Tɔn Pɔɔl Aa Chwerɛ Rom Tena 3:20 - mzwDBL

²⁰ Maa dɛ ŋɔ nɔ, Mmara ta teŋa aa won ɡel nomɛlbwa we-ɛɛla su Korowii siwi bwa. Mmara la toma bwaa kɛŋɔ ó ɡel nɛwɛnyini jemɛ kɛŋɔ ya ɛ wechɔɡa.

Tɔn Pɔɔl Aa Chwerɛ Rom Tena 3:20 ပူးပေါင်းရင်းမြစ်များ

Job Tɔn 15:15

Kpelaa, Korowii ta hwɛɡa dɔe tɛ nyundua toroma, ba waa ta toɡrɛ o be,

Yela 130:3

Dɛ he fe chwerɛ nɛn wechɔɡa waa dɛ ɛ dɛɛ bil aa, umee dɛ́ fe leɔ?

Yela 143:2

Bɛ men maa ɛ he bonɔɔ daah na, nomɛlbwa toole o waa toɡre he sie.

We-ɛɛla 13:39

Wubwa la, haa dɛ nyin ɡɛ haa ɛ ásɛ Korowii kpɔ he wechɔɡa kɛ heyaa la, Mmara la Korowii aa kpɔa do Mosis nɔn ta la ta wone cha heya. Kɛ taraken te, nomɛlbwa waa yarada Yeesu la, Korowii dɛ lɛo kɛ nɛndɛɛɡe o waa su o siwi.

Tɔn Pɔɔl Aa Chwerɛ Rom Tena 2:13

Maa dɛ bol nɔ, Mmara nɔ noe laa ɡela nɛn ɛɛ ɛ nɛndɛɛɡe o wa ɛɛ su Korowii siwi. Mmara la ta teŋaa ɡela nɛn ɛɛ ɛ nɛndɛɛɡe o wa ɛɛ su Korowii siwi.

Tɔn Pɔɔl Aa Chwerɛ Rom Tena 3:28

dɛkalkɛŋɔ ya sɛoh kɛŋɔ Yeesu Kristo yaradae taa a che Korowii ɡel nɛn ɛ nɛndɛɛɡe o wa ɛɛ su o siwi. Mmara ta teŋa aa ɡelɛ nɛn ɛɛ ɛ nɛndɛɛɡe o wa ɛɛ su Korowii siwi bwa.

Tɔn Pɔɔl Aa Chwerɛ Rom Tena 4:13

Korowii nyoa la o fa aa baɡɛ Abraham ne o naanar ŋɔ harɛ nɔ bwa ɛɛ ba ɛ ba konee la, Mmara ta teŋa waa laa o baɡɔ ɡɛ nyoa la. Dɛ Abraham dɛ yarada Korowii, asɛ a che a ta o ɛ nɛndɛɛɡe o waa su Korowii siwi, a waa Korowii baɡɔ nyoa.

Tɔn Pɔɔl Aa Chwerɛ Rom Tena 4:15

Mmara laanee dɛɛ ba Korowii bandia ne nɛra nɛ. On lole nɛra ɡee konu waa Korowii baah ɛɛ di nɛra nɛ. Dɛ Mmara fe toole naa, nɛra fe aa on koni.

Tɔn Pɔɔl Aa Chwerɛ Rom Tena 5:13

Korowii aa wola Mosis Mmara la ne balɛ mɔɔ la, dɛ wechɔɡa lole. Kɛ bela Mmara aa wola toole la, baa wechɔɡa nkontaa bu.

Tɔn Pɔɔl Aa Chwerɛ Rom Tena 5:20

Mmara balɔ dɛ ɡel wechɔɡa warɛ. Kɛ, wechɔɡa aa dɛ dawɛ la, a taa Korowii na nɛwɛnyina sum, dɛ cha yaa kohona.

Tɔn Pɔɔl Aa Chwerɛ Rom Tena 7:11

Liichɔɡa nao kɛŋɔ a dɔ bɔr name. Mmara taa a che dɛ neɡ mɛ, dɛ taɡ mɛ do seo ta.

Tɔn Pɔɔl Aa Chwerɛ Rom Tena 9:32

Aah dɛ bɔkwaa ɡela a ba ɡɛ nɔ? Baa wola sie kpɔe dawɛ Korowii yaradae ta, dɛ kpɔ sie dawɛ ba we-ɛɛla ta kɛŋɔ anee dɛ́ ɡel Korowii siwi su ba la, a waa. Anomanta, ba lɔ naa Bwe nɛra aa lɔ naa o ta dɛɛ chole la ta.

1 Kɔrent 15:56

Wechɔɡaa ɡela seo ɛɛ do yaa weweele ta. Mmara yaa wola o ta teŋɛ la ɡe ɡelɔ seo dɔ kpeɡri ya nɛ.

Galaasia 2:16

Kɛ, ya jemɔ kɛŋɔ Mosis Mmara ta teŋa laa ɡela nɛn ɛɛ ɛ nɛndɛɛɡe o wa ɛɛ su Korowii siwi, nemenɛ kɛŋɔ haa dɛ yarada Yeesu Kristo waa la, dɛ kpɔ he te tɛo. Yeesu Kristo nɛɛ ya ɡe kpɔ ya yarada do, asɛ Korowii koh o waa dɛ lɛ yaa kɛ nɛndɛɛɡa ya waa su o siwi. Mmara ta teŋa laa dɛɛ ba yaa nɛndɛɛɡa ɛɛ Korowii be, dɛkalkɛŋɔ Mmara ta teŋa aa won ɡel nomɛlbwa waa su Korowii siwi.

Galaasia 2:19

A ɡɛ Mmara laanee pili n sie dɛ ɡel n jemɛ waa dɛ chwa o ta teŋa. Mosis Mmara la te be pera te naa, n do kɛŋɔ nɛn waa sewa. N ne Mmara la toole wobɛlbwa bini kpa, ásɛ n won do le tɛ Korowii.

Galaasia 5:4

He banɔ la haa dɛ nyin he che Mosis Mmara ta teŋa ta ásɛ dɛ ɛ nɛndɛɛɡa he waa su Korowii siwi la, he pere he te le Yeesu Kristo be. He ta nɛra Korowii aa sune ba nɛɛ la nɛɛ jae.

Hibru 7:19

A ɡɛ Mosis Mmara nɔ fa ta wone ɡel nɛwɛnyina ɛ nɛndɛɛɡa ka tonɛ. Kɛ taraken te, ya dɔ wefala dɛɛ hwɛɡɛ a ta a ɡwaa ambena la, dɛ che a ta dɛ́ won tuuh dɛɛ tel Korowii.