Tɔn Pɔɔl Aa Chwerɛ Rom Tena 3:29 - mzwDBL

²⁹ Juu tena ɡbo laa Korowii che tɛ. Nɛra baa wola Juu tena ɛɛ la, ba bwa waa o do le.

Tɔn Pɔɔl Aa Chwerɛ Rom Tena 3:29 ပူးပေါင်းရင်းမြစ်များ

Mumpar 17:18

Belaa o ŋɔ Korowii be ŋɔ, “N Naa Korowii, he fe ɡelɔ ɡɛ hɛɛra nɔ ba Ismael nɛɛ sɛ?”

Yela 22:7

Nɛra na mɛ naa, ba dɛ chɛɡ mɛ, dɛ di n loro dɛɛ viiɡi ba nyuune.

Yela 67:2

ásɛ harɛ nɔ ta nɛra bwa jemɛ waa haa dɛ nyin, ɡɛ aa ɛ ásɛ ba bwa na ɡɛ haa won nɛra lɛɛ.

Yela 72:17

Gel kooro sɔn do le saŋ bɛlbwa dɛɛ la kɛŋɔ, wee aa lole dɛɛ lɔ saŋ bɛlbwa nɔ. Harɛre nɛra bwa ɛɛ che o nɛɛ dɔ andɛɛɡa ásɛ dɛ na kɛŋɔ Korowii sweero andɛɛɡa.

Aesaya 54:5

Naate waa tae laanee dɛ́ do kɛ he jaa, o sɔne Nemenɛ Korowii. Israel Nɛŋɡoroŋ laanee he Lɛɛ, onee harɛ nɔ bwa Dɔɔ.

Jeremia 16:19

N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Matiu 22:32

O ŋɔ, ‘Menee Korowii Abraham ne Aesek dɛ Jekɔb aa tomɔ la.’ Lala laa dɛɛ tomɛ Korowii, weeraa dɛɛ tomɔ.”

Matiu 28:19

Anomanta, hé valɛ kaa harɛ nɔ ta bobɛlbwa, dɛ́ ka nyin nɛra bwa bini nɛra bá ba teŋɛ n nɛ, dɛ́ sɔ ba Korowii ne, ásɛ dɛ kpɔ ba do n Mɛɛ ne men o Bie ne o Domadɛɛɡe la nɔn ta,

We-ɛɛla 10:34

Belaa Pita pa o wobol mun dɛ ŋɔ, “Taraken te n nao kɛŋɔ kpela, nɛwɛnyini bɛlbwa ta o dɔŋ ɡwaalɛ Korowii be.

We-ɛɛla 22:21

Anee o ŋɔ n be ŋɔ, ‘Kaa! Mɛɛ ɡeloo he kaa bojaŋ, dɛ́ la nɛra baa wola Juu tena ɛɛ be.’ ”

We-ɛɛla 26:17

Mɛɛ tomɛɛ Juu tena ne nɛra baa wola Juu tena ɛɛ bwa bee, dɛɛ kisii wechɔɡe ba be.

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.

Tɔn Pɔɔl Aa Chwerɛ Rom Tena 1:16

Sihiih aa men kpo Yeesu Amanesoma nɔ bola ta. A taa Korowii che dɛɛ baɡle o kpeɡri, dɛɛ lɛ nɛra bwa baa yarada o waa la. Juu tenaa ó tɔ sie lɛ, nɛra baa wola Juu tena ɛɛ ɡe jao.

Tɔn Pɔɔl Aa Chwerɛ Rom Tena 10:12

Juu tena ne nɛra baa wola Juu tena ɛɛ la, ba bwa kɛrɛdɛ Korowii be. Komɛlbwa Dɔɔree Korowii. Nomɛlbwa waa wia dɛɛ yerɔ la, o dɛ chao kohona.

Tɔn Pɔɔl Aa Chwerɛ Rom Tena 15:16

dɛ kpɔ o toma nɔ do n nɔn ta ŋɔ mɛ́ɛ baɡle nɛra baa wola Juu tena ɛɛ la, a waa n won di heyaa kasinteŋ ɡɛ la. Maa dɛ bol Yeesu Kristo Amanesoma la dɛɛ baɡle he nɛra haa wola Israel tena ɛɛ la, n kpɔ n te ɛ kɛŋɔ Sɔfo waa lɛ nɛra kwaa ɛ saraha dɛɛ tɛɛ ba Korowii Dea bini la. N dɛ nyin he no a waa dɛ yaradaa, ásɛ Korowii Domadɛɛɡe won laa he doŋa kpɔ he nɛ, ásɛ he ɛ Korowii nɛra. Belaa ń won kpɔ heyaa tɛ Korowii kɛŋɔ baa ɛ saraha dɛɛ tɛo la, ásɛ he waa su o siwi o lɛ heya.

Galaasia 3:14

Korowii fa baɡɛ Abraham nyoa ŋɔ wɛɛ sweero andɛɛɡaa. Gɛ aa ɛ ásɛ nɛra baa wola Juu tena ɛɛ che Yeesu Kristo nɛɛ dɛ dɔ a ɡɛ wedɛɛɡe nɔ la, a waa o lɛ nyotaahna la dawɛ o nɛɛ dɛ lɛ yaa le a ta la, ásɛ a che yarada ta Korowii tɛ yaa o Domadɛɛɡe la waa baɡɛ nyoa ŋɔ wɛɛ tɛ yaa la.

Ɛfesos 3:6

dɛ ɡel ba jemɛ kɛŋɔ pɛɛ banɔ la baa wola Juu tena ɛɛ la ne Yeesu aa pɛa la ne Amanesoma la baa noa la nomanta, ba ja Juu tena nɛɛ dɛ ɛ Korowii kwa, dɛ bwa ja Yeesu Kristo nɛ, dɛ bwa pɛ dɛɛ di Korowii nyobaɡa la ɡe tɔnɔ.

Kolosi 3:11

Anomanta, nɛra Korowii aa ɡela ba do ɡɛ dofale nɔ la, ba ta dɔe kɛ ba peɡri dɔŋa bini kpa kɛŋɔ onɔ ɛ Juu te kɛɛ onɔ nɔ ta Juu te ɛɛ nɔ. Nɛra bini peɡra toole kpa, kɛŋɔ onɔ teŋe o pen, kɛɛ onɔ nɔ ta o pen teŋe nɔ. Hɔɔh kɛɛ daamun te kɛɛ yom kɛɛ nɛn waa dɔ o te toole kpa, ba bwa ɛ beŋkpoŋ. Yeesu Kristo ɡbo waa hiah o nɛra.