Tɔn Pɔɔl Aa Chwerɛ Rom Tena 5:15 - mzwDBL

¹⁵ Kɛ Adam ne Yeesu waa ta beŋkpoŋ ɛɛ, dɛkalkɛŋɔ chae Korowii aa na ya sum dɛ cha yaa la, a ne Adam wechɔɡa ta beŋkpoŋ ɛɛ. A ɡwaala kohona. Nɛmbeŋkpoŋ wechɔɡa taa a che seo ba nomɛlbwa nɛ. Nɛmbeŋkpoŋ alaworomɛ ɡee nɛra bwa di. Onee Yeesu Kristo. O nɛɛ Korowii che dɛ sune nomɛlbwa nɛ, dɛ cha yaa kohona a ɡwaa Adam wechɔɡa la.

Tɔn Pɔɔl Aa Chwerɛ Rom Tena 5:15 ပူးပေါင်းရင်းမြစ်များ

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Daneɛl 12:2

Nɛra ɡalɡa baa serewa ɛɛ berɔ ir, ásɛ bane kaa mkpa aa wola jaɡa dɔe bwa ta, bane ɡe kaa weweele aa wola jaɡa dɔe bwa ne sihiih ta.

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Matiu 26:28

Sen nɔɔ cheɡa tɛ n chal maa dɛ ba nɛra kɛrɛdɛ waa koeh dɛ́ fuɡe ta ásɛ Korowii che a ta dɛ́ kpɔ ba wechɔɡa kɛ ba. Á ɛ fɔo dɛ́ chɔ Korowii ne nɛwɛnyini baah ta.

Amanesoma Jɔn Aa Chwera Tɔn 3:16

Korowii dɛ nyin nɛwɛnyini taeh. A waa o ɡel men maa ɛ o Bibeŋkpoŋ ɡbo waa dɔɔ la ba harɛ nɔ ta, ásɛ nomɛlbwa waa yarada n waa la bɛ sewɛ, kɛ ó dɔ o mkpa aa wola jaɡa dɔe bwa la.

Amanesoma Jɔn Aa Chwera Tɔn 4:10

Anee Yeesu ŋɔ o be ŋɔ, “Dɛ he fe jemɛ kon Korowii aa dɛ nyin he tɛɛ nɔ, dɛ jemɛ naate waa dɛ soŋe nee nɔ naa, he fe ɛɛ soŋoo ásɛ o fee tɛɛ nee aa won tɛɛ mkpa.”

We-ɛɛla 15:11

Aa maɡre! Yarada yaa yarada ya Dɔɔ Yeesu la waa o na ya sum dɛ cha yaa, dɛ lɛ yaa. Gɛ tentenee ba ɡe yaradao o lɛɛ ba.”

Tɔn Pɔɔl Aa Chwerɛ Rom Tena 5:12

Nɛmbeŋkpoŋ nɛɛ a che wechɔɡa ba harɛ nɔ ta, asɛ a che o wechɔɡa ta seo ba harɛ ta. A waa seo bu nɛwɛnyini bwa la, dɛkalkɛŋɔ nɛwɛnyini bwa ɛ wechɔɡa.

Tɔn Pɔɔl Aa Chwerɛ Rom Tena 6:23

Wechɔɡa dɔ a kembɔr. A kembɔree seo. Asɛ kon Korowii ɡe aa dɛ tɛ laanee mkpa aa wola jaɡa dɔe bwa. Ya Dɔɔ Yeesu Kristo nɛɛ o che dɛɛ tɛ a ɡɛ mkpa nɔ.

2 Kɔrent 5:14

Yeesu Kristo nyina waa dɛ nyin yaa laanee dɛɛ do yaa ya we-ɛɛla bwa ta. Gɛ yaa naa laanee kɛŋɔ dɛ nɛmbeŋkpoŋ lɛ nɛra bwa seo sewaa, a kaa chaa kɛ nɛra la bwa sewɔ.

2 Kɔrent 9:15

Ya dɛ jam Korowii kohona. Yaa won jemɛ baɡle o koŋkɛɛle damanta waa kɛ yaa la wa.

Ɛfesos 2:8

Korowii aa lɛ heyaa ta la, o nɛn nɛɛ suna ne he yarada waa o ɛ ɡɛ. He ɡbaɡba be laa a le, pɛɛpɛɛ o lɛ heyaa ta dɛ tɛ heyaa mkpa.

Hibru 2:9

Kɛ ya dɛ na Yeesu te kɛŋɔ Korowii aa ba o ne harɛ, asɛ nyundua toroma ɡwaalo tama, asɛ waa na wahala dɛ sewɛ la, o tɛo jirima dɛ ɡel komɛlbwa ɛɛ tɛo duure. Korowii alaworomɛɛ o sewɛ tɛ nɛwɛnyini bwa la.

1 Jɔn 2:2

Onee koh ya wechɔɡa waa dɛ sewɛ tɛ yaa dɛ kwaa ya ne Korowii baah. Ya ɡbo wechɔɡa waa laa o sewɛ. Nomɛlbwa waa lɔ harɛ nɔ ta bwa jao.

1 Jɔn 5:11

Waa Korowii aa bola a ɛ danseɛ laanee nɔ. O tɛ yaa o mkpa aa wola jaɡa dɔe bwa la, asɛ o Bie la bee ɡɛ mkpa la ɡe le.