Tɔn Pɔɔl Aa Chwerɛ Rom Tena 3:25 - mzwDBL

²⁵ Korowiirii le Yeesu Kristo ŋɔ ó ba fuɡe o chal ta, dɛ́ soŋe ya wechɔɡa, ásɛ o bandia le nɛra baa yarada Yeesu Kristo seo waa la nɛ. Korowiirii fa saahna ɛ ɡɛ dɛ́ baɡle kɛ o waa toɡrɔ, dɛkalkɛŋɔ a saŋ la, nɛra aa dɛ ɛ wechɔɡa la, o laa sie kpɔ ba be. A fe chɛ kɛ ó tɛr nɛwɛnyini deŋne, kɛ o lawɛ bambile.

Tɔn Pɔɔl Aa Chwerɛ Rom Tena 3:25 ပူးပေါင်းရင်းမြစ်များ

Yela 119:142

He toɡra haa toɡra ta jaɡa dɔe, asɛ he Mmara ɡe dɔ kasinteŋ.

Yela 22:31

Bii baa wola ban lolɛ mɔɔ kwaraa ɛɛ ba noo kɛŋɔ, “Korowii lɛ o nɛra.”

Yela 40:10

Maa amanesoma aa dɛ lɛ nɛra la kpɔe dɛɛ sɔh n bambile bini, n dɛ bol he kasinteŋ ne he chae waa la. He nɛra chemo warɛ aa, maa nyoa tɔ, he waa aa ɛ kasinteŋ, ne he nyina aa wola jaɡa dɔe la ta.

Yela 50:6

Kwaa aa lɔ nyundua dɛ baɡle kɛŋɔ Korowii waa toɡrɔ, dɛkalkɛ onee bol nɛra waa dɛɛ pa bole.

Yela 97:6

Kwaa aa lɔ nyundua dɛ baɡle kɛ o waa toɡrɔ, asɛ harɛ nɔ ta nɛra bwa ɛɛ na o jirima.

Yela 98:2

Korowii bol pɔe waa pɔ o dɔma nɛɛ wa, dɛ ɡel harɛre nɛra bwa jemɛ lɛɛ waa lɛ o nɛra wa.

Aesaya 53:11

O soɡa bini wahala waa baa na habɔɔ la, wɛɛ berɔɔ dɔ mkpa, dɛ́ jemɛ kɛŋɔ o ta wahala nae pɛɛpɛɛ. N bonɔɔ o waa aa toɡra, o lɛ nɛndamanta wechɔɡa che nomanta, mɛɛ che o seo la taa, dɛ́ kpɔ ba wechɔɡa kɛ ba.

Lewi Dea Tena 16:10

Ásɛ booh baa bil daa dɛ lawɔ ba kpɔ nɛra la bwa wechɔɡa dawɛ o nyu ta la, bá lawɛ o ne o siwi ba n sie, dɛ́ kpɔɔ ka ta pua hɛŋle ɡbo harɛ ta.

Lewi Dea Tena 16:15

A habɔɔ la, ó kpɔ booh la, dɛ́ kpo ɛ wechɔɡa kpɔe dɛ kɛ saraha tɛ nɛra la, dɛ́ kpɔ o chal la ba pateesan la habɔɔ, dɛ́ ɛa ɡɛ tenten waa ɛ nao la chal la. Ó merɛ ane N Ne Nɛwɛnyina Fɔo Daka tɔ la ta, dɛ́ merɛ ane ɡe o sie bela.

Amanesoma Jɔn Aa Chwera Tɔn 6:47

Kasinteŋ, n dɛ ŋɔ he be, nomɛlbwa waa yarada mɛ la dɔ mkpa aa wola jaɡa dɔe.

We-ɛɛla 14:16

A saŋ la, dɛ Korowii ɡelɔ he nɛra haa wola Juu tena ɛɛ la ɛɛ ɛ he tetoowa.

We-ɛɛla 15:18

A saŋ la bwaa o ɡel nɛra na ɡɛ waa nɔ.’

We-ɛɛla 17:30

Saŋ la nɛwɛnyini fa aa wola Korowii ŋwɛnɛ jemɛ kɛrɛdɛ la, o laa sie kpɔ ba wechɔɡa ta. Kɛ taraken te, o ŋɔ hárɛ ta bobɛlbwa nɛra charɛ ba liire, dɛ́ le ba wechɔɡa ta,

We-ɛɛla 2:23

Korowii jemɛ Yeesu waa bwa wubwa dɛ cheɡa ken mɔɔ a tel nɔ. O ɛa kɛŋɔ wɛɛ kpɔɔ do he nɔn ta, ásɛ he ɡel wechɔɡ-ɛɛra kpaaro pɛl daɡaɡre ta dɛ́ kpoo.

We-ɛɛla 3:18

Korowii tɔ sie ɡel o keamere la bwa baɡle ŋɔ o Kristo la waa baɡɛ nyoa ŋɔ wɛɛ tomɔɔ ásɛ o ba lɛ yaa la dɛ́ ba waa nae. A ɡɛ waa la, kenii Korowii cheɡa a ba ɛ.

We-ɛɛla 4:28

Ba bwa chemo dɛ ɛ waa he ɡbaɡba aa kpɔ he kpeɡri ne he tetoora vɔrɔwe ŋɔ aa ɛo la.

Tɔn Pɔɔl Aa Chwerɛ Rom Tena 2:4

Waa nɔ bwaa Korowii ta tea dɛɛ ɛ heya, dɛɛ tɛ heyaa sisɔna dɛɛ lawɛ bambile nɔ bwa, ásɛ he charɛ he liire dɛ́ le he wechɔɡa ta. Kɛ haa o wedɛɛɡa nɔ bu, dɛɛ nyiŋa pɛɛ.

Tɔn Pɔɔl Aa Chwerɛ Rom Tena 3:26

Taraken waa ɡela Yeesu Kristo koh ya wechɔɡa waa dɛ sewɛ nɔ, o baɡlɔ kɛŋɔ o waa toɡrɔ. Nomɛlbwa waa dɛ yarada Yeesu dɛ kpɔ o te tɛo la, Korowii ɡelɔ o ɛ nɛndɛɛɡe o wa ɛɛ su o siwi.

Tɔn Pɔɔl Aa Chwerɛ Rom Tena 5:1

Taraken nɔ, ya yarada aa ɡela Korowii lɛ yaa kɛ nɛndɛɛɡa ya waa su o siwi nɔ, ya Dɔɔ Yeesu Kristo nɛɛ a che asɛ ya ne Korowii pɛ.

Tɔn Pɔɔl Aa Chwerɛ Rom Tena 5:11

A ɡbo laa. Ya sie lɛ Korowii nɛɛ kohona ya Dɔɔ Yeesu Kristo nomanta. O nɛɛ a che ya ne Korowii pɛ.

Tɔn Pɔɔl Aa Chwerɛ Rom Tena 5:18

Gɛ Adam wechɔɡe beŋkpoŋ aa lɛ chɔɡre tɛ nɛwɛnyina bwa la, ɡɛɛ Yeesu Kristo wedɛɛɡe beŋkpoŋ waa ɛa ɡel Korowii lɛ yaa kɛŋɔ nɛndɛɛɡa ya waa su o siwi, asɛ nɛwɛnyina bwa won dɔ mkpa aa wola jaɡa dɔe bwa.

Tɔn Pɔɔl Aa Chwerɛ Rom Tena 5:9

Yeesu Kristo seo taa a che asɛ Korowii ɡel ya ɛ nɛndɛɛɡa ya waa su o siwi. Aah dɛ Korowii bwaawee baa ir nɛra nɛ aa, a te taa Yeesu Kristo aa wola won lɛ yaa aa?

1 Kɔrent 5:7

Anomanta, hé laa ɡɛ wechɔɡ-ɛɛ la kpɔ he bini, ásɛ o wechɔɡa aa do kɛŋɔ iisi la bɛ heyaa bu, ásɛ he do wer kɛŋɔ paanoo baa wola iisi a ta doe, dɛ di Galekaa Tɔpejen la. He do ɡɛ kpela. Yeesu Kristo koh ya waa dɛ sewɛ kɛŋɔ baa kpo peebie Galekaa tɔpere ta la.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Ɛfesos 1:7

O Binyini laanee lɛ ya seo sewɛ. O chalee yawɛ yaa tɛ Korowii, asɛ o kpɔ ya wechɔɡa dɛɛ kɛ yaa. Anee dɛɛ baɡle suna waa sune ya nɛɛ kohona dɛɛ cha yaa la.

Ɛfesos 2:13

Kɛ taraken he banɔ la he ne Korowii baah fa aa jaŋa la, Korowii koh Yeesu Kristo seo waa sewa, asɛ he ne o won pɛ la wa, dɛ kpɔ heyaa ba o be.

1 Timoti 1:15

Waa nɔ ɛ kasinteŋ aa chɛ kɛŋɔ hé lɛa kɛŋɔ wechɔɡ-ɛɛra waa Yeesu Kristo koh ba harɛ nɔ ta dɛ ba lɛɛ ba. N wechɔɡaa kana ɡwaa nomɛlbwa kwa.

Hibru 10:4

dɛkalkɛŋɔ nae ne boohna chale aa won fee wechɔɡa nɛra nɛɛ bwa.

Hibru 11:14

Nɛra dɛ bol ken aa, dɛ ba dɛ nyin ba chaɡle kɛŋɔ ba dɛ nyin ba ɡbaɡba harɛ dɛ so.

Hibru 11:17

Yaradaa Abraham yarada Korowii waa o won lawɛ o bie Aesek ŋɔ o dɛ kpɔɔ ɛ saraha dɛ́ tɛ Korowii a ɡɛ saŋ Korowii aa daahno na la. Kɛ Korowii aa ŋɔa ó kpɔ o bibeŋkpoŋ Aesek la ɛ saraha tɛo la, o ta vɛɛh.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

Hibru 9:28

Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.

Hibru 9:5

Ba kwaa kena kwaa anɛ ane baa dɛ yera Kerobim la chɔŋɛ Daka la ta a paɡri kena tɔ o ta a sie chaɡɛ dɔŋa. Belaa ba laa Korowii bandia dɛɛ kpɔ o nɛra nɛɛ la, aa baɡle kɛŋɔ Korowii jirima lɔ bela. Yaa won dɔ bɔr taraken dɛ baɡle kwaa nɔ waa bwa ka tonɛ.

1 Jɔn 1:10

Dɛ ya ŋɔ ya ta wechɔɡa ɛɛ te naa, dɛ ya yerɛ Korowii nyosonteŋni. O waa la ɡe toole ya bini.

1 Jɔn 2:2

Onee koh ya wechɔɡa waa dɛ sewɛ tɛ yaa dɛ kwaa ya ne Korowii baah. Ya ɡbo wechɔɡa waa laa o sewɛ. Nomɛlbwa waa lɔ harɛ nɔ ta bwa jao.

1 Jɔn 4:10

Anɔɔ dɛɛ baɡle ɡɛ nyina tenten aa doa. Ya te nyina yaa dɛ nyin Korowii la aa bobɛlbwa tel, kɛ o ɡe ɡarɔ dɛɛ nyin yaa. Hé na ɡɛ Korowii aa ɡela o Bibeŋkpoŋ la koh ya wechɔɡa waa dɛ ba harɛ nɔ ta, dɛ sewɛ dɛ kwaa ya ne Korowii baah.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

Wepila 13:8

Harɛ nɔ ta nɛra baa wola ba sɔna chwerɛ Pebie la baa kpoo la Mkpa Tɔn la bini harɛ mumpar bwa la, ba bwa ɛɛ duu olchɔɡe laanee kɛŋɔ Korowii ken.

Wepila 20:15

Nomɛlbwa baa nyiŋi Mkpa Tɔn la bini dɛ nyin o sɔn kahonɛ la, dɛ ba kpɔɔ ka ta nii la ta.

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,