Tɔn Pɔɔl Aa Chwerɛ Rom Tena 5:11 - mzwDBL

¹¹ A ɡbo laa. Ya sie lɛ Korowii nɛɛ kohona ya Dɔɔ Yeesu Kristo nomanta. O nɛɛ a che ya ne Korowii pɛ.

Tɔn Pɔɔl Aa Chwerɛ Rom Tena 5:11 ပူးပေါင်းရင်းမြစ်များ

Yela 104:34

N dɛ soŋe kɛ Korowii sie lɛ yel maa dɛ ɡo nɔ ta, dɛkalkɛ onee dɛɛ tɛ mɛ silɛɛ.

Yela 149:2

Israel tena, hé ɡel he sie lɛ he hɛɡre, Korowii waa ta heyaa la wa. Saayɔn tena, hé hɛɡre he kooro wa!

Yela 32:11

He nɛra he wa aa toɡra, hé ɡel he sie lɛ hɛɛ hɛɡre, waa Korowii aa ɛa la wa. Nɛra haa dɛ teŋɛ o waa ta la, hé do lɔŋɔre silɛɛ ne.

Yela 43:4

Ásɛ n la hen Korowii saraha kon la ta, henee dɛɛ tɛ mɛ silɛɛ. Mɛɛ ɡo yelaa, dɛ́ lɔ janjela kpɛɛre, henee Korowii maa dɛ tomɛ.

Aesaya 61:10

N dɛ hɛɡre kohona waa Korowii maa dɛ tomɔ aa ɛa nɔ wa. O kpɔ laala ne waa aa toɡra ɛ batakaare do mɛ dɛ lɛɛ mɛ. N wer kɛŋɔ hanfale ne o jaa aa kpɔ ba te kɛrɛdɛ dɛɛ kaa ba cheremibɔr ken.

Amanesoma Luk Aa Chwera Tɔn 1:46

Anee Mɛɛre ŋɔ, “N dɛ kpɛɛ Korowii n bambile bwa ne.

Amanesoma Jɔn Aa Chwera Tɔn 1:12

Kɛ nɛra la te bwa baa lɛo dɛ yaradao la, o tɛɛ ba kpeɡri kɛŋɔ bá ɛ Korowii bii.

Tɔn Pɔɔl Aa Chwerɛ Rom Tena 11:15

Aa cheɡɛ Israel tena ne Korowii baah chɔɡa ta asɛ nɛwɛnyina kabora ne Korowii baah kwaa nɔ, dɛ Korowii berɔ lɛ Israel tena dɛ kpɔ ba ɛ o bii aa, bɔkwa nee aa ba bala ɔ? Aa ba silɛɛ nee kohona, kɛŋɔ lala bwa aa ir seo ta.

Tɔn Pɔɔl Aa Chwerɛ Rom Tena 2:17

Asɛ he naate haa dɛ yerɛ he te Juu te, dɛ kpɔ he sie dawɛ Mosis Mmara la ta dɛ kpɔ Korowii dɛɛ ta nyoa la ɡe sɛ?

Tɔn Pɔɔl Aa Chwerɛ Rom Tena 5:1

Taraken nɔ, ya yarada aa ɡela Korowii lɛ yaa kɛ nɛndɛɛɡa ya waa su o siwi nɔ, ya Dɔɔ Yeesu Kristo nɛɛ a che asɛ ya ne Korowii pɛ.

Tɔn Pɔɔl Aa Chwerɛ Rom Tena 5:10

Dɛ ya ne Korowii fa dɔmɔ, asɛ o che o Bie Yeesu seo la ta dɛ ɡel ya ne o pɛ aa, ya ne Korowii aa pɛa taraken nɔ, a te ta kwaraa laa wɛɛ ba o Bie Yeesu seo ta ira, ne o le doe nɔ waa koeh dɛ́ lɛ yaa aa?

Tɔn Pɔɔl Aa Chwerɛ Rom Tena 5:3

A ɡbo ta laa ya dɔ silɛɛ. Ya sie dɛ lɛ ya wahala yaa dɛ na nɔ ta, dɛkalkɛŋɔ ya jemɔ kɛŋɔ anee dɛɛ ba ɡela ya dɔ bambile.

Tɔn Pɔɔl Aa Chwerɛ Rom Tena 8:23

Maa dɛ ŋɔ nɔ, Korowii kontaala ɡbo bwara laa dɛɛ nyɛɡ. Ya nɛra yaa dɔ Korowii Domadɛɛɡe kɛŋɔ kwaa Korowii aa ba tɛ yaa la bini konloɡle la, ya ɡba bwara dɛ nyɛɡ. Ya dɛ nyiŋi Korowii ŋwɛnɛ kɛŋɔ wɛɛ ba ɛ yaa o biirii, dɛ́ lɛ ya bwadabii le wechɔɡa ne seo nɔn ta.

Tɔn Pɔɔl Aa Chwerɛ Rom Tena 9:10

Anɔ ɡbo laa. Rebɛka aa kpoŋe o kpara la tea la, ba bwa mɛɛ ɛ beŋkpoŋ. Ya nabaa Aesekee ba mɛɛ.

1 Kɔrent 10:16

Saŋ bɛlbwa yaa pɛ so dɛɛ di kwaa dɛɛ lii Yeesu Kristo seo la, sen la yaa dɛ kpɛɛ Korowii dɛɛ nyɔ la ɡelɔ ya ne Yeesu Kristo pɛ o chal la waa ta. Paanoo yaa mɔna dɛɛ di la ɡelɔ ya ne o pɛ o bwadabii waa ta.

2 Kɔrent 8:19

A ɡbo laa, asɔre tena la bwaa leo ŋɔ ó ja ya nɛɛ ya kpɔ koŋkɛɛla nɔ kaa Jerusalam, ɡɛ aa ɛ ásɛ ya Dɔɔ Yeesu dɔ sɔn. Ya dɛ ɛ toma nɔ dɛ kpɔ dɛɛ baɡle kɛŋɔ ya dɛ nyin Korowii nɛra chae.

Galaasia 4:9

Taraken nɔ haa jemɛ Korowii nɔ, kɛɛ taraken nɔ Korowii aa jemɛ heyaa nɔ, ɛrɛɛ a ɛ asɛ he berɛ dɛɛ nyin he berɛ habɔɔ, dɛ́ kpɔ he te tɛ kwaa aa wola kpeɡri bɛlbwa dɔe, ne waa aa dɔ wesoma nɔɔ? Ɛrɛɛ he berɛ dɛɛ nyin he kpɔ he te tɛa ásɛ a vɔrɔwe heyaa ja nɔɔ?

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Felepae 3:1

Yabala, waa aa kaa laanee kɛŋɔ, hé ɡel he sie lɛ he ne ya Dɔɔ pɛɛ la ta. Wesiwi beŋkpoŋii n berɛ chwerɛ dɛɛ tɛ heyaa la, kɛ aa men ha. A dɛ ba ɡela he won che kiŋkiŋ.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Felepae 4:4

Hé che pɛɛ he ne ya Dɔɔ aa pɛa la ta dɛ́ ɡel he sie lɛ. Kasinteŋ, hé ɡel he sie lɛ.

Kolosi 2:6

Haa dɔa kpɔ he te tɛ Yeesu Kristo kɛ he Dɔɔ nɔ, hé ne o pɛ wobɛlbwa ta.

1 Pita 1:8

He ta on nae ka, kɛ he dɛ nyinu. Taraken ɡba, haa on na, kɛ he dɛ yaradao. Anomanta, he sie dɛ lɛ kohona nɛn aa wola won baɡle a wa.

1 Samoɛl 2:1

Anee Hana jam Korowii ŋɔ, “N Naa Korowii, he ɡelɔ n sie lɛ kohona, n sie lɛ waa haa ɛa wa! He ɡelɔ n sie lɛ mɛɛ mamɛ n dɔma, lɛɛ haa lɛɛ mɛ la wa.