18 He jemɛ ɡɛ Korowii aa dɛ nyin kɛ hɛɛ ɛ, dɛ jemɛ Mmara la, dɛ jemɛ waa aa wera bwa.
He waa la baɡla ɡelɔ nɛra liire bini ɛɛ chaah, dɛɛ tɛ nɛra baa wola wobɛlbwa jemɛ wejema.
Korowii Mmarare toɡrɔ, dɛɛ tɛ nɛn waa dɛ teŋɛ a ta silɛɛ. O waa waa dɛ do yaa a ta wer, dɛɛ pili nɛn sie.
Webaɡla nɔ do kɛŋɔ kandea dɛɛ chaahne, wejaala nɔ ɛɛ won baɡle ɡɛ haa dɛ ba wona so.
ásɛ he won jemɛ waa baa bol he be la bini kasinteŋ bwa kɛrɛdɛ.
Bonɔɔ waa jemɛ ɡɛ o dɔɔ aa dɛ nyin, kɛ dɛ vɛh o te kpɔe dɛ ɛ ɡɛ tɛo la, o dɔɔ ɛɛ ɡeloo ba lɔɔro taeh.
Dɛ he jemɛ ɡɛ waa nɔ dɛɛ ɛa ɡe te naa, hɛɛ na somee.
Wobɛlbwa ba fa aa chwera la, dɛ yanee ba chwera tɛ kɛŋɔ yá hweli waa le a ta. A ɡɛ waa nɔɔ dɛɛ ja yaa bambile dɔe ta, dɛɛ do yaa ɡbemba, ásɛ a che a ta ya dɔ hwɛɡa.
Kɛ he dɛ yerɛ he te nɛn waa jemɛ waa dɛɛ baɡle nɛra baa wola wobɛlbwa jemɛ. Kɛ he ŋɔ henee ɛ nii dɛɛ chaah nɛra baa lɔ biro ta.
Harɛ bɛlbwa ɡe toole, hale o ne o sɔn dɔe bwa, dɛ dɔ mmarare aa toɡra kɛŋɔ anɔ nɔ maa dɛ dalwe a ta nɔ bwa.
ásɛ dɛ won jemɛ waa aa wera kohona. Anee dɛ́ ɡel he won do kaih, nomɛlbwa aa wola he wechɔɡa dɔe ba dɛ bol ka tel awola Yeesu Kristo aa ba la.
Kɛ hé nyiŋi ba webaɡla, ásɛ dɛ lawɛ anɔ la aa wera la bini.
Nomonomee dɛɛ di kondikwaa tenten. Banee ɛ waa biɡri, dɛ jemɛ wedɛɛɡa ne wechɔɡa.
Anomanta, nomɛlbwa waa jemɛ waa aa wera kɛŋɔ o ɛ, dɛ vɛh ɛɛ la, dɛ o ɛ wechɔɡa.