ kɛŋɔ hé won le a ta.”

Lewi Dea Tena 13:40

Dɛ baa nyu ɡbao o nyumpona bwa tonɛ kwaraa naa, doŋa bɛlbwa toole o nɛ.