Tɔn Pɔɔl Aa Chwerɛ Rom Tena 3:28 - mzwDBL

²⁸ dɛkalkɛŋɔ ya sɛoh kɛŋɔ Yeesu Kristo yaradae taa a che Korowii ɡel nɛn ɛ nɛndɛɛɡe o wa ɛɛ su o siwi. Mmara ta teŋa aa ɡelɛ nɛn ɛɛ ɛ nɛndɛɛɡe o wa ɛɛ su Korowii siwi bwa.

Tɔn Pɔɔl Aa Chwerɛ Rom Tena 3:28 ပူးပေါင်းရင်းမြစ်များ

Amanesoma Jɔn Aa Chwera Tɔn 5:24

Kasinteŋ, n dɛ ŋɔ he be, nomɛlbwa waa no n waa dɛɛ teŋɛ a ta asɛ dɛ yarada n Mɛɛ waa tom mɛ la, onee dɔ mkpa aa wola jaɡa dɔe la. Maa naate waa bol dɛ́ pa bole kpa, dɛkalkɛ o le seo nɔn ta dɛ berɛ dɔ Korowii mkpa.

Amanesoma Jɔn Aa Chwera Tɔn 6:40

Dɛkalkɛ ɡɛ n Mɛɛ la aa dɛ nyin laanee kɛŋɔ, nomɛlbwa waa na men maa ɛ o Bie la dɛ yarada mɛ dɛ kpɔ o te tɛ mɛ la, wɛɛ dɔ mkpa aa wola jaɡa dɔe, ásɛ n iru seo ta, tɔpera bwa jaɡa wee.”

Tɔn Pɔɔl Aa Chwerɛ Rom Tena 3:26

Taraken waa ɡela Yeesu Kristo koh ya wechɔɡa waa dɛ sewɛ nɔ, o baɡlɔ kɛŋɔ o waa toɡrɔ. Nomɛlbwa waa dɛ yarada Yeesu dɛ kpɔ o te tɛo la, Korowii ɡelɔ o ɛ nɛndɛɛɡe o wa ɛɛ su o siwi.

Tɔn Pɔɔl Aa Chwerɛ Rom Tena 4:5

Kɛ nɛn waa wola wobɛlbwa ɛɛ dɛ kpɔ o yarada do Korowii ɡbo nɛɛ kɛŋɔ o won wechɔɡ-ɛɛra nɛndɛɛɡa ɛɛ la, a cheɡɛ o yarada la ta asɛ Korowii lɛo kɛ nɛndɛɛɡe o wa ɛɛ su o siwi.

Tɔn Pɔɔl Aa Chwerɛ Rom Tena 5:1

Taraken nɔ, ya yarada aa ɡela Korowii lɛ yaa kɛ nɛndɛɛɡa ya waa su o siwi nɔ, ya Dɔɔ Yeesu Kristo nɛɛ a che asɛ ya ne Korowii pɛ.

Tɔn Pɔɔl Aa Chwerɛ Rom Tena 8:3

Nɛwɛnyini mar aa do ɡɛ, waa wola kpeɡe dɛɛ tɔ Mmara ŋwɛnɛ, asɛ Mmara lɛ nɛwɛnyini kahonɛ la, Korowii te wono lɛ nɛwɛnyini. O ɡelɔ o Bie tenten kpɔ nɛwɛnyini mar wechɔɡa aa suu nɔ dɔŋ, dɛ ba chɔɡ liichɔɡa kpeɡri o fa aa dɔa nɛwɛnyini nɛɛ la dɛ laa wechɔɡa kpɔ,

1 Kɔrent 6:11

He bini bane fa kpoŋe ɡɛ da nɔ. Kɛ taraken Korowii koh ya Dɔɔ Yeesu Kristo ne Korowii Domadɛɛɡe la toma la waa dɛ sɔ he wechɔɡa bwa ta, dɛ ɡel he ɛ nɛndɛɛɡa he waa su o siwi.

Galaasia 2:16

Kɛ, ya jemɔ kɛŋɔ Mosis Mmara ta teŋa laa ɡela nɛn ɛɛ ɛ nɛndɛɛɡe o wa ɛɛ su Korowii siwi, nemenɛ kɛŋɔ haa dɛ yarada Yeesu Kristo waa la, dɛ kpɔ he te tɛo. Yeesu Kristo nɛɛ ya ɡe kpɔ ya yarada do, asɛ Korowii koh o waa dɛ lɛ yaa kɛ nɛndɛɛɡa ya waa su o siwi. Mmara ta teŋa laa dɛɛ ba yaa nɛndɛɛɡa ɛɛ Korowii be, dɛkalkɛŋɔ Mmara ta teŋa aa won ɡel nomɛlbwa waa su Korowii siwi.

Galaasia 3:24

Dɛ Mosis Mmara nɔɔ dɛɛ nyiŋi yaa mɔɔ Yeesu Kristo ba. Waa bala la, o yaradae taa aa ba cheɡa ásɛ ya waa su Korowii siwi, ásɛ o lɛ yaa kɛŋɔ nɛndɛɛɡa.

Galaasia 3:8

Korowii Tɔn baɡlɔ kɛŋɔ yarada taa aa ba cheɡa ásɛ Korowii lɛ nɛra baa wola Juu tena ɛɛ la kɛ nɛndɛɛɡa ba waa su o siwi. Korowii fa bol Amanesoma la waa Abraham be dɛ ŋɔ, “He nɛɛ aa ba cheɡa Korowii swee nɛwɛnyina bwa andɛɛɡa.”

Ɛfesos 2:9

Ya wedɛɛɡa ta laa a che o lɛ yaa, nomɛlbwa bɛ kpɔ dɛɛ maŋkura o te.

Felepae 3:9

ásɛ ya bwa won pɛ, ásɛ n ɛ nɛndɛɛɡe, n waa su Korowii siwi. N ta ŋɔe ŋɔ ń che Mmara ta teŋa ta dɛ́ ɛ nɛndɛɛɡe n waa su o siwi. Kɛ n dɛ nyin ń che yarada maa dɛ yarada Yeesu Kristo la ta, dɛ́ ɛ nɛndɛɛɡe n waa su o siwi. Nɛndɛɛɡe ɛɛ le Korowii be o kpɔ dɛɛ tɛ nɛra la bwa baa yarada Yeesu.

Taetos 3:7

asɛ Korowii suna la ɡel ya ɛ nɛndɛɛɡa ya waa su o siwi, ásɛ ya won dɔ hwɛɡa kɛ o mkpa aa wola jaɡa dɔe bwa la ɛɛ ɛ ya konee.

Jems 2:18

Bɛl lole nomɛl ɛɛ ŋɔɔ yaradae ɡboo wɛɛ yarada Korowii, ásɛ bɛl ɡe ŋɔ wedɛɛɡaa o ɡee ɛ. Kɛ ɡɛ ɡe aa won maɡre. Ɛrɛɛ hɛɛ ba wona baɡ mɛ he yarada dɛ he ta wedɛɛɡa ɛɛ dɛɛ ja a ta nɔ? N te, mɛɛ che n wedɛɛɡa ɛɛ taa, ásɛ he jemɛ kɛ n dɛ yarada Korowii.

Jems 2:20

Gɛne! He dɛ nyin n baɡle kɛŋɔ yarada wedɛɛɡa ɛɛ aa wola a ta jae la ɛ pɛɛpɛɛ aa?

Jems 2:24

Kɛ he nao kenɛ, nɛn wedɛɛɡa ɛɛ ne o yarada bwa taa a che wɛɛ ɛ nɛndɛɛɡe o wa ɛɛ su Korowii siwi, o yarada ɡbo ta laa.