Tɔn Pɔɔl Aa Chwerɛ Rom Tena 4:20 - mzwDBL

²⁰ O ta tɔŋlɛ tamaa bɛlbwa kɛŋɔ Korowii aa won ɛ waa waa baɡɔ nyoa laanee. O ta Korowii yaradae ɡelɛ bwa. Dɛ name kwaraa o ta dɔ yarada kohona, dɛɛ jam Korowii.

Tɔn Pɔɔl Aa Chwerɛ Rom Tena 4:20 ပူးပေါင်းရင်းမြစ်များ

Mumpar 15:6

Belaa o yarada Korowii, asɛ Korowii che o yarada ta dɛ lɛo kɛ nɛndɛɛɡe o waa su o siwi.

2 Koranar 7:19

Dɛ kooro nomoa waa dɛ chao la fa ŋɔ Korowii keame la be ŋɔ, “Hale Korowii ɡelɔ bwaala mun pili kohona bɛlbwa kwaraa naa, ɡɛ waa nɔ ɛɛ won maɡre aa?” Asɛ Korowii keame la fa chaŋo ŋɔ, “Hɛɛ nao kɛŋɔ aa chiɡuu, kɛ kondikwaa la bɛlbwa aa he nyoa jo.”

2 Koranar 7:2

Anee nomoa waa dɛ cha kooro ŋɔ Korowii keame la be ŋɔ, “Hale Korowii ɡelɔ bwaala mun pili kohona bɛlbwa kwaraa naa, ɡɛ waa nɔ ɛɛ won maɡre aa?” Elaesa ŋɔ, “Hɛɛ nao kɛŋɔ aa chiɡuu, kɛ kondikwaa la bɛlbwa aa he nyoa jo.”

Aesaya 35:4

Hé ŋɔ banɔ la ba bambile aa chɔɡa la be ŋɔ, “Hé che kiŋkiŋ, he bɛ ɔmɛ. Korowii haa dɛ tomɔ la dɛ ba, dɛ́ ba cha heya. Wɛɛ ba lɛ heyaa le he dɔma nɔn taa, dɛ́ tɛr ba deŋne kohona bɔ kem.”

Aesaya 7:9

Israel harɛ ta bwɛjen laa Samaria aa? Kooro Pɛka ɡee bwɛɛ la nyu te. Onee umeo? Dɛ he ta yarada dɔe dɛ che kiŋkiŋ naa, haa won che kɛrɛdɛ kpa.”

Daneɛl 10:19

O ŋɔ n be ŋɔ, “Korowii dɛ nyini, anomanta, dɛɛ berɛ ɔma, bɛ ɡel wobɛlbwa hae ɡe.” Waa bol waa nɔ n be la, n berɔ dɔ bokpeɡa, asɛ n ŋɔ o be ŋɔ, “Nomoa, bol waa bwa haa dɛ nyin kɛ he bol, taraken te he ɡelɔ n dɔ bokpeɡa.”

Daneɛl 11:32

Siiria kooro la ɛɛ neɡre nɛra baa koni fɔo baa fɔwa laanee, kɛ banɔ la baa jemɛ Korowii baa dɛ tomɔ la ɛɛ cheo kiŋkiŋ, dɛ́ yoo.

Haɡae 2:4

He bɛlbwa bɛ ɡel o bwara yɔr, hé ɛ toma la, n ja he nɛ.

Sekaria 8:13

Gɛ baa taah he Juda ne Israel tena harɛre ta la, ɡɛɛ mɛɛ ba heyaa lɛɛ, ásɛ nɛra che he nɛɛ dɛ́ dɔ wedɛɛɡa. He bɛ ɔmɛ, hé dɔ ɡbemba.”

Sekaria 8:9

He banɔ haa lole taraken nɔ, waa haa dɛ no nɔ ɛ waa n keamere fa aa bola ɡɛ saŋ baa pa n Dea la mun la, he do ɡbemba, ásɛ dɛ ma n Dea la.

Matiu 9:8

Nɛnlaa la aa na a ɡɛ waa nɔ la, ɔmee laɡ ba, ba kpɛɛ Korowii kɛŋɔ waa tɛ nɛwɛnyini ɡe kpeɡri ŋɔ ó ba won ɛ a ɡɛ waa nɔ la.

Amanesoma Luk Aa Chwera Tɔn 1:18

Belaa Sekaria bɔɔ nyundua torome la ŋɔ, “Ɛrɛɛ hɛɛ ba ɛɛ n jemɛ kɛ ɡɛ waa nɔ ɛ kpela ɔ? Dɛkalkɛŋɔ n ne n haah bwa hwɛɛhrɔ.”

Amanesoma Luk Aa Chwera Tɔn 1:45

He na som kɛ haa no n Naa Korowii wobol dɛ yarada kɛŋɔ ɡɛ waa la ɛɛ ɛo nɔ.”

1 Kɔrent 16:13

Hɛ́ɛ nyiŋi he te kɛrɛdɛ ásɛ dɛ ta lawɛ waa la bini kiŋkiŋ. Hé dɔ bambile ásɛ dɛ ɡel lawa haa lawɛ waa la bini la do kpeɡri.

2 Kɔrent 12:10

N sie dɛ lɛ n ɡwɛɡra maa ɡwɛɡra, ne chɛɡa baa dɛ chɛɡ mɛ, ne kpeɡri bɔr yon do tɛ mɛ, ne cheɡa nɛra aa cheɡɛ n nɛ, ne ɡɛ maa koh Yeesu Kristo waa aa noo mɛ bwa ta, dɛkalkɛŋɔ ɡɛ saŋ maa ɡwɛɡre la, a taa mɛɛ do kpeɡri.

Ɛfesos 6:10

Anɔ la aa kaa laanee kɛŋɔ hé ɡel he ne ya Dɔɔ pɛ, ásɛ he won dɔ kpeɡri waa dɔa kohona la.

2 Timoti 2:1

N bie Timoti, che kiŋkiŋ kpeɡri ya Dɔɔ Yeesu Kristo aa chae he dɔ le pɛɛ he ne waa pɛa la ta.

1 Samoɛl 30:6

Devid bambile chɔɡɔ kɛrɛdɛ, dɛkalkɛ dɛ a dɛ we o laa tena la nɛɛ kɛŋɔ baa lawɛ ba bii kaa la, asɛ dɛɛ nyin ba foɡre Devid bwea kpo. Kɛ Korowii waa dɛ tomɔ la doo ɡbemba.