Tɔn Pɔɔl Aa Chwerɛ Rom Tena 5:12 - mzwDBL

¹² Nɛmbeŋkpoŋ nɛɛ a che wechɔɡa ba harɛ nɔ ta, asɛ a che o wechɔɡa ta seo ba harɛ ta. A waa seo bu nɛwɛnyini bwa la, dɛkalkɛŋɔ nɛwɛnyini bwa ɛ wechɔɡa.

Tɔn Pɔɔl Aa Chwerɛ Rom Tena 5:12 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 5:19

Dɛkalkɛŋɔ ɡɛ nɛmbeŋkpoŋ deŋnekpeɡ aa ɡela nɛra bwa ɛ wechɔɡ-ɛɛra la, ɡɛɛ a che nɛmbeŋkpoŋ pwɛre waa doa ta, asɛ Korowii lɛ nɛra kɛrɛdɛ kɛ nɛndɛɛɡa ba waa su o siwi.

Tɔn Pɔɔl Aa Chwerɛ Rom Tena 6:23

Wechɔɡa dɔ a kembɔr. A kembɔree seo. Asɛ kon Korowii ɡe aa dɛ tɛ laanee mkpa aa wola jaɡa dɔe bwa. Ya Dɔɔ Yeesu Kristo nɛɛ o che dɛɛ tɛ a ɡɛ mkpa nɔ.

Tɔn Pɔɔl Aa Chwerɛ Rom Tena 3:23

Nɛwɛnyini bwa ɛ wechɔɡa, ya bɛlbwa ta ɡɛ Korowii fe aa dɛ nyin o maŋkura yaa la chɛɛ.

Jems 1:15

Pɛla waa wola were la dɛ́ lolɛ wechɔɡa, ásɛ wechɔɡa ɡe baa waraa, a yon lolɛ seo.

Mumpar 2:17

Kɛ bɛ onɔ la waa dɛ tɛ liire dɛ́ ɡel nɛn jemɛ wedɛɛɡa ne anchɔɡa la te nɔn di. Awola haa di a ɡɛ daa la nɔn la bɛl la, sewaa hɛɛ ba sewa.”

Yela 51:5

N lola saŋ bwaa n le ɛ wechɔɡa, hale saŋ n nya aa kpoŋe n tea.

Mumpar 3:19

Hɛɛ kwee bɔwɔbee mɔɔ dɛ́ di kwa ka tel kɛŋɔ haa berɛ kaa teera maa kpɔa mae la bini, dɛkalkɛ teera hen, teera binii he berɛ dɛɛ ba kaala.”

Mumpar 3:6

Dɛ haah la nao kɛŋɔ daa la nɔn la ɡe wer siwi ta dɛ do wer ne dii, dɛɛ tɛ wejema ɡe ja. Anomanta, o haŋrɔ kahonɛ dɛ cha ane di, dɛ kpɔ ane ka tɛ o jaa ɡe o di.

Tɔn Pɔɔl Aa Chwerɛ Rom Tena 5:21

Gɛ wechɔɡa aa cheɡɛ seo nɛɛ dɛɛ di kpeɡri la, ɡɛɛ Korowii suna waa dɛ sune nɛwɛnyina nɛɛ la ɡe che ɡɛ Korowii aa ɛ yaa nɛndɛɛɡa ya waa su o siwi la ta dɛɛ di kpeɡri, asɛ ya won dɔ Korowii mkpa aa wola jaɡa dɔe bwa la, dɛkalkɛŋɔ ya Dɔɔ Yeesu Kristo ɡelɔ nɛra ɛ nɛndɛɛɡa ba waa su Korowii siwi.

Jems 3:2

Ya bwa dɛ koni saŋ bɛlbwa. Dɛ nɛn aa wobɛlbwa waa dɛ bol la ta koni aa, dɛ o ɛ nɛn o wa a toɡra tenten. Nɛn waa won o wobol nyiŋa la, o won o te lawa wobɛlbwa ta.

Ɛsekeɛl 18:4

Nɛwɛnyina bwa nyu lɔ n nɔn ta, mɛɛ kɛɛ bie bwa nyu lɔ n nɔn ta. Naate waa ɛ wechɔɡa la, naatee dɛ́ sewɛ.

Tɔn Pɔɔl Aa Chwerɛ Rom Tena 5:18

Gɛ Adam wechɔɡe beŋkpoŋ aa lɛ chɔɡre tɛ nɛwɛnyina bwa la, ɡɛɛ Yeesu Kristo wedɛɛɡe beŋkpoŋ waa ɛa ɡel Korowii lɛ yaa kɛŋɔ nɛndɛɛɡa ya waa su o siwi, asɛ nɛwɛnyina bwa won dɔ mkpa aa wola jaɡa dɔe bwa.

Tɔn Pɔɔl Aa Chwerɛ Rom Tena 6:21

Dɛ wechɔɡa ɡboo hɛɛ ɛ. Taraken nɔ, a waa dɛ ɛ heyaa sihiih. A ɡɛ waa nɔ, dɛ tɔnɔ besoo a dɔ tɛ heya ɔ? Waa aa lɔ ɡɛ wechɔɡa nɔ habɔɔ laanee seo.

1 Kɔrent 15:56

Wechɔɡaa ɡela seo ɛɛ do yaa weweele ta. Mmara yaa wola o ta teŋɛ la ɡe ɡelɔ seo dɔ kpeɡri ya nɛ.

Ɛfesos 2:3

Gɛɛ ya bwa faa ɛ, dɛɛ ɛ waa ya nɛwɛnyini mar wechɔɡa aa suu nɔ aa dɛ nyin, asɛ dɛɛ teŋɛ ya bwadabii pɛla ne ya liichɔɡa ta. Ya ne nɛra baa dɔ harɛ nɔ ta liire bwa nɛɛ Korowii baah faa di.