Tɔn Pɔɔl Aa Chwerɛ Rom Tena 2:27 - mzwDBL

²⁷ He Juu tena te jemɛ Mmara nɔ dɛɛ teŋe he pena, kɛ he bane aa Mmara la ta teŋɛ. Asɛ nɛra baa wola Juu tena ɛɛ la ɡe, baa ba pena teŋe, kɛ ba bini bane dɛ teŋɛ Mmara la ta. Ba we-ɛɛla ɛɛ ɡeloo Korowii pa heyaa bolchɔɡe.

Tɔn Pɔɔl Aa Chwerɛ Rom Tena 2:27 ပူးပေါင်းရင်းမြစ်များ

Matiu 3:15

Anee Yeesu ŋɔ, “Taraken nɔ te, sɔ mɛ. He sɔ mɛ naa, ɡɛɛ yaa ba wona ɛ wedɛɛɡa aa dɛ su Korowii siwi la bwa.” Asɛ mɔɔ Jɔn sɛh dɛ sɔɔ nee la.

We-ɛɛla 13:22

Korowii leo kora la ta, dɛ kpɔ Devid so. Korowii bol Devid waa ŋɔ, ‘Jese bie Devid waa too n tea, dɛkalkɛ onee n na kɛŋɔ wɛɛ ɛ n tetoowaa bwa maa dɛ nyin kɛ o ɛ.’

Tɔn Pɔɔl Aa Chwerɛ Rom Tena 13:10

Nɛn haa dɛ nyinu la, haa on wechɔɡaa ɛ bwa. Naate waa dɛ nyin o dɔŋ la, dɛ o dɛ teŋɛ Korowii Mmara la bwa ta.

Tɔn Pɔɔl Aa Chwerɛ Rom Tena 2:15

Ba we-ɛɛla chaɡlɔ kɛŋɔ waa Mosis Mmara la aa dɛ baɡle la lɔ ba bambile bini. Ba liire ɡba dɛ di danseɛ ɡɛ waa nɔ ta, dɛkalkɛŋɔ a tel ane ta naa, ba ɡbaɡba liire yon ɛɛ ba kɛŋɔ ba ɛ wechɔɡa, ane ɡe ta ba ɡbaɡba liire yon ɛɛ ba kɛŋɔ ba ɛ wedɛɛɡa.

Tɔn Pɔɔl Aa Chwerɛ Rom Tena 2:20

Wejema bwa ne Korowii wobɛlbwa lɔ Mmara la bini, anomanta, he kpɔ he te kɛ wejereme dɛɛ baɡle ɡɛna ne bamuɡe wa.

Tɔn Pɔɔl Aa Chwerɛ Rom Tena 2:25

He dɛ teŋɛ Mmara la ta naa, dɛ he pena teŋa nɔ dɔ mun. Kɛ dɛ haa Mmara la ta teŋaa, ate he fe ɡel he pena teŋa bɔ.

Tɔn Pɔɔl Aa Chwerɛ Rom Tena 2:26

Nɛra baa wola Juu tena ɛɛ baa wola ba pena teŋe la, ba dɛ teŋɛ Mmara la ta naa, haa jemɛ kɛŋɔ Korowii ɛɛ lɛɛ baa kɛŋɔ nɛra baa teŋe ba pena aa?

Tɔn Pɔɔl Aa Chwerɛ Rom Tena 2:29

Waa aa dɛ baɡle kɛŋɔ nɛn ɛ Juu te tenten la, bambile binii a do. Korowii Domadɛɛɡe laanee dɛɛ ba toma ɛɛ he bambile bini, ásɛ he won ɛ Juu te tenten. Mmara bɛlbwa aa ɡɛ bambile nɔ tɛ. Nɛn Korowii Domadɛɛɡe la aa chao asɛ o bambile bini waa ɛɛ baɡle kɛŋɔ o ɛ Korowii nɛn la, nɛwɛnyini laa dɛɛ ba o kpɛɛra, Korowiirii dɛɛ ba o kpɛɛra.

Tɔn Pɔɔl Aa Chwerɛ Rom Tena 3:30

Korowii beŋkpoŋ ɡboo lole. Yeesu Kristo yaradae taa aa ba cheɡa ó ɡel Juu tena ɛ nɛndɛɛɡa ba waa su o siwi. O yaradae taa aa ba cheɡa ó ɡel nɛra baa wola Juu tena ɛɛ ɡe ɛ nɛndɛɛɡa ba waa su o siwi.

Tɔn Pɔɔl Aa Chwerɛ Rom Tena 8:4

ásɛ ya waa do sweih kɛŋɔ Mmara la aa baɡla ŋɔ yá do la. Yaa nɛwɛnyini mar liichɔɡa aa suu nɔ waa ta teŋɛ, Korowii Domadɛɛɡe waa taa yaa teŋɛ.

1 Kɔrent 7:19

Ba kpɔ kere chɔɡɛ noo, a ta waane ɛɛ, ba ta kere kpɔe chɔɡɛ noo, a ta waane ɛɛ. Kɛ Korowii Waa la ta teŋaa ɛ kasinteŋ.

2 Kɔrent 3:6

Korowii ɡelɔ ya won dɛɛ ɛ o fɔofale la toma. A ɡɛ fɔofale nɔ ta mmara baa chwera waa ɛɛ, Korowii Domadɛɛɡe waa. Mmara baa chwera la dɛ ba seo ne, kɛ Korowii Domadɛɛɡe la te dɛ ba mkpa ne.

Galaasia 5:14

Maa dɛ ŋɔ nɔ, webeŋkpoŋ bɛl lole dɛ he dɛ ɛ aa, dɛ he tonɛ Mosis Mmara la bwa. Onee kɛŋɔ, “Nyin he dɔŋ kɛ he ɡbaɡba.”

Ɛfesos 2:11

Anomanta, hɛ́ɛ lii ɡɛ he fa aa doa la. He ta Juu tena ɛɛ, asɛ Juu tena baa dɛ maŋkura penteŋ la koh kɛ haa he pena teŋe dɛɛ nyiŋi he nyubaah. A ɛ nɛwɛnyini bwadabii we-ɛɛla.

2 Timoti 3:15

He bechale saŋ bwaa he le jemɛ Korowii Tɔn bini waa aa dɛ ba wona ɡel he dɔ wejema, dɛ che yarada haa dɛ yarada Yeesu Kristo la ta Korowii lɛɛ.

Hibru 11:3

Yarada taa a che ya no a mun kɛŋɔ nyoa wobol nee Korowii ta nyundua ne harɛ. Anomanta, nyundua ne harɛ yaa dɛ na nɔ, kwaa baa wola an na nee ba taa.