Tɔn Pɔɔl Aa Chwerɛ Rom Tena 2:17 - mzwDBL

¹⁷ Asɛ he naate haa dɛ yerɛ he te Juu te, dɛ kpɔ he sie dawɛ Mosis Mmara la ta dɛ kpɔ Korowii dɛɛ ta nyoa la ɡe sɛ?

Tɔn Pɔɔl Aa Chwerɛ Rom Tena 2:17 ပူးပေါင်းရင်းမြစ်များ

Yela 135:4

O le Jekɔb luɡe tena, Israel tena baa ɛ o ɡbaɡba nɛra la tɛ o te.

Aesaya 45:25

Men Korowii ɛɛ ɡeloo Jekɔb naanar bwa waa toɡre, ásɛ ba kpɛɛ mɛ.”

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Sefania 3:11

Gɛ tɔpere la, maa ɡel sihiih kpo heyaa he deŋnekpeɡ haa ɛɛ mɛ la waa kpa. Mɛɛ le mbarafo tena bwa nee n bwɛjen nɔ ta, ásɛ bɛlbwa ɡe aa won ɛɛ mɛ sisawaa n bweɡoroŋ n Dea aa chɔŋɛ o ta la ta kpa.

Matiu 3:9

He bɛ dɛɛ lii kɛŋɔ haa ɛ Abraham naanar la ɡbo ɛɛ wonoo ɡel he chwa Korowii bandia la. Kasinteŋ, Korowii ɛɛ wonoo ɡel bwea nɔ beɡre Abraham naanar.

Amanesoma Luk Aa Chwera Tɔn 10:28

Anee Yeesu ŋɔ o be ŋɔ, “Kpelaa he ŋɔ. Dɛɛ ɛ ɡɛ, hɛɛ dɔ ɡɛ mkpa laanee.”

Amanesoma Jɔn Aa Chwera Tɔn 5:39

He swɛɛ siwi dɛɛ kure Korowii Tɔn la, ásɛ dɛɛ lii kɛŋɔ hɛɛ dɔ mkpa aa wola jaɡa dɔe le a ta. Asɛ ɡɛ tɔn nɔ bini waa ɡe ɛɛ di danseɛ dɛɛ tɛ mɛ.

Amanesoma Jɔn Aa Chwera Tɔn 5:45

He bɛ dɛɛ lii kɛŋɔ menee dɛ che Korowii sie dɛɛ baɡle he wechɔɡa haa ɛa. Me laa. Mosis haa kpɔ he hwɛɡa bwa do o nɛɛ la, on dɛɛ baɡla.

Amanesoma Jɔn Aa Chwera Tɔn 7:19

Mosis ta heyaa Korowii Mmara la tɛɛ yaa? Asɛ he bini bɛlbwa toole dɛ teŋɛ a ta. Aah dɛ ɛrɛɛ he berɛ dɛɛ nyin mɛ dɛ́ kpo nɔɔ?”

Amanesoma Jɔn Aa Chwera Tɔn 8:33

Anee ba ŋɔ, “Abraham naanaree ya te, nomɛlbwa nɛndɔɔla laa yan. Aah, ɛrɛɛ hɛɛ baɡle kɛŋɔ yaa dɔ ya tenee yaa wola nɛndɔɔlaa ɛ kpa nɔɔ?”

Amanesoma Jɔn Aa Chwera Tɔn 8:41

He ɡe mɛɛ toma siwii hɛɛ ɛ la.” Anee ba ŋɔ, “Nyoasɛm bii laa yan oo, Korowii ɡboo ya Mɛɛ.”

Tɔn Pɔɔl Aa Chwerɛ Rom Tena 2:23

Hen kpɔ Mmara la dɛɛ ta nyoa, he ɡee wola a ta teŋɛ, asɛ nɛra koh he we-ɛɛla waa dɛɛ ɛ Korowii nɛnhɛla.

Tɔn Pɔɔl Aa Chwerɛ Rom Tena 3:27

Aa do ɡɛ nɔ, ya dɔ ŋwɛnɛ kɛŋɔ ya ta nyoa aa? Ya ta ŋwɛnɛ dɔe. Ɛrɛ taa a che yaa wola won ta nyoa nɔɔ? Mmara ta teŋa ta laa a che. Yeesu Kristo yaradae laanee tɔ ɡɛ waa nɔ bwa ŋwɛnɛ,

Tɔn Pɔɔl Aa Chwerɛ Rom Tena 9:32

Aah dɛ bɔkwaa ɡela a ba ɡɛ nɔ? Baa wola sie kpɔe dawɛ Korowii yaradae ta, dɛ kpɔ sie dawɛ ba we-ɛɛla ta kɛŋɔ anee dɛ́ ɡel Korowii siwi su ba la, a waa. Anomanta, ba lɔ naa Bwe nɛra aa lɔ naa o ta dɛɛ chole la ta.

2 Kɔrent 11:22

Dɛ Hibru tenaa ban aa, bɛlee n ɡe. Israel tena ɡee ban aa, bɛlee n ɡba. Abraham naanaree ban aa, bɛlee n ɡe.

Galaasia 2:15

Ya te nɔ, Juu tena ɛ ya nyare ne ya mɛɛnanar ba lolɛ yaa, asɛ ya ɡe ɛ Juu tena. Nɛra baa wola Juu tena ɛɛ asɛ Juu tena ɛɛ yer ba ‘wechɔɡ-ɛɛra’ la laa yaa.

Ɛfesos 2:11

Anomanta, hɛ́ɛ lii ɡɛ he fa aa doa la. He ta Juu tena ɛɛ, asɛ Juu tena baa dɛ maŋkura penteŋ la koh kɛ haa he pena teŋe dɛɛ nyiŋi he nyubaah. A ɛ nɛwɛnyini bwadabii we-ɛɛla.

Wepila 2:9

N jemɛ he wahala ne he nyae wa, kɛ he ɛ dɔɔhna taeh. N jemɛ wechɔɡa nɛra baa dɛ yerɛ ba te Juu tena kɛ dɛ ɛ Bɔnsam habɔteŋra la aa bola dawɛ he nɛ.

Wepila 3:1

Tɔn nɔ dɛ kaa nyundua torome waa cheɡa tɛ asɔre tena baa lɔ Saades la be. “Men maa dɔ Korowii Domare anuanɛ ne weweela anuanɛ la ŋɔ, N jemɛ he we-ɛɛla. Nɛra jemɔ kɛŋɔ he soɡe le bokpeɡa ta, kɛ he sewɔ. He kpeɡri haa dɔa dɛɛ teŋɛ n nɛɛ la nyoa dɛ sɔɔh.

Wepila 3:9

Hɛ́ɛ no! Bɔnsam habɔteŋra baa dɛ teŋe nyosone, baa wola Juu tena ɛɛ dɛɛ yerɛ ba te Juu tena la, mɛɛ ɡeloo bá ba ɡuŋi he sie, dɛ́ jemɛ kɛŋɔ n dɛ nyin heya.