Tɔn Pɔɔl Aa Chwerɛ Rom Tena 4:13 - mzwDBL

¹³ Korowii nyoa la o fa aa baɡɛ Abraham ne o naanar ŋɔ harɛ nɔ bwa ɛɛ ba ɛ ba konee la, Mmara ta teŋa waa laa o baɡɔ ɡɛ nyoa la. Dɛ Abraham dɛ yarada Korowii, asɛ a che a ta o ɛ nɛndɛɛɡe o waa su Korowii siwi, a waa Korowii baɡɔ nyoa.

Tɔn Pɔɔl Aa Chwerɛ Rom Tena 4:13 ပူးပေါင်းရင်းမြစ်များ

Mumpar 12:3

Mɛɛ cha nɛra la baa soŋe andɛɛɡa dɛɛ tɛɛ la. Nomɛlbwa waa taahnee la, ɡɛɛ mɛɛ ba o ɡe taahna, ásɛ a che he nɛ nɛwɛnyini bwa dɔ andɛɛɡa.”

Mumpar 17:16

Mɛɛ tɛo hɛɛraa, ásɛ o lolɛ bibaa tɛɛ. Mɛɛ ɡeloo o ɛ harɛre nɛra bwa naa, ásɛ ba bini bane ɛ koojena.”

Mumpar 28:14

He naanar ɛɛ warɔɔ kɛŋɔ harɛ nɔ ta teera, dɛ́ yɛɛ kaa harɛ nɔ ta bobɛlbwa. He ne he naanar nɛɛ aa ba cheɡa, ásɛ n swee andɛɛɡa tɛ harɛ nɔ ta nɛra bwa.

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Yela 2:8

Soŋ mɛ, mɛɛ kpɔ harɛre bwaa tɛɛ.

Yela 72:11

Koranar bwa ɛɛ ba ɡuŋuu, ásɛ harɛre nɛra bwa tomɔ.

We-ɛɛla 13:32

Amanesoma nee ya ba he be. Gɛ Korowii aa baɡɛ ya naawa nyoa la,

Tɔn Pɔɔl Aa Chwerɛ Rom Tena 4:12

Nɛra baa teŋe ba pena la, Abraham biirii ba ɡe. Ba pena waa laa ba ɛ o bii. Dɛ ba dɔ yarada Abraham aa dɔa mɔɔ ba teŋe o pen la aa, anee bá ɛ o bii.

Tɔn Pɔɔl Aa Chwerɛ Rom Tena 9:8

a baɡlɔ kɛŋɔ Abraham dwee la te bwa waa lol ba ɡɛ nɛra bwa aa dɛ lolɛ la, Korowii nɛra laa ban. Abraham bie la Korowii aa baɡɔ nyoa la, o dweee Korowii jemɛ kɛŋɔ Abraham naanaree ban,

Galaasia 3:29

Dɛ he ɛ Yeesu Kristo nɛra te naa, ate Abraham naanaree heya. Kon Korowii aa baɡɛ Abraham nyoa la, he ɡee dɔɔ.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

Hibru 7:6

Lewi dea laa Mɛlkesɛdɛk le. Kɛ Abraham ɡe bɔne o kwaa bini bɔre fi, dɛ kpɔ bɔrbeŋkpoŋ tɛo, asɛ Mɛlkesɛdɛk swee andɛɛɡa tɛ o kwaraa Korowii aa baɡɔ nyoa la.