Tɔn Pɔɔl Aa Chwerɛ Rom Tena 4:17 - mzwDBL

¹⁷ Anee Korowii waa baa chwera ŋɔ, “N ɡelɔ he ɛ nɛnfuuh bwa mɛɛ” la baɡle la. A ɡɛ waa nɔ ɛ kasinteŋ Korowii be. Onee Abraham faa yarada la. On won nɛra baa serewa kwaraa chuma, dɛ won dɛɛ bol waa aa wola chiɡe bwa kɛŋɔ aa chiɡa ka la.

Tɔn Pɔɔl Aa Chwerɛ Rom Tena 4:17 ပူးပေါင်းရင်းမြစ်များ

Mumpar 17:16

Mɛɛ tɛo hɛɛraa, ásɛ o lolɛ bibaa tɛɛ. Mɛɛ ɡeloo o ɛ harɛre nɛra bwa naa, ásɛ ba bini bane ɛ koojena.”

Mumpar 17:20

N no Ismael haa soŋ mɛ o waa la wa. Mɛɛ tɛo hɛɛraa dɛ́ ɡel o bii ne o naanar warɛ kohona. Mɛɛ ɛo deene fi dɛ anɛ nomonome mɛɛ, ásɛ dɛ ɡel o naanar do kan ba harɛ ta.

Mumpar 28:3

Kórowii Waa ɛ Kpeɡri Bwa Dɔɔ la che he mun ta, dɛ́ swee andɛɛɡa tɛɛ he hahmor ta, ásɛ he lolɛ bii kohona á che a ta he ɛ harɛre nɛra ɡalɡa naa.

Aesaya 43:6

Mɛɛ ŋɔ weekaŋle nyunduabɔr, ne weekaŋle harɛbɔr tena bee ŋɔ bá tɛɛ ba ŋwɛnɛ bá kaa! Hé kpɔ n bibaala le bojaŋ ba, dɛ́ kpɔ n bitoli baa lɔ harɛ jaɡa ɡe ba,

Aesaya 44:7

Umee do kɛŋɔ men ɔ? Ó bol. Naate ɡel n jemɛ ɡɛ aa ɛa n ne o ɛ kɛrɛdɛ. Ó baɡle waa aa chiɡa le ɡɛ saŋ maa ta saŋ la tena, ne waa a taa dɛ ba bala kerekere.

Aesaya 48:13

N ɡbaɡbaa kpɔ nɔn pa harɛ mun, dɛ kpɔ n nɔndiɡ baŋre nyundua. N yera aa, a dɛ ba n be.

Aesaya 49:12

Baa le bojaŋaa ba, bane ɛɛ le weekaŋle nyunduabɔree, bane ɡe le wee cholibɔr dɛ́ ba, ásɛ bane ɡe le Aswan dɛ́ ba.”

Aesaya 51:2

Hé lii he nabaa Abraham, ne Saara haa le ba bini la wa. Maa yerɛ Abraham dɛ o ta bie dɔe, asɛ n swee andɛɛɡa tɛo dɛ́ ɡel o naanar warɛ.

Aesaya 55:12

Silɛɛ nee hɛɛ ba Babelɔn lee, bosɔɔhna nee baa ba he sie tɔe le he ne bwɛjen la ta. Bwejena ne deŋɡarere bwa ɛɛ nao dɛɛ ɡo yela, daa bwa ɡe lɔ kpaŋa.

Matiu 3:9

He bɛ dɛɛ lii kɛŋɔ haa ɛ Abraham naanar la ɡbo ɛɛ wonoo ɡel he chwa Korowii bandia la. Kasinteŋ, Korowii ɛɛ wonoo ɡel bwea nɔ beɡre Abraham naanar.

Amanesoma Jɔn Aa Chwera Tɔn 5:21

Gɛ Korowii aa dɛ chum nɛra baa serewa asɛ dɛ ɡel baa dɔ mkpa la, ɡɛ tentenee o Bie la ɡe ɛɛ ba wona chum bɛlbwa waa dɛ nyin dɛ́ tɛo mkpa.

Amanesoma Jɔn Aa Chwera Tɔn 5:25

Kasinteŋ, n dɛ ŋɔ he be ja kɛŋɔ saŋ bɛl ɛɛ bao ásɛ nɛra baa serewa no men Korowii Bie la taa, ásɛ banɔ la baa dɛ no la dɔ Korowii mkpa. Tɔpere la dɔɔ tel kwara.

Amanesoma Jɔn Aa Chwera Tɔn 6:63

Hé jemɛ kɛŋɔ Korowii Domadɛɛɡe ɡbosoroo dɛɛ tɛ mkpa. Nɛwɛnyini bokpeɡa te ɛ pɛɛpɛɛ. Waa maa dɛ bol he be nɔ dɛ ba Korowii Domadɛɛɡe la ne, asɛ dɛɛ tɛ heyaa mkpa.

We-ɛɛla 15:18

A saŋ la bwaa o ɡel nɛra na ɡɛ waa nɔ.’

Tɔn Pɔɔl Aa Chwerɛ Rom Tena 3:29

Juu tena ɡbo laa Korowii che tɛ. Nɛra baa wola Juu tena ɛɛ la, ba bwa waa o do le.

Tɔn Pɔɔl Aa Chwerɛ Rom Tena 4:18

Dɛ Abraham dɛ yarada Korowii dɛɛ hwɛɡɛ o nɛɛ ɡe. Dɛ waa nɛn aa wola Korowii yarada a ta la, dɛ o te dɛ yaradao. A taa a che o ɛ nɛnfuuh bwa mɛɛ, ɡɛ Korowii aa ŋɔ o be ŋɔ, “He naanar ɛɛ warɔɔ” la.

Tɔn Pɔɔl Aa Chwerɛ Rom Tena 4:2

O we-ɛɛla taa a che o waa su Korowii siwi aa, ate o fe dɔ waa dɛ kpɔ ta nyoa. Kɛ dɛ he nyiŋi Korowii Tɔn bini na naa, waa won ta nyoa Korowii sie.

Tɔn Pɔɔl Aa Chwerɛ Rom Tena 8:11

Korowii waa ir Yeesu Kristo seo ta la, dɛ o Domadɛɛɡe lɔ he nɛ aa, ɡɛ Korowii aa iru seo ta la, wɛɛ che o Domadɛɛɡe la taa, dɛ́ tɛ he bwadabii aa dɛ ba pɔeh kerekere nɔ mkpa.

Tɔn Pɔɔl Aa Chwerɛ Rom Tena 9:11

Baa wola ban lolɛ mɔɔ, a ɛ kɛŋɔ ba ɛ wechɔɡa kɛɛ wedɛɛɡa la, dɛ Korowii dɔɔ ŋɔ ba nya be ŋɔ,

Tɔn Pɔɔl Aa Chwerɛ Rom Tena 9:26

Ba chwerɛ tɔn la bobɛl ɡe ŋɔ, “Nɛra Korowii fa aa ŋɔ ba be ŋɔ, ‘N nɛra laa heyaa’ la, baa berɔ yer ba Korowii waa lole saŋ bɛlbwa bii.”

1 Kɔrent 1:28

dɛ kpɔ waa nɛra aa haah, ne anɔ la baa dɛ liira wepuu, ne anɔ la baa wola a waa jemɛ ŋɔ á ba chɔɡ anɔ la nɛra aa dɛ maŋkuraa la,

1 Kɔrent 15:45

Ba chwerɔ do Korowii Tɔn bini ŋɔ, “Korowii ta nɛnloɡle, dɛ yerɔ Adam, asɛ o dɔ mkpa dɛ do le.” Kɛ muŋkaa Adam la te ɛ Korowii doa nɛn dɛɛ tɛ mkpa. Onee Yeesu Kristo.

1 Timoti 6:13

Korowii waa tɛ komɛlbwa mkpa la, ne ya Dɔɔ Yeesu Kristo la waa wona dɛ che Pɔnteɔs Paelet sie dɛ bol kasinteŋ la sɔn taa n che dɛɛ jae

Hibru 11:12

Abraham aa hwɛɛhra waa wola kpeɡe kpa la, o wono lolɛ, asɛ o naanar ɡe ya, dɛ warɛ kɛŋɔ weweela kɛɛ mpo nyoa hɛŋle ken.

Hibru 11:3

Yarada taa a che ya no a mun kɛŋɔ nyoa wobol nee Korowii ta nyundua ne harɛ. Anomanta, nyundua ne harɛ yaa dɛ na nɔ, kwaa baa wola an na nee ba taa.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

1 Pita 2:10

He fa ta Korowii nɛra ɛɛ, kɛ taraken te, o nɛraa heya. O fa ta he sum nae, kɛ taraken te, o na he sum.

2 Pita 3:8

N dandɛɛɡa, he jemɛ kɛŋɔ tɔpebeŋkpoŋ ne bene kaɡboŋ bwa beŋkpoŋ Korowii be. Beŋkpoŋii a bwa o te be.