Tɔn Pɔɔl Aa Chwerɛ Rom Tena 3:27 - mzwDBL

²⁷ Aa do ɡɛ nɔ, ya dɔ ŋwɛnɛ kɛŋɔ ya ta nyoa aa? Ya ta ŋwɛnɛ dɔe. Ɛrɛ taa a che yaa wola won ta nyoa nɔɔ? Mmara ta teŋa ta laa a che. Yeesu Kristo yaradae laanee tɔ ɡɛ waa nɔ bwa ŋwɛnɛ,

Tɔn Pɔɔl Aa Chwerɛ Rom Tena 3:27 ပူးပေါင်းရင်းမြစ်များ

Sefania 3:11

Gɛ tɔpere la, maa ɡel sihiih kpo heyaa he deŋnekpeɡ haa ɛɛ mɛ la waa kpa. Mɛɛ le mbarafo tena bwa nee n bwɛjen nɔ ta, ásɛ bɛlbwa ɡe aa won ɛɛ mɛ sisawaa n bweɡoroŋ n Dea aa chɔŋɛ o ta la ta kpa.

Amanesoma Mak Aa Chwera Tɔn 16:16

Nomɛlbwa waa yarada ásɛ ba sɔɔ nee la, Korowii ɛɛ kpɔ o wechɔɡaa kɛo. Kɛ naate waa wola yaradae la, wɛɛ di bolchɔɡee.

Amanesoma Jɔn Aa Chwera Tɔn 3:36

Nomɛlbwa waa yarada Korowii Bie la waa la, wɛɛ dɔ mkpa aa wola jaɡa dɔe bwaa. Nomɛlbwa waa wola Korowii Bie la waa yaradae la, waa mkpa dɔe ba. Korowii bandia ɛɛ do o nɛɛ saŋ bɛlbwaa.”

Tɔn Pɔɔl Aa Chwerɛ Rom Tena 10:5

Kenii Mosis bol nɛra baa dɛ nyin ba che Mmara ta teŋa ta ásɛ ba waa su Korowii siwi la wa. O ŋɔ, “Nomɛlbwa waa dɛ teŋɛ waa aa lɔ Mmara la bwa ta la, wɛɛ dɔ mkpaa le Mmara la ta teŋa ta.”

Tɔn Pɔɔl Aa Chwerɛ Rom Tena 11:6

Ba we-ɛɛla ta laa a che o lee ba. Ba sumii o na dɛ lee ba ba ɛ o nɛra. Dɛ ba we-ɛɛla taa a fe che o lee ba ba ɛ o nɛra aa, dɛ suna baa ŋɔa Korowii dɛ sune nɛwɛnyini nɛɛ dɛɛ cha ba la ta mun dɔe.

Tɔn Pɔɔl Aa Chwerɛ Rom Tena 2:17

Asɛ he naate haa dɛ yerɛ he te Juu te, dɛ kpɔ he sie dawɛ Mosis Mmara la ta dɛ kpɔ Korowii dɛɛ ta nyoa la ɡe sɛ?

Tɔn Pɔɔl Aa Chwerɛ Rom Tena 2:23

Hen kpɔ Mmara la dɛɛ ta nyoa, he ɡee wola a ta teŋɛ, asɛ nɛra koh he we-ɛɛla waa dɛɛ ɛ Korowii nɛnhɛla.

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.

Tɔn Pɔɔl Aa Chwerɛ Rom Tena 3:26

Taraken waa ɡela Yeesu Kristo koh ya wechɔɡa waa dɛ sewɛ nɔ, o baɡlɔ kɛŋɔ o waa toɡrɔ. Nomɛlbwa waa dɛ yarada Yeesu dɛ kpɔ o te tɛo la, Korowii ɡelɔ o ɛ nɛndɛɛɡe o wa ɛɛ su o siwi.

Tɔn Pɔɔl Aa Chwerɛ Rom Tena 4:2

O we-ɛɛla taa a che o waa su Korowii siwi aa, ate o fe dɔ waa dɛ kpɔ ta nyoa. Kɛ dɛ he nyiŋi Korowii Tɔn bini na naa, waa won ta nyoa Korowii sie.

Tɔn Pɔɔl Aa Chwerɛ Rom Tena 7:21

Waa maa naa laanee kɛŋɔ n dɛ nyin wedɛɛɡa ɛɛ yaa, dɛ komɛl ŋɔ n bɛ ɛ.

Tɔn Pɔɔl Aa Chwerɛ Rom Tena 7:23

kɛ n bwadabii ɡe berɔ do dor bɛl. O dɛ vuuɡi n bambile. N bwadabii aa Korowii Mmara la aa lɔ n bambile bini la ta teŋa nyin. Liichɔɡaa ɡela n bwadabii aa wola Korowii Mmara la ta teŋa nyin nɔ. A ɡɛ liire nɔ yaɡ mɛ yom.

Tɔn Pɔɔl Aa Chwerɛ Rom Tena 7:25

Korowii jam. Ya Dɔɔ Yeesu Kristo alaworomɛ, Korowiirii dɛ́ lɛɛ mɛ. Anomanta, n bambile bini te, Korowii Mmara taa mɛɛ teŋɛ. Kɛ n nɛwɛnyini mar wechɔɡa aa suu nɔ be pera te, wechɔɡa taa mɛɛ teŋɛ.

Tɔn Pɔɔl Aa Chwerɛ Rom Tena 8:2

Maa dɛ ŋɔ nɔ, Korowii Domadɛɛɡe lɔɡa maa lole dɛ dɔ mkpa nɔ taa Yeesu Kristo che dɛ lɛɛ mɛ le wechɔɡa ne seo lɔɡa n fa aa lole la ta.

Tɔn Pɔɔl Aa Chwerɛ Rom Tena 9:11

Baa wola ban lolɛ mɔɔ, a ɛ kɛŋɔ ba ɛ wechɔɡa kɛɛ wedɛɛɡa la, dɛ Korowii dɔɔ ŋɔ ba nya be ŋɔ,

Tɔn Pɔɔl Aa Chwerɛ Rom Tena 9:31

Kɛ Israel tena te aa swɛɛ siwi dɛ kpɔ ba sie do Mmara ta teŋa ta, dɛ ŋɔ anee dɛ́ ɡel Korowii lɛɛ ba kɛ nɛndɛɛɡa ba waa su o siwi la, o siwi ta ba te kwaraa sui.

Tɔn Pɔɔl Aa Chwerɛ Rom Tena 9:32

Aah dɛ bɔkwaa ɡela a ba ɡɛ nɔ? Baa wola sie kpɔe dawɛ Korowii yaradae ta, dɛ kpɔ sie dawɛ ba we-ɛɛla ta kɛŋɔ anee dɛ́ ɡel Korowii siwi su ba la, a waa. Anomanta, ba lɔ naa Bwe nɛra aa lɔ naa o ta dɛɛ chole la ta.

1 Kɔrent 4:7

Umee ŋɔ he be ŋɔ he ɡwaa bane ɔ? Wobɛlbwa haa jema la, Korowiirii tɛɛ. Bɛ nyoa dɛɛ ta a do kɛŋɔ Korowii laa kpɔ waa haa jema la kɛɛ.

Galaasia 2:16

Kɛ, ya jemɔ kɛŋɔ Mosis Mmara ta teŋa laa ɡela nɛn ɛɛ ɛ nɛndɛɛɡe o wa ɛɛ su Korowii siwi, nemenɛ kɛŋɔ haa dɛ yarada Yeesu Kristo waa la, dɛ kpɔ he te tɛo. Yeesu Kristo nɛɛ ya ɡe kpɔ ya yarada do, asɛ Korowii koh o waa dɛ lɛ yaa kɛ nɛndɛɛɡa ya waa su o siwi. Mmara ta teŋa laa dɛɛ ba yaa nɛndɛɛɡa ɛɛ Korowii be, dɛkalkɛŋɔ Mmara ta teŋa aa won ɡel nomɛlbwa waa su Korowii siwi.

Galaasia 3:22

Korowii Tɔn la baɡlɔ kɛŋɔ wechɔɡa vɔrɔwe nɛwɛnyina bwa, ásɛ Korowii nyobaɡa waa baɡɛ yaa la ɛ nɛra baa yarada Yeesu Kristo la ɡbo kwa. Anomanta, nɛra baa dɛ yarada Yeesu Kristo laanee Korowii ɛɛ ba o nyobaɡa kwaa la kpɔe tɛ.