Tɔn Pɔɔl Aa Chwerɛ Rom Tena 2:21 - mzwDBL

²¹ Haa dɛ baɡle he dɔŋa waa nɔ, ɛrɛɛ haa wola won baɡle he te ɡbaɡba ɔ? Haa dɛ ŋɔ nɛra be ŋɔ ba bɛ dɛɛ ŋwɛ, asɛ dɛ te dɛɛ ŋwɛ nɔ sɛ?

Tɔn Pɔɔl Aa Chwerɛ Rom Tena 2:21 ပူးပေါင်းရင်းမြစ်များ

Aesaya 42:20

Israel tena, waa haa kpɔ siwi na warɔ taeh, he ta sie a ta doe. He dɔ deŋne dɛ́ no waa kɛrɛdɛ, kɛ haa deŋne cheɡ.”

Aesaya 56:11

Ba do kɛŋɔ nyootena aa dɛ di kwaa kohona aa wola vaɡɛ bwa. Ba do kɛ peteɡra baa wola waa mun no. Bɛlbwa dɛ ɛ anɔ la aa dɛ su o siwi, ne waa aa le tɔnɔ tɛo.

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Matiu 21:13

dɛ ŋɔ ba be ŋɔ, “Ba chwerɔ do Korowii Tɔn la bini ŋɔ, ‘Baa yerɛ n Dea Korowii soŋebɔree,’ ɡɛɛ he te kpɔ bela berɛ ŋwɛɛra sɔɔhbɔr aa?”

Amanesoma Luk Aa Chwera Tɔn 11:46

Anee Yeesu chaŋo ŋɔ, “He Tɔnjerema haa dɛ baɡle Korowii Waa la ɡe, hé bwɛɛlɛ. Hé kpɔ wekpeɡa aa do kɛŋɔ bone dɛ dawɛ nɛra nɛ, kɛ dɛ te berɛ laa nɔn kpɔ a ta.

Amanesoma Luk Aa Chwera Tɔn 12:47

Bonɔɔ waa jemɛ ɡɛ o dɔɔ aa dɛ nyin, kɛ dɛ vɛh o te kpɔe dɛ ɛ ɡɛ tɛo la, o dɔɔ ɛɛ ɡeloo ba lɔɔro taeh.

Amanesoma Luk Aa Chwera Tɔn 19:22

Anee nomoa la ŋɔ o be ŋɔ, ‘Bonɔnchɔɡe kohona! He ɡbaɡba nyoa wobol taa mɛɛ ba cheɡa dɛ́ pae bolchɔɡe. He jemɔ kɛ n ɛ bambikpeɡ te, dɛɛ kpɔ kwaa aa wola n kwaa ɛɛ, dɛɛ komɛ kwaa maa wola due kenɛ?

Amanesoma Luk Aa Chwera Tɔn 4:23

Anee Yeesu ŋɔ ba be ŋɔ, “N jemɔ kɛŋɔ hɛɛ sɛɡ mɛɛ ŋɔ, ‘Tɛɛɡa te, chah he te. Gɛ yaa noa kɛ he ɛ Kapeeneɔm la, ɛ ane he ɡbaɡba bwɛɛ bonɔ ɡe.’ ”

1 Kɔrent 9:27

N dɛ lawɛ n te, dɛɛ haŋre kɛrɛdɛ kɛ, n ɡbaɡba maa dɛ bol Amanesoma nɔ dɛɛ baɡle nɛra nɔ, n bɛ ba koni dɛ́ horɛ.

Galaasia 6:13

Nɛra baa sɛah ba teŋni ba pena la, ba ɡba aa Mosis Mmara la bwa ta teŋɛ. Ba dɛ nyin ba teŋni he pena ásɛ dɛ won kpɔ a waa dɛɛ ta nyoa.